Chapitre 1442: Pagkakahanay ng isang Summoner

Magagawa bang pigilan ni Deception si Eight Notes?

Matapos mapakinggan ang mga salitang binitawan nina Pan Lin, at Li Yibo ay napapaisip na rin ang mga manonood tungkol sa sagot sa katanungang ito. Batay sa kanilang mga nakikita ay nahulaan nila kung saan magtatagpo ang landas ng dalawa batay sa bilis ng paggalaw ng dalawa sa loob ng mapa.

Pero hindi kagaya sa inaasahan nina Pan Lin, at Li Yibo ay naging maingat pa rin naman sa paglalakad si Li Yuan. Habang naglalakad siya ay paminsan-minsang nagtatawag siya nang mga halimaw para maghanda sa isang biglaang labanan.

"Nagsisimula nang magtawag ng mga halimaw si Li Yuan... Pero sa mapa na ito ay kapag pinabagal ni Mo Fan ang takbo ng labanan, mahihirapan si Li Yuan! Alam naman natin na limitado lamang ang oras ng mga tinawag na halimaw sa mundong ginagalawan ng mga karakter, at magastos rin sila sa Mana."