Chapitre 377: Isa Matapos ang Isa

Karamihan sa mga manlalaro ng bawat Guild ay nasa Level 30 lamang at hindi pa gaano karami at malawak ang kanilang karanasan, ang ibig sabihin nito ay talagang hindi naman sila dapat na pumunta sa Thousand Waves Lake. Pero kung babantayan lang naman nila ang daanan mula Congee City papunta sa Thousand Waves Lake, sumasapat na sila.

Dahil karamihan rin sa mga manlalarong nasa ika-sampung server ay nasa Level 30, kapag tinago ng mga manlalaro ang pangalan ng kanilang guild na lumulutang sa ibabaw ng kanilamg mga pangalan ay imposibleng malaman ng ibang tao na ang manlalarong iyon ay mula sa isang partikular na guild.

Pero gamit ang mga manlalarong mababa ang Level ay nalaman ni Ye Xiu kung sino sa mga manlalarong nasa Thousand Waves Lake ang mula sa Misty Castle. Matapos matanggap ang ulat ay madali niyang nalaman kung ano ang rutang tinatahak ng kaniyang mga kalaban.