Chapitre 27: Hindi Kayang Maipagtanggol Ang Sarili
Éditeur: LiberReverieGroup
Matapos bigyan ng titig ang matabang bata ay galit na nagsalita si Duan Ling Tian, "Punyetang mataba, iniisip mo ba na walang halaga ang mga inscriptions na makukuha mo ito kung kailan mo gugustuhin? Halos hindi ko pa kinukuha sayo ang bayad mo. Alam mo ba na nagkakahalaga ng tatlumpung pilak ang mga materyales ng Thunder Flame Inscription?!"
Ang inscription technique ay isang sining na naisasagawa sa pamamagitan pera.
Ang mga inscriptions tulad ng Thunder Flame Inscription ay itinuturing pa rin na mababang antas ng inscriptions.
Ang mga inscriptions na bahagyang may mas mataas na antas ay nagkakahalaga na agad ng ilang libo, sampung libo, o kaya'y pilak…
Inakala ni Duan Ling Tian na mahihiya ang matabang bata matapos nitong marinig ang mga gastos.
Gayunpaman, si Fifth Elder Li Ting, ang tatay ng matabang bata, ay nakatatanggap lamang ng dalawampung pilak kada buwan, kaya naman imposibleng payagan itong makapagbigay ng mataas na halaga pera.
Sa 'di inaasahan, matapos marinig ang sinabi ni Duan Ling Tian ay biglang tumawa ang batang mataba.
Ipinasok niya ang kanyang kamay sa kanyang bulsa at naglabas ng bunton ng perang papel na gawa sa pilak. Ang bawat isa sa mga perang papel ay nagkakahalaga ng isang daang pilak. Ibinigay niya ito kay Duang Ling Tian. "Boss, hindi ba't pilak lang ang kailangan? Lahat ng kayang masolusyunan ng pilak ay hindi problema! Siguro ay nagkakahalaga ito ng humigit-kumulang pitong daan o walong daang pilak; kunin mo ito lahat at dalhin mo dito ang Inscription Master para igawa niya pa ako ng inscriptions."
Nagulantang si Duan Ling Tian.
Sigurado siya na ang mga perang papel na gawa sa pilak na nasa kamay ng matabang bata ay hindi galing kay Fifth Elder Li Ting.
Nagkaroon ng limang daang pilak si Li Ting noong nakaraang araw matapos nitong pumusta sa kanya.
Subalit hindi pa rin lalagpas ng 1,500 na isang daang pilak ang kanyang kabuuang pera.
Sa kabilang banda, noong oras na nakikipaglaban siya kay Li Jie, makapupusta rin sana si Li Ting ng limang daang pilak kay Li Kun.
Tinanggap ni Duan Ling Tian ang perang papel na gawa sa pilak mula sa matabang bata ay nagtanong, "Li Xuan, saan mo nakuha ang lahat ng perang ito?"
Ang matabang bata ay labis na ngumiti ay lumiit ang dilat ng kanyang mata. "Binigay sa akin ito ng aking lolo bago ako bumalik sa Li family estate. Boss, pakiusap ko na sana 'wag mo sabihin sa aking tatay, kung hindi ay hindi ko na magagawang panatilihin ang balanse ng aking pera.
"Bukod sa mga perang papel na ito, mayroon ka pa ba?"
Si Duan Ling Tian ay natigilan at ang kanyang mga mata ay nagsimulang lumiwanag. Hindi niya inaasahan na ang matabang batang ito ay ganito kayaman.
"He he, mayroon pa ako."
Ang matabang bata ay may maligayang ekspresyon sa kanyang mukha. "Sabi sa akin ng aking lolo ay sulatan ko lamang siya kapag naubos ko na ang mga pilak na ito at papadalhan niya pa ako."
Bahagyang napangiti si Duan Ling Tian. Mukhang hindi ordinaryong tao ang lolo ng matabang bata kahit na kailanman ay wala siyang narinig tungkol sa taong ito.
Sa mga alaala ng nakaraang Duan Ling Tian, ang alam lamang niya ay namatay ang ina ng matabang bata dahil sakit, pito o walong taon na ang nakalilipas. Buhat noon, ang matabang bata ay sumama sa kanyang lolo.
"Sa pamamagitan ng mga baryang pilak, lahat ng bagay ay mapag-uusapan…"
Lumiit ang dilat ng mga mata ni Duan Ling Tian at inakbayan nito ang matabang bata. "Paano kung ganito, isusulat ko lahat ng materyales na kailangan para sa Thunder Flame Inscription at ikaw mismo ang bibili ng mga ito. Ang perang nandito ay ituturing kong kabayaran mo sa akin. Simula ngayon, uukit ako ng kahit ilang Thunder Flame Inscriptions basta ba'y maibibigay mo ang mga kinakailangang materyal. Anong sa tingin mo?"
