Chapitre 1318: Tagumpay

1 laban sa 0.

Nangunguna na ang Tyranny sa labanang ito.

Pero sa totoo lang ay hindi naman talaga ito dapat na nakakagulat. Pero ang manlalarong natalo ay ang kasalukuyang pundasyong manlalaro ng Wind Howl, ang Team Captain nila na si Tang Hao. Habang ang nanalo naman ay ang nakaraang pundasyong manlalaro ng Wind Howl na si Lin Jingyan.

Mas naging iba ang lasa ng pagkatalo na ito dahil sa kasaysayan ng dalawang manlalarong nakipaglaban.

Pero hindi naging masyadong masaya ang mga tagahanga ng Tyranny. Kasi naman, ang importansya ng labanang ito ay nakasentro sa nakaraan, at kasalukuyan ng Wind Howl. Hindi ito maiintindihan ng mga tagahanga ng Tyranny.

Tungkol naman sa mga tagahanga ng Wind Howl? Iilang mga tagahanga na lamang nila ang nakaupo pa sa istadyum na ito, at ang mga manlalarong iyon ay kasalukuyang nalulungkot. Kakatapos pa lamang ng unang labanan sa Individual Competition, pero may tumayo na para umalis.