Chapitre 952: Nakakalitong Magulong Labanan

"Nagawa mong sirain?" Labis na naging masaya si Blooming Blossom, pero matapos matingnan ang Health ng Berserker ni Yu Feng ay hindi na niya mailabas pa ang kaniyang ngiti. Mabuti na lamang ay naging mabilis ang pag-aksyon ng mga manlalaro ng Blossom Valley.

Sa isang iglap lang ay nagawa nilang punuin ang Health ng Berserker ni Yu Feng.

Gayunpaman ay tumayo na lamang sa isang tabi ang Berserker ni Yu Feng, at nakatulala. Nakatulala siya na para bang hindi niya alam na naisalba siya ng kaniyang mga kasamahan.

Pero talagang inakala ni Yu Feng na namatay na siya sa mga sandaling iyon. Nagulantang siya sa kinalabasan ng delikadong galawang ipinamalas niya. Kayang-kaya namang ilagan ni Zhang Jiale ang atakeng pinadala niya, pero...

"Naging malambot ka na." Matapos nito'y narinig ni Yu Feng na nagsalita si Another Summer of Sleep.

Syempre, hindi para sa kaniyang mga tainga ang salitang ito.