"Boss, ang sabi mo ay ikaw ang uukit para sa akin… Huwag mo sabihin ikaw ang gumawa ng Thunder Flame Inscription?"
Biglang natigilan ang matabang bata matapos niyang maintindihan ang ibig sabihin ng mga sinabi ni Duan Ling Tian.
"Anong kwenta ng mga sinasabi mo? Basta ba'y maayos ang mga inscriptions, bakit kailangan mo pang malaman kung sino ang umukit?
'Di nagtagal ay inilagay ni Duan Ling Tian ang mga perang papel na gawa sa pilak sa kanyang bulsa, at tumalikod papunta sa courtyard upang isulat ang mga materyales na kailanga para sa Thunder Flame Inscription.
"Tignan mo ang mga materyales na nakalista. Bawat set ay maaaring gamitin upang maka-ukit ng Thunder Flame Inscription… Kailangan mo ring maghanda ng ilang kagamitan, bawat kagamitan ay maaari lamang maglaman ng isang inscription."
Sabi ni Duan Ling Tian nang ibigay niya ang listahan sa matabang bata.
"OK."
Kinuha ng matabang bata ang listahan na para bang isang mahalagang kayamanan, matapos ay tinignan niya nang maigi si Duan Ling Tian at siya'y nag-aalangang sabihin ang nilalaman ng kanyang isipan.
"Kung mayroon kang sasabihin ay sabihin mo na at umalis ka na!"
Galit na sabi ni Duan Ling Tian.
Sa mga nakaraang buwan, siya ay lubos na naiinis dahil sa matabang bata.
"Boss, Ako… Maaari ko bang matutunan ang inscription technique mula sa iyo?"
Ang matabang mukha ng matabang bata ay nanginginig na may ekspresyong puno ng pag-asa.
Nang mapansin na sumimangot si Duan Ling Tian ay agad na sinabi ng matabang bata, "Boss, kaya kitang bayaran ng tuition fess; hindi ako magpapaturo nang libre."
Tuition fees?.
Agad na napangiti si Duan Ling Tian at lumiwanag ang kanyang mga mata.
Ang pinaka kulang sa kanya ay pera. Kahit na mayroon siyang tatlumpung pilak, alam niya na sa oras na makarating siya sa Core Formation stage, hindi ito magtatagal at magagamit niya ang lahat ng ito.
Kahit ilang pilak ay hindi sasapat sa kanya, lalo na at siya ay may kakayahan sa maraming mga propesyon.
Mayroon siyang pagdalisay ng gamot, paggawa ng armas, pati na rin ang mga inscriptions.
"OK, dahil ikaw ay taos-puso, kahit na mahirap, maglalaan ako sayo ng kalahating oras para maturuan ka. Ang dami ng iyong matututunan ay lubos na nakasalalay sa iyo."
Tanging tanga lamang ang hindi kukuha sa perang nakahain na.
Inakbayan ulit ni Duan Ling Tian ang matabang bata at sinabi, "Dahil sa respeto ko sa Fifth Elder, sisingilin lamang kita ng isang libong pilak kada buwan. May problema ka ba doon?"
Matapos itong marinig ng matabang bata ay nagulantang siya.
Nang mapansin ang ekspresyon ng matabang bata ay inakala ni Duan Ling Tian na masyado itong mahal, kaya naman ay nahihiya siyang umubo at dahan-dahang sinabi, "Kung sa tingin mo ay masyado itong mahal, maaari pa rin naman natin itong mapag-usapan. Bahagya—"
"Masyadong mura! Boss, maraming salamat."
Ang matabang bata ay nasasabik na sumabat kay Duan Ling Tian.
Si Duan Ling Tian ay biglang tumahimik habang nakakaramdam ng pagsisisi. Talaga bang nagbigay siya ng sobrang murang kabayaran?
Nang makita niya ang matabang bata na hawak ang listahan at naglalakad paalis, pinigilan siya ni Duan Ling Tian at seryosong nagsalita, "Kahit ano pa ang mangyari, huwag mong ipapaalam sa iba na alam ko ang tungkol sa inscription technique, kung hindi ay kalimutan mo nang matututunan mo iyon mula sa akin."
"Huwag kang mag-alala, Boss. Hindi ko sasabihin kahit kanino, kahit patayin pa nila ako!"
Seryosong nangako ang matabang bata at nagagalak na umalis.
