Chapitre 25: Little Fatty

Éditeur: LiberReverieGroup

Napakahusay ni Li Long.

Nang sumunod na araw, isang pares ng sisidlan ng ispada na gawa sa leather ang dumating sa tahanan ni Duan Ling Tian.

Espesyal itong mga sisidlan ng espada dahil ginamit ni Li Long ang mga tirang Violet Meteorite upang kopyahin ang mga flexible swords sa sisidlan.

Salamat dito, maiiwasan nila ang pinsalang dulot ng matutulis na gilid ng Violet Meteorite Flexible Swords kapag kinuha.

Sa dalawang Violet Meteorite Flexible Swords, itinabi ni Duan Ling Tian ang isa para sa kaniyang sarili at ibinigay ang isa kay Ke Er.

Para naman sa kaniyang ina, sa puso niya'y may iba siyang plano.

Ang plano niya ay hintayin ang kaniyang cultivation na tumuntong sa Core Formation stage, kung saan maaari siyang makagawa ng Spirit Sword para sa kaniyang ina!

Spirit Sword, isang mahabang Spirit Sword.

Kapag umikot na ang Origin Energy dito, ang attack power ng gumagamit ay mapapalakas pa. Mas malakas ito kaysa sa ordinaryong sandata!

"Ina, parang napakagalang sa iyo ni Manager Li.Nabanggit niya pa na tinulungan mo siyang umapela sa Patriarch, kung hindi, hindi na siya maaaring manatili sa Li family. Ano ba ang nangyari?"

Sa courtyard, tanong ni Duan Ling Tian kay Li Rou habang marahang pinipisil ang balikat nito.

"Nangyari iyon sampung taon na ang nakalilipas. Noong oras na iyon, si Li Long ay nagkaroon ng lihim na relasyon sa anak na babae ng isa sa mga Elders, nabuntis niya ito. Maiisip mo ang mga posibleng mangyari dahil doon. Pinaghahampas siya ng kahoy bago tuluyang itinapon palabas ng Li family estate. Pagkatapos non, ang anak na babae ng Elder ay nagpumilit na iluwal ang bata, na naging dahilan ng pagkamatay ng Elder dahil sa galit."

"Nakaaawa talaga siyang tao. Kahit na maayos niyang nailuwal ang bata, namatay rin siya dahil sa komplikasyon ng panganganak. Nakita kong mag isa ang bata at walang nag-aalaga, kaya't umapela ako sa Patriarch na payagan si Li Long na bumalik sa Li Family."

Ang mga mata ni Li Rou ay tila naging balisa habang marahan niyang sinasabi ito.

Matapos marinig ang mga sinabi ni Li Rou, naitindihan na rin sa wakas ni Duan Ling Tian.

Hindi niya inakalang may ganoong klaseng nakaraan si Li Long.

"Kapag iniisip ko ito ngayon, kung hindi ako umapela sa Patriarch na payagan syang bumalik sa Li family, siguro ay matagal na siyang lumisan sa Fresh Breeze Town. At ang Li family sana ay nawalan ng napakabihirang talento."

Tumawa si Li Rou.

Tumango si Duan Ling Tian.

Sa mundong ito, may mga bagay talagang nakamamangha.

"OK, bilisan mo na at magcultivate kana.Sa tulong ng Thunder Flame Pills at bilis na iyong pinagsasanayan , mayroon ka paring magandang pagkakataon na makatuntong sa ikapitong antas ng Body Tempering stage sa susunod na dalawang buwan."

Sinabi ni Li Rou kay Duan Ling Tian, pagpilit niya rito na bumalik sa kwarto at magcultivate.

Matapos masaksihan ang lakas ng Sword Drawing Arts ng kaniyang anak.

S abot ng kaniyang pagkakaintindi, hanggat ang kaniyang anak ay kayang makatuntong sa ikapitong antas ng Body Tempering stage, hindi nito mapapatay ang Manager ng Fang family.

"Opo. madam!"

Tumayo ng diretso si Duan Ling Tian na parang isang sibat, binigyan ng saludong pangmilitar ang kaniyang ina.

Habang gulat na nakatingin si Li Rou, tumalikod na ito at bumalik sa kwarto.

"Anong kilos ang ginawa ni Tian?"

Nalilitong ekspresyon ang mayroon kay Li Rou.

Kung may pagkakataon siyang libutin ang mundo, malalaman niyang ang ginawang kilos niDuan Ling Tian kanina ay isang pamantayan ng saludong pangmilitar.

