Chapitre 327: Tunay na Dalubhasa

Ang host na nasa kalagitnaan ng stage ay bigla nalang narinig ito at halos matapilok. Bigla niyang naramdaman na pinapasok niya ang lobo sa kanyang bahay. Ang Broadcast team naman sa likuran ng entablado ay bigla na lang sumigaw sa kanya: "Punyeta, asan na ang susunod na tao? Bilisan na't ilagay niya siya sa entablado. Nagpapalabas na tayo ng ads ng limang minute!"

Halos gumulong at gumapang na ang host habang papunta sa entablado, noong nagtanong si Du Ming ng tanong na gustong malaman ng lahat: "Sino ka?"

"Pagod na ang pangunahing player. Ako ang papalit." Kalmadong sinagot ni Ye Xiu.

Tumawa naman ang mga manonood. Nagtataka sila kung intensyon ng host na magpadala ng nakakatawang tao. Sa sandaling ito, tumalon naman sa entablado ang host. Lumiwanag ang mga ilaw at inanunsyo niya habang hinahabol ang kanyang hininga na ang pangalawang challenger ang dumating.