Kapag naiisip niya na patuloy niyang mahahadlangan si Li Ming sa hinaharap ay napupuno ng pagkasabik at kagalakan ang kanyang puso.
Napagdesisyunan niya na kumuha pa ng kahit sampu or dalawampung Thunder Flame Inscriptions upang siya ay magkaroon ng reserba.
"Ako, Li Xuan, ay mayroong magaling na pag-iisip. Nang kunin ko ang isang mahusay na tao bilang aking boss, bukod sa kanyang napakalakas na kapangyarihan, alam niya rin ang tungkol sa inscription technique. Napakaswerte ko!"
Bulong ng matabang bata sa kanyang sarili habang siya ay naglalakad pauwi sa kanilang tahanan upang kunin ang kanyang pera.
Naibigay niya na lahat ng kanyang perang dala kay Duan Ling Tian.
Nang umalis na ang matabang bata, bumalik si Duan Ling Tian sa courtyard at ipinagpatuloy ang pagtayo sa likod ni Ke Er. Ang kanilang mga katawan ay magkadikit habang tinuturuan niya ito sa kanyang Sword Drawing Arts.
Matapos ang dalawang buwan ng cultivation ay malapit na maging bihasa si Ke Er sa Sword Drawing Arts. Kulang na lamang siya ng kaunting ensayo.
Habang nalalanghap ang kaaya-ayang amoy ng buhok ng batang babae at nararamdaman ang init ng kanyang katawan. Si Duan Ling Tian ay natuliro. Siya huminga nang malalim dahil sa kagalakan.
"Anong ginagawa niyong dalawa?"
Isang natatawang boses na nasundan ng tunog ng paglakad ang biglang narinig sa kanilang likuran.
Nang marinig nila ang boses, nahihiyang umatras nang bahagya si Duan Ling Tian at dumistansya sa batang babae.
Ang batang babae ay may nahihiyang ekspresyon. Ang kanyang mukha ay labis na namumutla na tila ba may tutulong dugo rito anumang oras. "Madam!"
Ito ay eksaktong si Li Rou na kakauwi pa lamang galing sa marketplace.
"Ke Er, itigil mo muna ang pagcucultivate at tulungan mo muna ako. Bumili ako ng maraming bagay ngayong araw upang magbigay ng sustansiya sa inyong dalawa."
Iginalaw ni Li Rou ang basket ng gulay sa kanyang kamay habang siya ay nakangiti.
"Opo."
Agad na inalis ng batang babae ang hawak niyang ispada.
"Ina, kailangan mo ba ang tulong ko?"
Tanong ni Duan Ling Tian habang nakangiti.
"Umalis ka! Umalis at magcultivate nang maayos. Kahit na matagumpay kang nakarating sa ikapitong antas ng Body Tempering stage, si Fang Qian ay isang martial artist na nasa ikasiyam na antas ng Body Tempering, kung sakaling siya ay swertehin at maiwasan niya ang iyong Sword Drawing Arts, kung mangyari iyon ay tapos ka na."
Binigyan ni Li Rou ng isang mapanghamak na tingin si Duan Ling Tian at hindi ito pinansin.
"Young Master, nakarating ka na sa ikapitong antas ng Body Tempering stage?"
Tumingin ang batang babae kay Duan Ling Tian nang may masaya at nagulat na ekspresyon.
Tumawa nang malakas si Duan Ling Tian. "Ang aking Ke Er ay nasa ikaanim na antas na ng Body Tempering stage. Kung hindi pa ako nakaangat ay wala akong mukhang maihaharap.
Biglang lumungkot ang pagtitig ng batang babae at dahan-dahang sinabi, "Young Master, susubukan kong magcultivate nang mas mabagal.
Ngumiti si Li Rou, "Ke Er, huwag mo siyang pansinin, basta ay magsumikap ka lang at magcultivate. Tayong mga babae ay kailangang maging mas malakas sa mga lalaki para mahigitan natin sila… Kung ayaw mong ma-bully ka niya sa hinaharap, kailangan mong magmadali at higitan mo siya."
Matapos marinig ang sinabi ni Li Rou, ang batang babae ay namutla. Kinuha niya ang basket ng gulay sa kamay ni Li Rou bago ito pumunta sa kusina at nag-iwan ng isang imahe ng nahihiyang babae sa mata ni Li Rou at Duan Ling Tian.
"Bata, 'wag kang tamad!"
Tinitigan ni Li Rou si Duan Ling Tian bago niya sundan si Ke Er sa kusina.