Mabilis na lumipas ang oras.

Sa isang kisap ng mata, isa't kalahating buwan na ang nagdaan.

Crackle

Sa bukang-liwayway, mga tunog ng nagkikiskisang buto ang naririnig mula sa kwarto ni Duan Ling Tian.

Sumunod ay nagbukas ang pinto ng kwarto, marahang naglakad palabas si Duan Ling Tian, naliligo sa sinag ng araw.

"Mas maaga ng dalawang buwan kaysa sa inaakala ko"

Ang mga gilid ng labi ni Duan Ling Tian ay kumurba at naging ngiti, habang marahang niyuyukom ang mga kamao. Nararamdaman niya ang walang hanggang kapangyarihan sa loob ng kaniyang katawan.

Salamat sa walang katapusang tulong ng Thunder Flame Pills at ng Seven Treasures Body Tempering Liquid. Mula sa ika-limang antas ng Body Tempering stage ay tumuntong na si Duan Ling Tian sa ika-pitong antas sa loob lamang ng isa at kalahating buwan!

Ang isang ordinaryong ika-pitong antas na Body Tempering martial artist ay magtataglay ng dalawang libong libra ng lakas...

Kahit na si Duan Ling Tian na siyang nagcultivate sa Nine Dragons War Sovereign Technique, sa oras na ito kung saan siya ay patungo sa ikapitong antas ng Body Tempering stage, ang pinakamataas niyang kalakasan ay lumagpas na ng tatlong libong libra!

Kumpara sa tatlong libong libra ng lakas na mayroon siya noong nasa ika-apat na antas siya ng Body Tempering stage, ang lakas niya ay tumaas ng sampung beses!

"Mayroon pa akong natitirang kalahating buwan, tama lang para macutivate ko pa ang martial arts sa Nine Dragons War Sovereign Technique's Spirit Serpent Form at Spirit Serpent Movement Tecnique!"

Habang iniisip ang mga ito ay mas lalong nagningning ang mga mata ni Duan Ling Tian.

Agad niyang inumpisahan ang cultivation ng Spirit Serpent Movement Technique sa courtyard..

Pagkatapos niyang magcutivate ang Nine Dragons War Sovereign Technique's Spirit Serpent form hanggang sa ika-pitong antas ng Body Tempering stage, ang flexibility ng kaniyang katawan ay higit pa sa imahinasyon.

Sigurado si Duan Ling Tian na kahit mga yoga masters na may pinakamagaling na flexibility sa mundong ito ay hindi maikukumpara sa flexibility niya sa kasalukuyan.

"Sou!"

Nagcultivate si Duan Ling Tian sa paligid ng isang malaking puno sa gilid ng courtyard. Ang katawan niya ay parang Spirit Serpent, dumidikit sa katawan ng puno habang umiikot paikot ng mabilis.

Sa ilang sandali, nakalibot na siya sa puno mula taas pababa ng mahigit sampung beses.

Ang Spirit Serpent Movement Technique ay isang purong movement technique martial skill na nakatuon sa sagarang paggamit ng flexibility ng katawan ng nagcucultivate kasabay din nito ang pagbibigay ng nakakikilabot na bilis!

Sou! Sou! Sou! Sou! Sou!

...

Si Duan Ling Tian na ang katawan ay puno ng kinakailangang flexibility upang macultivate ang Spirit Serpent Movement Technique ay nagawang linangin ito ng mahusay.

Pagkatapos ng isang oras, nakuha na niya nag quintessences ng Spirit Serpent Movement Technique.

Siyempre, halos lahat ng ito ay dahil sa pundasyon galing sa Form at Will Boxing na nakamit niya sa nakaraan niyang buhay, kung hindi magiging imposible para sa kaniya ang makuha ang perpeksyon ng Spirit Serpent Movement Technique sa maikling panahon.

Habang mas lalo siyang nagsasanay, lubos siyang nawiwili.

Pagkatapos ng di malaman na oras, ang malinaw at malamusikang tunog ng pagbukas ng pinto ang pumasok sa kaniyang tenga. Doon lamang siya huminto sa kaniyang cultivation.

"Ina!"

Nang makita niya ang magandang mukha ng babae na lumabas, maliit na ngiti ang lumitaw sa mukha Duan Ling Tian.

