Chapitre 590: Nakatagong Motibo

Tumigil sa kaniyang mga galaw si Unrivaled Super Hottie!

Grabe, nakakatako! Paniguradong may binabalik siguro siya!

"Mag-ingat kayong lahat!" Pasigaw na sabi ni Jiang You. Biglang nanginig ang mga manlalarong nasa paligid niya't kaagad silang natahimik, bilang mga beteranong manlalaro ay hindi na nila kinuwestiyon ang katwiran sa likod ng utos na ito. Tiningnan na lamang nila ang paligid.

Wala namang kahit na anong kahina-hinala sa paligid nila.

Walang natuklasang kakaiba ang mga manlalaro ng Tyrannical Ambition. Kahit nga si Jiang You mismo ay walang nakikitang mali, ang tanging namalayan lamang niya'y tumigil sa paggalaw si Unrivaled Super Hottie sa isang tabi na para bang siya ay isang estatwa.

Naisip niya na baka may masamang balak si Unrivaled Super Hottie kaya kaagad siyang kinabahan.