Umiling si Duan Ling Tian at napangiti bago ito magpatuloy sa pagcucultivate.
Ang kanyang flexible na katawan ay tila ba naging isang spirit serpent nang mabilis itong pumunta sa courtyard.
Kasimbilis ng hangin at kidlat, ang kanyang bilis ay mas bumibilis pa sa bawat sandali.
Ang natural na talentong ipinakita ni Ke Er sa loob ng dalawang buwan ay napahanga si Duan Ling Tian.
Katulad niya, ang cultivation ni Ke Er ay nalagpasan din ang mga disipulo ng Li family.
Ngunit si Ke Er ay isa pa ring babae; ang ganitong antas ng natural na talento ay tunay na bihira.
Ayon sa kanyang ina, ang natural na talento ni Ke Er ay higit pa sa kanya.
Gayunpaman, ang pagkakaroon ni Ke Er ng isang mahusay na natural na talento at mabilis na cultivation ay ikinatuwa ni Duan Ling Tian.
Sa dahilang ito, kapag umalis na siya sa Fresh Breeze Town para libutin ang mundo ay maaari niyang isama si Ke Er.
Hindi siya sanay nang wala sa tabi niya si Ke Er.
Makalipas ang ilang sandali, ang dalawang maganda ay tapos na sa pagluluto ng isang mala-piyestang pagkain na katakam-takam na may isang malakas na aroma.
Ang pamilya ay umupo upang pagsaluhan ang pagkain. Habang nilalagyan nila ang kanilang mga pinggan ay nabalot ng kasiyahan ang paligid.
Kasabay nito, sa courtyard ni Second Elder Li Shing.
Si Li Shen ay nakatayo sa pintuan habang nakatingin sa kanyang anak na si Li Ming na nakahiga sa kama. Ang kanyang ekspresyon ay nabalot ng pagkabigo, "Tignan mo ang sarili mo. Kung si Duan Ling Tian ang gumawa sa'yo nito ay maiintindihan ko, ngunit binugbog ka sa ganitong kalagayan ni Li Xuan. Hindi ka ba nahihiya? Kasi ako nahihiya!"
"Ama, sinabi ko na sa'yo nang walong daang beses; dahil iyon sa side effects ng Thunder Flame Pill na bigla akong naapektuhan, kung hindi ay napunit ko na si Li Xuan hanggang hindi siya makilala!
Umupo si Li Ming sa kama habang ang kanyang ulo ay nakasandal sa pader. Mayroon siyang ekspresyong kaawa-awa at hindi niya mapagtanggol ang kanyang sarili.
"Tignan mo ang sarili mo, naghahanap ka pa rin ng palusot. Ang kuya mo ay kumain rin ng Thunder Flame Pill ngunit hindi ko naman nakitang naapektuhan siya ng side effects?"
Umiling si Li Sheng. Halatang hindi siya naniniwala kay Li Ming. "Kung hindi mo siya kayang talunin ngayon, magcultivate ka at talunin mo siya. Tumigil ka sa pagpapalusot, gawain yan ng mga duwag!"
Tumalikod si Li Sheng at umalis na nang matapos siyang magsalita.
Si Li Ming ay nakahiga sa kama. Kahit na ang bahagyang paggalaw ng kanyang katawan ay nasasaktan siya. Siya nagngangalit at galit na sinabing, "Punyetang mataba, kapag nanumbalik ang aking katawan. Tuturuan kita ng leksyon! Hindi ako naniniwala na ang kapalaran ay palaging pabor sa iyo."
Sa opinyon ni Li Ming, nanalo lamang si Li Xuan sa kanya dahil sa swerte.
Kung hindi siya naapektuhan ng side effects ng Thunder Flame Pill, magiging imposible para kay Li Xuan na talunin siya.
Kapag naaalala niyang hindi naniniwala sa kanya ang kanyang ama at kapatid ay tumatawa ito nang mapait. "Bakit hindi sila naniniwala sa akin? Pinag-isipan ba nila iyon? Iyong punyentang mataba, paano ko siya naging katapat?!"
Chapitre 28: Makalipas ang Kalahating Buwan
Éditeur: LiberReverieGroup
"Sigurado ka ba na gusto mo akong mag-inscribe ng dalawampung Thunder Flame Inscriptions?"
Napakunot ang noo ni Duan Ling Tian nang makita niya ang bundok ng mga materyales na inihanda ng maliit na mataba. Naisip niya na ito'y bahagyang labis.
"Opo, Boss."
Tumango ang maliit na mataba tulad ng isang sisiw na tumutuko ng bigas, pagkatapos ay nagtanong, "Boss, may problema ba?"