Siya na isang ulila sa nakaraang buhay niya ay talagang sinasamantala at ikinasisiya ang pagmamahal ng isang ina na binigay sa kaniya ni Li Rou… at nabihag siya ng pakiramdam na ito, hindi makawala sa mga kapit nito.

"Tian."

Sagot ni Li Rou na may kasamang ngiti.

Ngunit agad na tumigil ang kaniyang ngiti.

"Tian, nakalagpas kana?"

Bahagyang nanginig ang boses ni Li Rou.

"Opo."

Tumango si Duan Ling Tian.

"Mabuti, mabuti."

Sa sobrang galak ay hindi na nagawang pigilan ni Li Rou ang kaniyang tono.

Nitong mga nakaraang buwan, palagi siyang nangangamba kung maari bang makatuntong ang kaniyang anak sa ika-pitong antas ng Body Tempering stage bago ang araw ng laban.

Ngunit ngayon ay parang masiyado lang siyang nag-iisip.

Hindi siya binigo ng kaniyang anak, nagawa pa nitong kumpletuhin ang kaniyang ika-pitong antas ng Body Tempering ng mas maaga ng kalahating buwan.

"Tian, masayang masaya ako ngayon. Bibili ako ngayon at magluluto ng masarap para sayo!".

Kumikinang ang mukha ni Li Rou. Umalis ito agad pagkatapos ng kaniyang pangungusap.

Naginit ang puso ni Duan Ling Tian. Naiintinidhan niya ang emosyon ng kaniyang ina.

Pagmamahal at debosyon ng isang magulang...

"Boss, boss!"

Nang ipagpapatuloy na sana ni Duan Ling Tian ang pagcultivate sa Spirit Serpent Movement Technique, isang nagmamadaling boses ang narinig mula sa labas ng courtyard.

"Matigas talaga ang ulo ng matabang ito. Bumalik nanaman siya…"

Kumunot ang noo ni Duan Ling Tian.

Nakilala niya ang nagmamay-ari ng boses na iyon.

Nitong nagdaang dalawang buwan, pumunta rito ang matabang ito ng mahigit sampung beses.

Madalas isinasaalang-alang niya ang magandang relasyon sa pagitan ni Fifth Elder at ng kaniyang ina, hindi siya pinapakitaan ng masama ni Duan Ling Tian.

Pero pagkatapos niyang bigyan ang matabang ito ng isang pulgada, sinusubukan nitong umabot ng isang milya!"

Pagkatapos buksan ang pinto, lumabas siya sa courtyard.

"Li Xuan, ilang beses ko na bang sinabi sa iyo na hindi kita tatanggapin bilang alalay.. Kung patuloy mo akong pipilitin, mapipilitan rin akong iparating ito sa iyong ama!"

Tumingin si Duan Ling Tian sa matabang bata at kumunot ang noo.

"Boss, huwag! Pumunta ako rito dahil mayroon akong importanteng bagay na sasabihin sa iyo. May problema ka, malaking problema."

Nnag marinig niya ang sinabi ni Duan Ling Tian na isusumbong siya nito sa kaniyang ama, agad na natakot ang matabang bata.

"Anong problema? Bilisan mo at sabihin sa akin!"

Ang ekpresyon ni Duan Ling Tian aybahagyang nagdilim.

Sa pagkakaalam niya, ang maruming bibig ng matabang batang ito ay walang masasabing disente.

"Boss, nang marinig ko ito, ang una kong ginawa ay puntahan ka. Hindi ko nga ito sinabi sa aking ama. Matapat talaga ako, hindi ba?"

Lumubo ang mukha ng matabang bata nang tumawa ito.

"Kung hindi mo agad sasabihin sa akin ay huwag mo ng sabihin kahit kailan!"

Nanliit ang mga mata ni Duan Ling Tian. Sa harap ng matabang bata na ito, wala siyang pasensia.

"Huwag boss. Sasabihin ko sayo, sasabihin ko sayo! Narinig ko lamang ito. Kahit na sa Fang family, isa pa rin itong sikreto…"

Ang mataba nitong mukha ay nanginig nang sinabi niya ito at huminga ng malalim ang matabang bata.

"Fang family?"

Tuamaas ang mga kilay ni Duan Ling Tian.

Boss, narinig kong ang Manager ng Fang family na si Fang Qiang ay tumuntong na sa Core Formation stage ilang araw na ang nakalilipas… Hindi na lang kaya natin pansinin ang usapan na dapat mangyayari sa susunod na kalahating buwan? Labing limang taon ka pa lamang, kaya't kahit na tumaliwas ka sa usapan, hindi ito gaanong nakahihiya!"

