Chapitre 1100: Ang Bottleneck ng mga Life Gene

Umupo naman si Luo Feng sa kaniyang trono at tumingin pababa sa napakaraming mga itim na imaheng nakaluhod sa kaniyang harapan. Buong emosyon at pagsamba siyang tiningnan ng libo libong mga espesyal na nilalang… Sa mga sandaling iyon, isang bagay ang pumasok sa isip ni Luo Feng. Ang mga espesyal na uri ng nilalang na itong may napakalaki at napakalakas na katawan ay nagkaroon ng iisang daing… masyado silang mahina at hindi importante sa kalawakan.

Dahil sa temptasyon ng mataas na mga level ng buhay at mga talent technique, magisa nang nireresolba ng bilyon bilyong mga lahi sa kalawakan ang mga bagay bagay—na alipinin o isoul transfer ang mga ito! Ang isang grupo ng mga espesyal na uri ng nilalang na walang malakas na protector ay mabilis na mawawasak ng napakaraming lahi na kinakain ng kanilang mga ganid! Puwersahang inuubos ang mga ito!