"Walang problema."
Umiling si Duan Ling Tian.
Pagkatapos ay sinabi niya, "Gusto ko lang sabihin sa iyo na hindi mo maaaring gamitin ang Thunder Flame Inscription sa kahit sinuman maliban kay Li Ming, o kung hindi, hindi magtatagal bago malaman ng lahat na ginamitan mo siya ng inscription. Kung gagamitin mo lamang ito kay Li Ming, kahit ulit-ulitin mo ito, hindi niya maipapaliwanag ito dahil walang sinuman ang maniniwala sa kanya. "
"Oo, tama ka. Bakit hindi ko naisip iyon?"
Ang maliit na mataba ay sinampal ang kaniyang noo, at pagkatapos ay nagsisisi niyang sinabi, "Pusta ko kapag ginamit ko ang Thunder Flame Inscription kay Li Ming nang ilang beses pa, hindi siya maglalakas-loob na saktan ako muli... Boss, hindi ba ang matitirang mga materyales ay sayang?"
Seryosong sinabi ni Duan Ling Tian, "Itago mo ang matitirang mga materyales, kakailanganin mo ang mga ito. Ang unang inscription na ituturo ko sa iyo ay ang Thunder Flame Inscription."
"Salamat, Boss, salamat ng marami."
Ang isang malawak na ngiti ay makikita sa mukha ng maliit na mataba.
Biglang napansin niya na inilalapit nu Duan Ling Tian ang kanyang kamay na nakabukas patungo sa kaniya. Sa pagkalito ay nagtanong ang mataba, "Boss, ano ang ibig mong sabihin mo dyan?"
"Bayad sa pagtuturo!"
Tinitigan ni Duan Ling Tian ang maliit na mataba sa habang pagalit niyang sinabi ito.
"Oo, oo, muntik ko na makalimutan."
Ang maliit na mataba ay bahagyang tumawa habang kumukuha siya sa kanyang bulsa, at naglabas ng isang salansan ng mga perang papel, at ipinasa ito kay Duan Ling Tian. "Boss, matagal ko na itong inihanda. Narito ang isang libong pilak. Ito ang bayad sa pagtuturo mo para sa susunod na buwan."
Pinalawak ni Duan Ling Tian ang kanyang kamay at kinuha ito mula sa kanya, pagkatapos ay tumango siya. "Simula bukas, pupunta ako at hahanapin ka sa iyong lugar pagkatapos ng tanghalian, tuturuan kita sa lahat ng aking makakaya. Ang maaari mong matututuhan ay nakasalalay sa iyo."
"Salamat, Boss. Kung gayo'y hindi na kita aabalahin."
Ang maliit na mataba ay may isang malawak na ngiti nang siya ay tumalikod at masayang umalis.
Matapos bilangin ng mabilis ang libo-libong papel na pilak sa kanyang kamay, ang mga sulok ng bibig ni Duan Ling Tian ay bumaluktot sa isang bahagyang ngiti. "Ang bawat barya ay mahalaga, kailangan kong mangolekta hanggang sa aking makakaya, dahil sa susunod, kahit na ito ay medicine refining, weapon crafting, o 'di kaya mga inscription, ang lahat ng ito ay butas na walang dulo..."
Simula sa susunod na araw, si Duan Ling Tian ay maglalaan ng kalahating oras mula sa kanyang iskedyul upang pumunta sa bahay ni Li Xuan pagkatapos ng tanghalian.
Sa simula, nadama ng Fifth Elder na si Li Ting na ito ay kakaiba.
Ngunit pagkatapos makita ang kanyang anak na lalaki at si Duan Ling Tian na naging mabuting magkaibigan, masaya siya na nangyayari ito.
Bagaman, sa nakalipas na mga araw, lagi siyang nakaririnig ng kakaibang tunog na nagmumula sa silid ng kanyang anak.
"Clap!"
Biglang tumunog muli ang ingay...
Umiling si Li Ting at lumabas ng courtyard.
Sa silid, ang guwapong bata na may hugis-espada na mga kilay at mala-bituin na mga mata ay sinampal ang maliit na mataba sa kanyang ulo. "Paano ka naging ganito katanga? Sinabi ko na sa iyo na ang Violet Gold Sand at Scorching Grass Powder ay hindi maaaring direktang ipaghalo, ngunit hindi mo pa rin inaalala!"
"Boss, huwag mo na akong hampasin. Kung ipagpapatuloy mo iyan, magiging mas bobo ako."
Ang maliit na mataba ay hinimas ang kanyang ulo. Ang kanyang mukha ay may isang namaling ekspresyon.
