Chapitre 334: Ang Black Hole

"Ganoon karami?" Nagulat nang husto si Luo Feng, habang tinitingnan ang kanyang paligid ay bihira niya nagawang maaninag ang imahe ng dalawa hanggang tatlong teams.

"Napakarami ng bilang ng teams na makikita malapit sa Valley, nakatago ang mga ito kaya hindi mo sila makikita kung hindi mo titingnan nang maigi ang kanilang pinagtataguan." Maririnig ang boses ni Babata sa isipan ni Luo Feng.

"Naiintindihan ko," sabi ni Luo Feng

...

Walang puno at halaman ang bulubundukin sa kanilang harapan, nababalot ito ng mga maitim na batong hinaluan ng iilang batong may kaunting kulay na silver. Maingat na umabante ang team ni Luo Feng, ang pinakagitnang bahagi ng bundok ay parang tinamaan at hinati ng isang battle knife mula sa langit na lumikha sa valley na ito.

Ang napakalaki at parang hinati sa dalawang lambak na ito ay ang tinatawag nilang Valley of Wind and Thunder.