Chapitre 849: Isang Deretsahang Pakikipagtulungan

Ramdam ni Wu Chen na parang may mga nakatagong sekreto yata itong mga sinabi ni Ye Xiu. Pero wala siyang paraan para deretsahang tanungin si Ye Xiu tungkol dito. At saka, dahil binanggit lang niya kani-kanina lang ang Team Heavenly Swords ay paniguradong sila na muna ang iisipin nila.

Matapos pag-isipan ang lahat ng ito ay biglang namalayan ni Wu Chen ang relasyon ng dalawa sa isa't-isa. Noong una, hiniram ng Heavenly Swords ang diskusyon kung si Lord Grim ay si Ye Qiu nga ba para maakit nila ang atensyon ng lahat.

Ngayon, sa Heavenly Domain. Sina Lord Grim, at ang iba pang mga malalaking guild sa Heavenly Domain ay bumuo ng alyansa para magnakaw ng mga wild BOSS. Sa bawat araw na lumilipas ay mas nagiging masagana ang kanilang alyansa. Hindi ito isang sekreto sa publiko.