Chapitre 809: Riverside Veranda

Kung hindi dahil sa higanteng Excellent Era ay ang Team Everlasting sana ang Team na naghahari ngayon sa Challenger League ng season na ito. Malinaw na hindi maganda para sa Team Happy na makalaban ang Team Everlasting sa ikalawang yugto pa lamang ng kanilang mga laban.

Gayunpaman ay ilang mga manlalaro lamang ang naawa sa naging kinahinatnan ng Happy. Imbis na maawa ang mga tao ay lubusan pa nilang hinamak ang Happy. Ang orihinal na grupo ng mga taong gustong makita na mapahiya ang Team Happy ay kaagad na ikinalat ang balitang ito.

Sinabi pa nga nila sa kanilang mga kaibigan na dapat ay tingnan nila ang mga sandaling tumumba na ang Team Happy. Sa mga panahong ito ay siguradong-sigurado na silang lahat na talagang ito na ang katapusan ng Happy.