"Bakit ba ako sumang-ayon na magturo sa iyo ang inscription technique? Ikaw ay isang malaking tanga! Sinasabi ko na sa iyo ngayon: kapag wala kang nakamit na kahit anong pagbabago sa buwan na ito, gaano man karami ang pilak ang ibibigay mo sa akin, hindi na kita tuturuan sa susunod na buwan dahil ayokong mag-aksaya ng oras."
Ang bata ay may nabigong ekspresyon.
Ang maliit na mataba ay mapait na ngumiti. "Boss, huwag kang mag-alala, magsisikap ako nang husto at hindi kita bibiguin."
"Umaasa akong magagawa mo ang sinasabi mo, tapos na ang kalahating oras, kaya oras na para ako'y umalis. Babalik ako bukas.
Habang nakakunot ang noo, lumabas ang bata sa silid at umalis.
Kalahating buwan na ang nakalipas.
Sa bukang-liwayway, ang Martial Arts Practice Hall ng Li Family ay napupuno ng ingay at kaguluhan.
Ang mga nagtipon na mga disipulo ng Li Family ay puro bata at dalagita.
Ang kanilang mga talakayan ay tungkol sa bunsong anak ng Second Elder, si Li Ming, at anak ng Fifth Elder, si Li Xuan.
"Ngayon ay si Li Ming naman ang unang naghamon kay Li Xuan. Mukhang siya ay tapos na gumaling."
"Sabi ni Li Ming na natalo lamang siya kay Li Xuan dahil siya ay may sakit. Siguro totoo iyon."
"Kung matalo siyang muli kay Li Xuan, siguradong isa lamang iyong kasinungalingan."
"Oo nga, sa tingin ko rin, hindi naman siya laging may sakit, tama ba?"
...
Si Li Ming ay matagal nang naroon at nakatayo sa gitna ng Martial Arts Practice Hall.
Habang naririnig niya ang mga talakayan sa paligid, ang kanyang mukha ay mas pumapangit sa bawat sandali.
Hindi siya pinayagan ng kanyang ama na ipaalam sa iba ang tungkol sa Thunder Flame Pill, kaya maaari niya lamang idahilan ang pagkakaroon ng sakit.
Ngunit hindi niya inaasahan na maraming tao ang magdududa sa kanya.
Talaga bang iniisip nila na siya ay hindi isang tugma para sa Li Xuan?
"Li Xuan, ako naman ngayon ang magpapahiga sa'yo sa higaan sa loob ng kalahating buwan!"
Sabi ni Li Ming habang nagkikiskis ang kaniyang mga ngipin.
"Ayan na si Li Xuan!"
Sa isang iglap, ang mga bata at dalagita na nakapalibot sa Martial Arts Practice Hall ay lumingon upang tumingin sa may malayo.
Sa malayo, ang isang perpektong pares ay naglakad patungo sa harap, habang ang isang bahagyang kaawa-awang maliit na mataba ay sumunod sa likod ng mga ito na parang isang alagad. Ang maliit na alagad ay ang mismong bida ngayon, si Li Xuan.
"Narinig ko na si Li Xuan ay kinilala si Duan Ling Tian bilang kanyang boss."
"Kinikilala ang isang disipulo na may ibang apelyido bilang kanyang boss, isang kahihiyan sa Li Family."
"Ano ngayon kung siya ay isang disipulo na may ibang apelyido? Kung mayroon kang b**ag, ulitin mo kung ano ang iyong sinabi nang malakas, ikaw ba ay maglalakas-loob? Hindi ka maglalakas-loob, tama ba? Kung hindi ka maglalakas ng loob, eh 'di wag ka magmalaki!"
"Tama iyon, kahit na si Duan Ling Tian ay isang disipulo na may ibang apelyido, nagdala siya ng karangalan sa Li Family. Ang Fang Family ay napahiya niya nang maraming beses!"
"Ang tatlong buwan na kanilang napag-usapan ay bukas na. Iniisip ko kung maglalakas ba ng loob si Duan Ling Tian na bisitahin talaga ang Family."
...
Nang hawakan ni Duan Ling Tian ang kamay ni Ke Er, narinig niya ang mga talakayan tungkol sa kanya mula sa kalayuan.
Itinawa lamang niya ang mga ito.
Pagkatapos ay tiningnan niya ang maliit na mataba sa kaniyang likuran. "Huwag mo siya masyadong bigyan ng pinsala ngayon araw. Hayaan mo siyang sumuko kapag naunawaan niya na hindi siya mananalo, kundi ay makikipag-away ang Second Elder sa iyong ama kahit na siya ay sobrang mabait. 'Wag mo na pahirapan ang iyong ama, naiintindihan mo ba?"
