Chapitre 1195: Lahat Sila'y Mas Nahihibang Pa Kaysa sa Nauna

Kaagad na kumulo ang dugo ng bawat taong kalahok sa Press Conference na ito. Kahit iyong mga tao na wala naman talagang galit kay Tang Rou ay hindi na magawang pigilan pa ang kanilang sarili sa mga sandaling nakita nila ang kaniyang pag-uugali.

Ano ba itong ginagawa niya? Nagmamatigas siya? Malinaw na hindi mo nagawa ang pangako mo, at ngayon ay hindi ka humihingi ng tawad, at sasabihin sa lahat na ikaw ay nagkamali't naging pabida lamang? Sasabihin mo lang sa amin na "hindi ka papayag"?

Sa buong sampung taong kasaysayan ng Glory Professional League. Ito pa lamang ang unang beses na mayroong ganitong klase ng manlalaro, isang manlalaro na tumatangging tanggapin ang pagkakamali sa kaniyang mga sinabi.