Chapitre 1553: Parang isang Watawat na Wumawagayway

Reinforced Iron Bones? Thousand Ton Drop?

Naku po.

Walang kahit na ano man sa dalawang skill na ito ang may kakayahang harapin ang Rising Dragon Soars the Skies. Mayroong mataas na prayoridad ang skill na iyon dahil sa grab effect na ito, at dahil diyan ay hindi nito iniinda ang epekto na dulot ng Super Armor.

Maaari lamang mailagan ang Rising Dragon Soars the Skies, hindi ito maaaring harangan!

Eagle Stamp!

Tumalon habang nasa hangin si River Sunset, para maitaas niya ang kaniyang sarili. Pero hindi pa rin iyon sapat! Hindi sapat ang bahagyang pag-akyat ni River Sunset para makaalis siya sa lugar na nasasakupan ng Rising Dragon Soars the Skies.

Hinati ng dragon na binubuo ng mahika ang hangin, at binuka nito ang kaniyang bibig para kagatin si River Sunset. Pero bago pa man nito nakagat si River Sunset ay biglang tumigil ang katawan ni River Sunset sa hangin, inikot niya ang kaniyang katawan, at Whirlwind Kick!