Matapos niyang sabihin ag gusto niyang sabihin sa isang hingahan, desperadong tumingin ang matabang bata kay Duan Ling Tian.

Hindi nagbago ang mukha ni Duan Ling Tian; tila hindi siya nagulat.

Pero ang mga mata niya ay nanliit, at isang nakasisilaw na ilaw ang makikita mula rito.

Ang bagay na pinangangambahan niyang mangyari ay nangyari na.

Tumuntong na si Fang Qiang sa critical juncture nito!

Ang ika-siyam na antas ng Body Tempering stage ay nagtataglay ng sampung libong libra ng lakas kapag ang ang lakas ng katawan ay magamit lahat. Maaari nitong makuha ang lakas ng langit at lupa para makagawa ng isang ancient mammoth silhouette...

Kung saan ang unang antas ng Core Formation stage, ang lakas ng katawan ay kapantay ng lakas ng ancient mammoth. Ang nagawang Origin Energy ay nagbibigay sa martial artist ng lakas kapareha ng isa pang ancient mammoth!

Ang isang martial artist na nasa unang antas ng Core Formation ay mayroong lakas ng dalawang ancient mammoths kapag nilalabas niya lahat ng kaniyang lakas!

Habang humihinga ng malalim, nararamdaman ni Duan Ling Tian ang kaba. Ang sayang naramdaman niya nang makatuntong siya sa ika-pitong antas ng Body Tempering stage ay nawala.

"Li Xuan, tama ng sinabi mo sa akin ito. Huwag mo sasabihin ito sa ibang tao, naiintindihan mo ba?"

Tumingin siya sa matabang bata habang malamig na sinasabi ito.

"Hindi ko ito sasabihin kahit sa aking ama?"

Inosenteng tanong ng matabang bata.

"Hindi ba tao ang iyong ama?"

Tiningnan ng masama ni Duan Ling Tian ang matabang bata, dahilan para maramdaman ng matabang bata na tila nakaupo siya sa isang kamang gawa sa karayom.

"Boss, iyan ay…"

Nagbago ang ekspresyon ng bata at tumingin ng sabik kay Dan Ling Tian.

"Ano?"

Kumibit ang mga labi ni Duan Ling Tian. Talagang nakakainis ang matabang bata na ito, ngunit para masarado ang bibig niya, kailangang magtiis ni Duan Ling Tian.

"Boss, kailangan ko ng tulong mo na bigyan ng leksyon si Li Ming."

Pinagkiskis ng matabang bata ang kaniyang mga palad habang tumatawa ng tuso.

Nag-isip sandali si Duan Ling Tian.

Inaalala niya kung sino si Li Ming.

Si Li Ming, bunsong anak na lalaki ng Second Elder.

Isang kilalang henyo sa Li family. Ang natural niyang talento ay hindi bababa kay Li Jie sa nakaraan.

Labing pitong taong gulang siya ngayaong taon at nasa ilalaim ng tulong ng Thunder Flame Pills at ng Six Treasures Body Tempering Liquid, nakatuntong siya sa ikaanim na antas ng Body Tempering stage ilang araw na ang nakalilipas.

"Ikaw at si Li Ming ay pareho ng kondisyon, pareho kayong walang kulang sa Thunder Flame Pills at Six Treasures Body Tempering Liquid, kaya't bakit hindi mo na lamang gamitin ang sarili mong lakas para matalo siya?"

Galit na sabi ni Duan Ling Tian.

Sa usapang ito, ang matabang bata ay hindi kapareho ng Fifth Elder.

"Hindi ako kulang don.. Pero ang problema ay mas matanda siya sa akin ng dalawang taon."

Ang matabang bata ay tumingin kay Duan Ling Tian na parang naghihintay habang malisyosong tumatawa.

"Boss, tulungan mo ako. Muntik na akong masipa na parang bola noong nakaraan, inisulto niya pa ako at sinabing isa akong "matabang baboy". Kailangan ko siyang turuan ng leksyon at tatawagin niya akong "Brother Fatty" sa tuwing makikita niya ako.

