Chapitre 547: Agresibo at Malalakas Ang Mga Mayayaman

Hindi naging matagumpay ang operasyong kinasa ng mga malalaking guild para kay Lord Grim. Sina Windward Formation naman at ang mga kasamahan niya ay kasalukuyang naghahasik pa rin ng lagim, pero habang tumatagal ay mas lalong humihina sila.

Gayunpaman, dahil masyadong mahirap kalabanin ang grupo nila at gumagamit pa sila ng mga stratehiyang hindi pangkaraniwan ay hindi mapigilang mainis ng mga malalaking guild, pero ang mga sumunod na nangyari ay naging dahilan kung bakit kinalimutan nila ang ginagawa ni Wei Chen.

Sa wakas ay dumating na ang mga sandali na talagang ayaw nilang dumating kahit na sa kanilang mga panaginip.

Heavenly Justice!

Ang guild na ito ang opisyal na magiging guild ng isang paparating na team na sasali sa Alliance, at ngayon ay naglabas ng anunsyo ang Heavenly Justice. Tinuligsa nila ang pamamalakad ng mga Club na kung saan inuuna pa nila ang negosyo kaysa sa mga nasasakupan nilang manlalaro.