Capítulo 1: Zero
[]Ultra Curse
†Zero
—————
Naabutan ko si kuya na hawak ang listahan ng mga pangalan naming buong section. Nakapatong sa mesa niya ang bag ko na nakabukas. Sabi na nga ba, dapat hindi ko iniiwan ang gamit ko lalo na kapag nasa bahay si kuya, lahat kasi kinakalikot nito— kahit hindi niya gamit! Masyadong pakialamero!
"Kuya, bakit? " tanong ko at inilapag ang plato sa isa pang table sa kanyang opisina.
Umikot ang swivel chair niya paharap sa akin. "Anong bakit? I'm just looking at this. Hindi ba friend mo itong Francisco Monasillo? "
Kumunot ang noo ko, uminom muna ako ng tubig bago siya sagutin. "Yeah, why? Tropa ko ʼyan? Bakit? May nagsumbong na sa kanya sa guidance? " natatawa kong tanong.
Panigurado ay napag-initan itong si Francis o ʼdi kayaʼy nai-report na dahil late magpasa ng mga gawain.
"Hindi na sakop ng SSG ang mga nangyayari sa guidance— or pwede rin, depende talaga. But, hindi naman iyon ang dahilan. All Out player siya, ʼdi ba? "
Natigil ako sa pagsubo ng hotdog na may mayonnaise, inilapag ko ito sa plato. "Oh bakit? Ano na naman ng binabalak mo? "
Natawa lang siya at saka muling pinaikot ang swivel chair patalikod sa akin. "Nothing. I just wanna invite him, Yeshua. "
Pinunasan ko ang mayonnaise na naiwan sa gilid ng labi ko matapos isubo ang hotdog. "Hah? Invite saan? Hindi naman ata kayo close! "
Muli siyang tumawa. "Ultra Curse. "
"Ha? Pinagsasasabi mo? "
"Wala. Kumain ka na lang diyan. Masamang magsalita nang puno ang bibig. "
Estado de energía semanal
-- Ranking de
Poder 
-- Piedra de
Poder