Chapitre 237: Hindi Magkakasama ang Mga Miyembro

Pagkatapos makipag-usap kay Su Mucheng, dumating na ang oras ng hapunan kaya sila ay nagpaalam na sa isa't-isa para makakain. Si Chen Guo at Tang Rou ay hindi pa rin nakakabalik, kaya nung matapos siyang kumain ay hindi muna bumalik sa laro si Ye Xiu.

Pumunta siya sa Glory Forums para magsaliksik at maglibang.

Ang forum ay may sandamakmak na kategorya, kagaya ng kategorya para sa mga dungeons, kategorya para sa mga patnubay ng bawat class, at kategorya na kung saan pwedeng pag-usapan ang mga nangyayari sa Pro Alliance.

Bawat kategorya ay may kani-kanilang paksang maaring doon lang pag-usapan. Pero kapag may hinahanap kang paksang hindi nabibilang sa mga kategorya na ito. Kailangan mong hanapin iyon ng mano-mano.