Chapitre 237: Item List mula sa Archeological Ruins

Nabagabag ang lahat ng tao na nasa loob ng meeting room.

"May kasiguraduhan ba tayo rito Kuya Hong?" umupo sina Thunder God at Hong sa isang sulok, walang sinuman ang nagtangkang lumapit sa dalawang ito.

"Walang wala!"

Iniling ni Hong ang kanyang ulo. "Pero kahit na wala tayong kasiguraduhan, sa huli ay kinakailangan pa rin nating lumaban! Bilang isang star traveller level 7 na may sariling domain ay nagawa ko ng maging pinakamalakas sa star traveller level. Idagdag mo pa rito ang lumalaki kong cloud contact vine na pinapakain ko ng mga Mu Ya crystals, kaya kahit na makipaglaban pa ako sa isang star level 1 ay mayroon pa rin akong pag-asa na matalo ito!"

"Ang pinakamalaki nating problema ngayon ay ang kawalan natin ng kaalaman tungkol sa isang swallowing beast," seryosong sinabi ni Hong.

"Tama." Tango ni Thunder God.