"Boss, kailangan mo akong tulungan. Kung mabubugbog niya ulit ako. Baka makalimutan ko ang sinabi mo sa akin kanina…"

Nang mapansin niyang pinagiisipan pa rin ni Duan Ling Tian, agad na ginatungan ng matabang bata ang bakal habang mainit pa.

commentaire Commentaire 4

Voter

ENVOYER LE CADEAU

Chapitre 26: Thunder Flame Inscription

Éditeur: LiberReverieGroup

"Sumpain kang mataba ka, nagawang mo akong pagbantaan?!"

Ang mga mata ni Duan Ling Tian ay nagbigay ng malamig na tingin na nagpaatras sa matabang bata dahil sa takot. "B-Boss, nasa mali ako, nasa mali ako!"

"Tama na!"

Habang nakakunot ang noo, hindi na nag-abala pa si Duan Ling Tian sa pakikipagtalo sa matabang bata.

Habang dahan-dahang inaalis ang tansong singsing sa kanyang daliri, tumingin siya sa matabang bansot at sinabing, "Kunin mo ang singsing na ito at ibigay mo sa akin ang singsing na nasa kamay mo!"

Nagulantang ang matabang bansot.

Sumulyap siya sa tansong singsing na nasa kamay ni Duan Ling Tian at tumingin din siya sa gintong singsing na nasa kanyang hinlalaki. Ang kanyang matabang mukha ay nagpakita ng masakit na ekspresyon. "Boss, ito ang regalo sa akin ng aking lolo sa aking kaarawan noong nakaraang taon…"

"Makikipagpalit ka ba o hindi? Kasi kung hindi, umalis ka na!"

Sigaw ni Duan Ling Tian sa mababang tinig. Matapos ito ay tumalikod siya at akmang aalis na.

Ang matabang bansot ay isang mataling tao, agad niyang napansin ang mga nakatagong pahiwatig. Mabilis niyang inilapat ang kanyang mga kamay upang harangan si Duan Ling Tian. Siya ay paimbabaw na ngumiti at sinabing, "Boss, mayroon bang sikreto ang singsing na nasa iyong kamay?"

Sumagot si Duan Ling Tian, "Hmph, kung kukunin mo itong singsing, ang matalo si Li Ming ay magagawa sa loob lamang ng ilang segundo. Pero dahil ayaw mo namang ibigay ang singsing na bigay ng iyong lolo, wala na rin iyong kabuluhan!"

Si Duan Ling Tian ay akmang babalik na sa courtyard nang matapos siyang magsalita.

"Boss, nasa mali ako, inaamin ko na nagkamali ako. Hindi pa ba yun sapat?!"

Naging balisa ang matabang bata. Habang mabilis na naglalakad, tumingin siya kay Duan Ling Tian ay seryosong sinabi, " Boss, itong singsing sa iyong kamay, huwag mo sabihing may nakasulat ditong inscription."

"Alam mo din ang tungkol sa mga inscriptions?"

Bahagyang nagulat si Duang Ling Tian. Hindi niya inakalang alam din ni Li Xuan ang tungkol sa mga inscriptions.

"Hehe."

Malugod na tumawa ang matabang bata. "Noong ako ay nasa bahay ng aking lolo, nakita ko ang ilang talaan ng mga inscriptions sa isang sinaunang libro. Hindi umano, ang inscriptions daw ay madalas na nakasulat sa mga pansariling kagamitan na nagbibigay ng hindi kapani-paniwala kapangyarihan sa isang indibidwal.

"Ang kapalaran ay talagang pabor sa tanga."

Umiling si Duan Ling Tian nang ipasa niya ang tansong singsing na nasa kanyang kamay, papunta sa matabang bata. "Kunin mo ito. Kung ayaw mong ibigay ang gintong singsing na nasa iyong kamay, kapag nagamit mo na ang inscription na nasa tansong singsing, ibalik mo ito sa akin."

Ang matabang bata ay pinahaba ang kanyang matabang kamay upang tanggapin ang singsing. Ang kanyang mga maliit na mata ay mariing tumitig dito bago siya sumigaw, "Boss, gusto ko lang ulit makasigurado. Itong singsing mo ba ay mayroon talagang inscription?"

"Walang kwenta!"

Si Duan Ling Tian ay napa "hmph" na lamang.

Ang inscription na nasa singsing na ito ay naisulat gamit ang mga materyales na nabili niya noong nakaraang araw.

Ang kanyang orihinal na pakay dito ay itatabi niya ito upang may magamit siya kung sakaling kailanganin niya ito laban sa Manager ng Fang family.

