Chapitre 163: Natamaan Kahit Nakayuko.

Sa gabing iyon ay hindi na pinagod ni Ye Xiu ang kaniyang sarili. Gayumpaman, ang mga manlalaro sa ika-sampung server ay nakaramdam ng takot sa kaniyang presensya.

Mga Records! Malinaw na ang takot nila ay dahil sa mga records.

Sa huli, nalamangan ang dungeon record ng Desolate Land. Ipinakita na naman ni Lord Grim na kinakailangan siya para makatatag ng nagtatagal na mga records. At ang Full Moon Guild, ang pangalang nakakasuka para sa mga malalaking guilds, ay kinuha ang kanilang pwesto sa leaderboards.

Ang mas masama pa ay masyadong naging mayabang ang mga manlalaro ng Full Moon Guild.

Sa isang guild, ang ugali ng Guild Leader ay may malaking epekto sa guild. Ang nakaugaliang pagyayabang ni Maple Tree, na bahagyang napawi pagkatapos makita ang husay at galing ni Lord Grim ay muli na namang lumitaw sa mundo.

Pagkatapos malamangan ang nakaraang record, hindi niya mapigilang mapahanga sa kaniyang pambihirang galing.