Chapitre 946: Seryosohin Mo Nga Ito

Sa totoong buhay o dito man sa loob ng laro ay hindi nagpakita ng kahit na anong reaksyon si Mo Fan tungkol sa mga utos ni Ye Xiu. Gayunpaman, matapos marinig ng lahat ng mga manlalaro sa Happy ang usapang nagaganap sa pagitan nila Ye Xiu, at Wei Chen ay hindi nila mapigilang mataranta.

Walang kahit na anong problema para sa kanila na mambugbog ng mga ordinaryong manlalaro, kaya kadalasang hindi nila iniisip kung ano ang kanilang gagawin kapag sila ay natalo. Pero iba ang sitwasyon na kakaharapin nila sa mga sandaling ito.

Kasi naman, ang mga kalaban nila ay mga propesyonal na manlalaro. Hindi lang mga ordinaryong propesyonal na manlalaro ang kakaharapin nila sa mga sandaling ito. Kung hindi ay sila'y mga All-Star na manlalaro! At saka, hindi lang isa o dalawa. Kundi sila'y anim! Anim na All-Star na manlalaro!