Ngunit sinong makapagsasabing magkakaroon si Fang Qiang ng kritikal na sitwasyon?

Ang ganitong klase ng inscription ay mabisa lamang laban sa mga Body Tempering martial artists, wala itong bisa laban sa mga Core Formation martial artists!

Samakatuwid, sinamantala niya ang pagkakataon at ibinigay ito sa matabang bata.

Sa kanyang kasalukuyang lakas, hindi na niya kailangan ang kapangyarihan ng inscriptions upang matalo ang isang Body Tempering martial artist.

"Boss, may kakilala ka rin bang Inscription Master?"

Ang mga mata ng matabang bata ay nagsimulang lumiwanag na para bang hindi ito makukuntento hangga't hindi niya nalalaman ang lahat.

"Tama na. Bilisan mo at umalis ka na! Tandaan mo ang aking sinabi: kapag nagtangka kang sabihin ang nangyari kay Fang Qiang, lalo na sa aking ina… gagawin kitang bola at sisipain kita!"

Lumakad papunta sa courtyard si Duan Ling Tian matapos niyang titigan ang matabang bata.

Subalita, ang matabang bata ay sinundan siya sa courtyard. "Boss, boss!"

Sumimangot si Duan Ling Tian, "Ano nanaman iyon?"

Ang matabang bata ay nahihiyang ngumiti, "Boss, paano mo ina-activate ang inscription sa singsing na ito?"

"Hindi ba't binasa mo ang sinaunang libro tungkol sa mga inscriptions? Tapos ay kailangan mo ako para turuan ka sa simpleng bagay?"

Galit na binigyan ni Duan Ling Tian ang matabang bata ng isang masamang tingin at tinuruan niya na itong iactivate ang inscription bago niya ito pinaalis.

Nang makaalis na ang matabang bata, nagkaroon ng nakakatakot na ekspresyon si Duan Ling Tian.

Ang makapasok si Fang Qiang sa Core Formation stage ay isang masamang balita para sa kanya.

Marahil ang pamamaraan ng inscription ay kahanga-hang, mayroon pa rin itong limitasyon.

Sa kasalukuyan, ang mga inscriptions na kayang isulat ni Duan Ling Tian ay epektibo lamang sa mga martial artist na hindi pa nalilinang ang kanilang Origin Energy.

Ang mga inscriptions na kayang apektuhan ang mga Core Formation martial artists ay kinakailangan ang kombinasyon ng Origin Energy at ng mga materyales upang matagumpay na itong maiukit.

Naisip niyang humingi ng tulong sa kanyang ina, ngunit ang pag-uukit ay isang malawak at malalim na sining. Ang isang tao na kulang sa kaalaman tungkol sa inscriptions ay kailangan ng ilang taong pag-aaral tungkol sa Dao of Inscription bago ito makagawa ng matagumpay na inscription.

Ang tanging dahilan kung bakit madali siyang nakasusulat ng mga inscriptions ay dahil sa mga alaala ng Rebirth Martial Emperor na sumanib sa kanya. Kapag sumulat siya ng isang inscription, para bang ang Rebirth Martial Emperor ang gumagawa nito, kaya hindi siya nakararamdam ng presyon.

"Mukhang kung gusto kong mapatay si Fang Qiang ay hindi dapat ako umasa sa mga panlabas na pwersa, kailangan kong umasa sa aking sarili!"

Kumislap ang mga mata ni Duan Ling Tian nang makabalik siya sa courtyard.

Siguro ay ang Spirit Serpent Movement Technique ang magiging pag-asa niya!

Hindi niya pinayagan si Li Xuan na ikalat ang balita na si Fang Qiang ay nakarating na sa Core Formation stage dahil ayaw niyang malaman ito ng kanyang ina.

Alam niya na sa sandaling malaman ito ng kanyang ina ay hindi kailanman sa isang milyong taon niya itong papayagan na pumunta sa Fang family, kalahating buwan mula ngayon.

Itinago ng Fang family ang tungkol dito dahil nag-aalala sila na hindi siya pupunta sa kanila sa sandaling marinig niya ang tungkol dito.

Halatang sinasamantala ng Fang family ang pagkakataong ito upang mapahamak siya!

"Fang family, talagang minamaliit niyo ako!"

Ang mga mata ni Duan Ling Tian ay nagbigay ng isang malamig na tingin.

