Chapitre 585: Panimulang Lugar

Naging mabilis ang mga atakeng pinapakawalan ni Dazzling Spring. Para mailagan ang ganitong klase ng atake ay kinakailangang maging mabilis rin ang bawat galaw na gagawin ni Unrivaled Super Hottie.

Ito ang naging dahilan kung bakit kinakabahan ang taong nanonood sa tabi ni Ye Xiu na si Chen Guo, pero kahit na hindi siya nakakasigurado sa kung ano ang maaring mangyari ay nakaramdam pa rin siya ng pananabik.

Ito'y dahil tanging siya lamang ang taong nakakakumpirma sa pagkakakilanlan ng dalawang manlalarong ito.

Ang una, ay syempre naman ay si Ye Xiu.

At ang pangalawa naman ay sigurado siya na si Zhang Jiale. Masyadong madali lang naman kasing malaman ang pagkakakilanlan niya dahil sa istilo ng pakikipaglaban niya lalong-lalo na kapag gamit niya ang isang Spitfire.