Chapitre 398: Masyadong Tahimik

Habang nagdiriwang ang lahat dahil naitatag nila ang dungeon record at nalamangan ang naunang record, biglang narinig nila na tinutuligsa ng amo ni Ye Xiu ang pangalan ng kanilang guild.

Kung alam lang sana ni Ye Xiu na tutulugsain ni Chen Guo ang pangalan ng guild ay pinatay na sana niya muna ang kaniyang mikropono. Pero dahil nangyari na ang lahat ng dapat na mangyari, narinig ng lahat ang mga sinasabi ni Chen Guo at natahimik silang lahat na para bang nabulunan.

Matapos ang ilang sandali ng katahimikan, ang unang nagsalita ay ang beteranong si Ye Xiu, pero imbis na mainis sa sinabi ni Chen Guo ay sumang-ayon pa siya't sinabi sa lahat.

"Hayaan na lamang muna natin ang pangalan ng guild. Kapag narating na natin ang Heavenly Domain, doon. Maari na nating mapalitan ang pangalan."