Sa Li family Martial Arts Practice Hall, ang mga kamay ng matabang bata si Li Xuan ay nakapasok sa kanyang bulsa at mayabang na nakatayo.

Siya ay napapaligiran ng mga disipulo ng Li family. Bawat isa sa kanila ay nakatingin kay Li Xuan habang nakaturo sa kanya at pinag-uusapan siya. "Adik ba siya? Talaga bang nagawa niya hamunin si Li Ming. Hindi pa ba sapat ang kaawa-awang ginawa sa kanya ni Li Ming noong nakaraan?

"Hindi ko alam. Siguro dahil makapal ang kanyang balat at laman, hindi siya nakararamdam ng sakit."

"Ang Fifth Elder ay gwapo at hindi kayang pigilan na may kahanga-hangang panlabas na anyo, ngunit bukod sa kilay ni Li Xuan, wala na siyang pagkakatulad pa sa Fifth Elder."

"Kahit pa na may pagkakaparehas sila sa panlabas na anyo, natakpan na ito ng kanyang taba."

...

Maraming diskusyon ang napuno ng pangungutya. Pakiramdam nila ay masyadong mayabang si Li Xuan.

"Punyetang matabang baboy, narinig ko na hinahamon mo raw ako?"

Ilang saglit, isang bata ang naglakad mula sa malayo at huminto sa harap ni Li Xuan. Ang kanyang mukha ay nangangasar habang nakatingin kay Li Xuan. Minamaliit niya ito.

Siya si Li Ming, ang anak ng Second Elder ng Li family.

"Li Ming, magkakaalaman tayo ngayon!"

Ang matabang bata ay sumigaw nang napakalakas kaya naman gumalaw din lahat ng kanyang taba sa katawan. Ang kanyang matabang kamao ay sumuntok patungko kay Li Ming.

"Masyado kang mayabang!"

Ngumiti si Li Ming nang may pangungutya. Hindi siya nag-abalang gumalaw at ang kanyang kamao ay sumuntok rin upang maharang ang suntok ng matabang bata.

Sa kanyang pagkakaalam, basta't matamaan niya ng suntok ang matabang bata ay tatalsik na ito na parang bola.

Ganoon din ang nasa isip ng mga disipulo ng Li family na nasa paligid.

Sa kanilang opinyon, Si Li Xuan ay hindi kayang pantayan si Li Ming…

Ping!

Ang kanilang mga kamao ay nagbanggaan.

Ngunit sa sandaling nagbanggaan ang kanilang kamao, ang mga mata ng matabang bata ay kumitid ang pagkakadilat. Agad niyang inactivate ang inscription na nasa kanyang hinliliit.

Hisssss

Mabilis naramdaman ni Li Ming na para siyang tinamaan ng kidlat. Ang kanyang buong katawan ay nanghihina.

Bukod pa rito, ang kanyang buong katawan ay nakaramdam ng sakit na parang tinamaan ng kidlat at apoy.

Ang ganitong pakiramdam ay sobrang pamilyar sa kanya, ito ay parehas na parehas sa pakiramdam matapos niyang kainin ang Thunder Flame Pill.

Bago pa niya maisip kung bakit ang mga sintomas ng Thunder Flame Pill pagkatapos makain ay nararamdaman niya ngayon, ang nanghihinang si Li Ming ay tumalsik palayo dahil sa suntok ni Li Xuan.

Kasunod nito ay sinundan ito ng isa pang suntok ni Li Xuan na tumama sa pisngi ni Li Ming na nagpatumba sa kanya!

Pagkatapos nito ay sunod sunod na pag-atake.

Isang labanan na isa lamang ang umaatake!

"Binibiro mo ba ako?"

Ang mga nanunuod na disipulo ng Li family ay napanganga na lamang.

Ang iba sa kanila ay madiing kinurot ang kanilang mga hita na nagbigay ng sakit sa kanila upang mapagtanto nila na hindi ito isang panaginp.

Lahat sila ay nagulantang.

Kailan naging sobrang lakas ni Li Xuan?

Hindi ba't ilang araw lamang ang nakalilipas nang makarating si Li Ming sa ikaanim na antas ng Body Tempering stage?

"Tigil, tumigil ka na!"

Nang mawala ang nararamdamang pananakit ng kanyang katawan, gustong gumanti ni Li Ming, ngunit sa tuwing bahagya siyang gagalaw ay sumasakit ang kanyang kalamnan. Siya ay lubos na napinsala ni Li Xuan.

