Chapitre 810: One Hit One Kill

Dahil sa nakakahiyang dahilan ay natapos ang unang laban sa Individual Competition ng dalawang kampo sa isang nakakahiyang pagkatalo ni Steamed Bun. Sa kasagsagan ng labanan ay hindi niya nagawang malapitan ang kaniyang kalaban, kaya natalo siya ng hindi man lamang nakaka-atake.

Kaagad na naging masidhi pa ang pagnanasa ng mga manonood na makita ang pagbagsak ng Team Happy sa mga kamay ng Team Everlasting. Matagal-tagal na rin naman kasi nilang hinihintay ang mga sandaling ito.

Pero matapos makita ng mga tagahanga ng Team Everlasting ang ginagawang panghahamak ng lahat sa Team Happy ay nagulantang silang lahat.

Nagawang manalo ng sinusuportahan nilang Team sa una nilang laban, at sa mga ganitong klase ng sandali ay palagiang naghihiyawan silang lahat sa tuwa! Pero hindi nila inaasahan na ang mga katabi nila na inaakala nilang mga kakampi nila ay biglang magsisisigaw.