Chapitre 803: Isandaang Libong Academic Credits?

"Alam kong gagawin mo yan!"

Dahil alam niya na ang tatlong technique ng kanyang kalaban ay maaaring baligtad o hindi, naghanda ng maigi si Zhu Hong sa pagkontra sa anu mang gagawin ng kanyang kalaban.

Bilang pang-apat sa entrance examination ng akademya, dumaan siya sa iba't ibang klase ng major at minor na mga laban. Maaari ngang nagpabaya siya dahil sa isang walang kwentang technique, na naging dahilan para mabugbog siya ng kalaban. Ngunit, ngayong nakahanda siya, paano pa gagana laban sa kanya ang technique na ito?

Habang tumatawa siya sa kanyang isipan, hinarang niya ang daliri ni Zheng Yang gamit ang kanyang kanang kamay, para pigilan ang kanyang kalaban na atakihin ang kanyang mingmen. Aatake pa lang sana siya, nang mapansin niyang kunwari lang pala ang atake ni Zheng Yang, at malapit na pala sa kanya ang isa pang kamao ni Zheng Yang, na papunta direkta sa kanyang mukha.

Peng!