Dahil sa mga pangyayaring ito ay mabilis siyang humingi ng awa.

"Tatawagin mo pa rin ba akong punyetang matabang baboy?"

Si Li Xuan ay walang awa, kahit na ang kanyang kalaban ay bagsak na, tinapakan niya pa rin ang hita ni Li Ming kaya naman ito ay napasigaw sa sakit.

"Hindi na, hindi na!"

Sabi ni Li Ming sa isang bahagyang isterikong tinig.

"Sa susunod na makita mo ako, tawagin mo akong Kuya Fatty. Naiintindihan mo ba?"

Ang matabang bata ay nagbigay sa kanya ng isang mabangis at malisyosong titig bago siya pagbantaan.

"Oo, Kuya Fatty, Kuya Fatty!"

Mabilis na sabi ni Li Ming, natatakot siya na kung siya ay mabagal ay masusuntok nanaman siya ng matabang bata.

Ang isang matalinong tao ay hindi nakikipaglaban kung ang mga posibilidad ay laban sa kanya. Dahil ang kanyang buong katawan ay puno ng pinsala, wala siyang tyansang matalo si Li Xuan, mas pinili niyang magtiis!

Para sa kanya, kapag nanumbalik ang kanyang lakas ay magagawa niyang takpan ang pait ng pagtitiis niya ngayon.

Paniguradong siya ay nalilito sa kanyang puso kung bakit ang mga sintomas ng nakapagpapagaling na mga katangian ng Thunder Flame Pill ay kumalat sa buong katawan niya sa sandaling nagbanggaan ang kanilang mga kamao ni Li Xuan.

Maaaring ito ay isang epekto mula sa pagkain ng Thunder Flame Pill?

"Kailanman ay hindi ko napansin na isa ka palang napakasamang tao. Masunurin ka lang kapag nabugbog!

Matapos gumawa ng "hmph" na tunog ay iniwan na ni Li Xuan si Li Ming sa Martial Arts Practice Hall na puno ng taong 'di makapaniwala.

Matapos turuan ng leksyon si Li Ming ay naging masaya si Li Xuan. "Ang Thunder Flame Inscription na ibinigay ni boss ay talagang mahusay. Sigurado ako na iniisip pa rin ni Li Ming kung bakit naramdaman niya ang epekto ng Thunder Flame Pill… Sigurado ako na inakalang niyang side effects ito ng Thunder Flame Pill, haha!"

Sa courtyard, isang balingkinitan, kaaya-aya, at magandang batang babae na may Violet Meteorite Flexible Sword sa kanyang kamay ang nag-eensayo. Siya ay nag cucultivate ng Drawing Sword Arts.

Sa kanyang tabi ay isang gwapong bata na may kaaya-ayang katangian. Siya matiyagang nagpapaliwanag ng lahat na kailangan matutunan sa Sword Drawing Arts at sinasagot nito lahat ng tanong ng batang babae na para bang isang guro na hindi napapagod.

"Boss, boss!"

'Di nagtagal ay may tunog ng isang tao tumatawag sa labas ng courtyard ang maririnig na magdudulot ng pagkainis ng bata. "Istorbo talaga tong punyetang matabang 'to!" Ke Er, lalabas lang ako saglit. Mag-cultivate ka muna mag-isa."

"Sige po, Young Master."

Napatango ang batang babae.

Ang bata ay lumakad papalabas sa courtyard nang may malalaking hakbang. Nang makita niya ang matabang bata na naglalakad ay kumot ang noo nito at nagtanong, "Ano nanaman iyon?"

Ang matabang bata ay palihim na tumawa at tinanggal niya ang tansong singsing sa kanyang hinliliit at tinanggal niya rin ang gintong singsing sa kanyang hinlalaki bago niya ito ibinigay sa bata. "Boss, ang singsing mo…"

Hindi gumalaw ang bata para kunin ang singsing, bagkus ay tinignan niya ang gintong singsing sa kamay ng matabang bata. "Anong ibig sabihin nito?"

Nahihiyang tumawa ang matabang bata. "Boss, walang awa kong binugbog si Li Ming ngayon. Sigurado ako na babawian niya ako sa oras na manumbalik ang kanyang lakas, kaya Ako… Ako ay may hiling sa'yo na hanapin mo ang Inscription Master upang umukit siya ng Thunder Flame Inscription para sa'kin."

commentaire Commentaire 12

Voter

ENVOYER LE CADEAU