Ang maliit na mataba ay mabilis na tumango.
Sa mundong ito, ang taong pinupuri niya ng lubos ay si Duan Ling Tian.
Nang kanilang napansin ang tatlo na padating, ang mga disipulo ng Li Family ay nagbigay-daan.
Hinawakan ni Duan Ling Tian ang kamay ni Ke Er matapos nila tumayo sa harap.
Ang maliit na mataba, sa kabilang banda, ay lumabas at pumasok sa arena. Siya ay ngumingiti nang malawak habang tinitingnan niya si Li Ming. "Li Ming, ayos ka na ba? Napakabilis mong gumaling."
"Li Xuan, ngayon ay tatanggalin ko ang kahihiyan na ibinigay mo sa akin noong kalahating buwan na ang nakaraan!"
Ang mukha ni Li Ming ay maliwanag na pula.
Ang galit na kaniyang pinigilan sa loob ng kalahating buwan ay sumabog na sa wakas...
"Huwag kang mag-alala, sinabi sa akin ng aking boss na huwag kita masyadong saktan ngayon."
Si Li Xuan ay bahagyang tumawa. Ang kanyang ekspresyon ay tila nakakainis at labis na kasuklam-suklam.
"Tinatawag mo ang kamatayan!"
Ang titig ni Li Ming ay naging malamig, ang kanyang mga binti, na nakapagtipon na ng enerhiya sa loob ng ilang oras, ay nanginig, at lumipad tulad ng isang mabangis na tigre patungo kay Li Xuan.
Ang mastered middle grade grade Yellow Rank martial skill na Fierce Tiger Fist ay kaniyang isinagawa, at mabilis na patungo kay Li Xuan.
"Fierce Tiger Fist?"
Nang makita ang eksena na ito, ang mga mata ni Duan Ling Tian ay nanliit.
Naalala niya na ang bunsong anak ng Seventh Elder, si Li Xin, ay gumamit din ng Fierce Tiger Fist.
Gayunpaman, ang Fierce Tiger Fist ni Li Xin ay mas mahina kaysa kay Li Ming; sila ay magkaiba ng antas.
Ito ang pagkakaiba sa pagitan ng unang yugto at pagkadalubhasa.
Ang mga martial skill ay nailalabas ang kanilang tunay na lakas kapag nacultivate na ito sa pagkadalubhasa.
Gumalaw si Li Xuan, direktang gumalaw upang hadlangan ang atake.
Hindi niya gumamit ng kahit anong martial arts; pasimple lamang niyang isinuntok ang kanyang kamao sa kamao ni Li Ming.
Sa isang iglap, ang mga sulok ng kanyang bibig ay nakabaluktot sa isang masamang ngiti at ginamit niya ang Thunder Flame Inscription...
Sa isang iglap, ang eksena noong kalahating buwan na ang nakalipas ay muling nangyari.
Ang buong katawan ni Li Ming ay napatigil na parang natamaan ng kidlat. Ang lakas sa kanyang mga kamao ay nawala, at nag-iwan lamang ng isang bahagyang pagkawalang-galaw. Hindi magawang pigilan si Li Xuan.
"Ping!"
Ang kamao ni Li Xuan ay sumuntok kay Li Ming itinaob siya, inilagay siya sa isang masakit na posisyon kaya nagsimula siyang magpawis ng labis.
Sunod-sunod na suntok at sipa ang sumunod...
Ang Martial Arts Practice Hall ng Li Family ay tahimik.
Sa mga taong nakakita ng kanilang labanan noong kalahating buwan na nakalipas, ang eksena na ito ay parehas na parehas...
Kalahating buwan na ang nakalipas, si Li Ming ay tinalo ni Li Xuan sa parehong paraan.
"Hindi, imposible… paano ito naging posible?!"
Matapos tumigil ni Li Xuan, napansin ni Li Ming na nawala na ang sakit ng kulog at apoy na umaatake sa kanyang katawan.
Siya ay tila natulala, hindi makapaniwala na ang nangyayari ay totoo.
Kung noong kalahating buwan ay swerte si Li Xuan, maaari kayang swerte siyang muli ngayon araw?
Paano kaya nagkakaroon ng ganitong pagkakataon?
"Huwag mo na akong gagalitin mula ngayon, o kung hindi, ayos lang sa akin na pahigain ka sa isang kama sa loob ng kalahating buwan muli."
