Chapitre 278: Basagin ang Formation! Ang Isda ang Naging Mangingisda!

Tama nga ang hinala niya!

Nung kinumpara niya ang mga nakaraang coordinates ni Lord Grim at ang kasalukuyan niyang coordinates ay natuklasan niyang papunta si Lord Grim sa butas ng Formation.

Batay sa oras na naipadala ang mga coordinates na ito ay malinaw na naging desidido at mabilis ang aksyong ginawa ni Lord Grim. Para bang alam na alam niya na talagang may magiging butas sa dakong iiyon.

Nung namalayan ni Wind Following Sword ang butas na iyon ay kaagad siyang nagpadala ng mga manlalaro para makumpuni ang problemang iyon.

Pero gayunpaman, ang pagmamadali niyang iyon ang naging dahilan kung bakit sa mga sandaling iyon ay may isang bahagi sa Formation na kung saan walang kahit na sinong tao.

Batay sa direksyong kasalukuyang tinatahak ni Wind Following Sword ay napasiyahan niyang dapat na ipadala niya ang kaniyang mga kasamahan na malayo sa posisyon ni Lord Grim para mapuna ang butas na iyon.