Chapitre 976: Ang Vanishing Step ni Steamed Bun

Thwack!

Naging malutong ang tunog ng isang Brick na tumama sa bungo ng kalaban ni Steamed Bun.

Inaasahan na ng mga ekspertong manlalaro na kagaya nila Ye Xiu, at Zhang Yiwei ang atakeng ito ni Steamed Bun. Pero para sa mga mata ng mga ordinaryong manlalaro na kanina pa tumatawa dahil sa ginagawang pagtakbo ni Steamed Bun, nagulat sila sa biglaang pag-atake ni Steamed Bun.

Nagawang samantalahin ng isang baguhang manlalaro na kagaya ni Steamed Bun ang isang saglit na pagkakataon na iyon para makapagpadala ng isang atake na tinapon niya sa kaniyang pagmamadali na para bang hindi niya ito sinasadya.

Hindi nga ba niya sinasadya ang atake na ito, o baka naman ay...

Noong una ay nagdadalawang-isip pa si Zhang Yiwei, pero hindi nagtagal ay napawi na rin ang pagdadalawang-isip niya. Kasi naman, si Steamed Bun Invasion na orihinal na kaawa-awa sa labanang ito ay nagpakawala ng mga sunod-sunod, at mababangis na atake.