Nanginginig ang mukha ni Li Xuan habang siya ay nagyayabang. Sa ilalim ng masidhing pagtingin sa mga nakapalibot na tao, bumalik siya sa tabi ni Duan Ling Tian.
Si Li Xuan ay may isang natutuwang ngiti sa kanyang mukha; parang siya ay ibang tao na. "Boss, nakikinig ako sa iyo at nagpakita ako ng awa. Sa pagkakataong ito ay hihiga na lamang siya sa loob ng ilang araw."
Seryosong tumango si Duan Ling Tian.
"Ang lakas ko, 'di ba, hipag?"
Tumingin si Li Xuan patungo kay Ke Er habang bahagya siyang ngumingiti.
Nang marinig kung paano siya tinawag ni Li Xuan, ang mukha ni Ke Er ay agad naging mapulo.
"Tigilan mo ang pagiging mayabang. Sa tulong ng Thunder Flame Pill at ang Seven Treasures Body Tempering Liquid, ikaw ay nasa ika-apat na antas ng Body Tempering stage palang ngayon, hindi ka ba nahihiya?"
Binigyan ni Duan Ling Tian si Li Xuan ng isang nang-iinis na sulyap.
Dahil napilitan siyang tanggapin si Li Xuan bilang kanyang alagad, nagdagdag siya ng mga materyales sa Six Treasures Body Tempering Liquid ng mataba, na binago ito sa Seven Treasures Body Tempering Liquid.
Siyempre, ito ay isang lihim sa pagitan nila ni Li Xuan; kahit ang Fifth Elder na si Li Ting ay hindi ito alam.
Saka lamang pagkatapos ay nalaman ni Li Xuan na ang Six Treasures Body Tempering Liquid ay aktwal na ginawa ng kanyang boss, at dahil dito ay nagsimula siyang hangaan si Duan Ling Tian mula sa ilalim ng kanyang puso.
Si Li Xuan ay nahihiyang kinamot ang likod ng kanyang ulo habang tumatawa nang mapait. "Boss, sa tingin mo ba lahat ng tao ay kasing abnormal mo at ni hipag..."
Kahapon, ang cultivation ni Ke Er ay sumunod sa likod ng cultivation ni Duan Ling Tian; siya ay yumapak na sa ikapitong antas ng Body Tempering Stage, na naging sanhi ng pagkapipi ni Li Xuan. Wala siyang magawa kundi ang hangaan sila.
"Tumigil ka. Ikaw ang abnormal."
Tumitig si Duan Ling Tian sa maliit na mataba. Habang hawak-hawak ang kamay ni Ke Er, tumalikod siya at naglakad palayo.
Habang nagbibigay-daan ang mga tao para sa kanila, ang lahat ng mga titig sa kaniya ay puno ng paggalang.
Ang Duan Ling Tian noong apat na buwan na ang nakalipas ay itinuturing ng mga tao na mababa.
Ngunit ngayon, hindi nila namalayan, si Duan Ling Tian ay naging isang tao na matitingnan nila ng mataas...
Ang ilan sa kanila ay nagsisisi pa rin na hindi sila nakipagbati sa kaniya nang siya ay mahina pa.
Kung pwede lang, ay susunod sila sa kaniyang tabi tulad ni Li Xuan. Napakamarangal sa pakiramdam!
"Boss, hintayin mo ako!"
Dala-dala ang kaniyang katawan na puno ng taba, masayang sumunod si Li Xuan.
Nang mawala ang anino ng kanilang katawan mula sa paningin ng lahat, ay saka lamang tumingin ang lahat sa taong nakahiga sa gitna ng arena. Si Li Ming, na may hindi makapagsalitang ekspresyon, ay nakatingin sa kalangitan. Nagsimula ang mga tao na insultuhin siya. "Sasabihin bang muli ni Li Ming na natalo siya dahil mayroon siyang sakit?"
"Sa palagay ko, nang sabihin niyang may sakit siya noong nakaraang buwan, siguradong isa lamang itong kasinungalingan. Kaya ngayon, napahiya niya ang kaniyang sarili!"
"Isang kahihiyan!"
...
Ang mga sulok ng bibig ni Li Ming ay naglabas ng walang magawa at mapait na tawa habang naririnig niya ang mga pangungutya ng mga nakapaligid na disipulo ng Li Family.
Hindi niya maintindihan kung bakit mangyayari sa kanya ang ganitong kakaibang bagay.
Cadeaux
-- Cadeau
reçu État de l’alimentation hebdomadaire
200+ Classement
Power Stone 
188 Power
stone Vous aimerez peut-être aussi
Commentaire de paragraphe