Capítulo 111: Daniel (Chapter 20)
"MANG RODEL, pabili nga po ng sigarilyo!" sabi ko sa matandang bakla.
Hindi ako makatingin nang diretso rito dahil sariwa pa sa aking isipan ang nangyaring kalaswaan nito sa panaginip.
Shit! Pati talaga sa panaginip hindi ako tinatantanan ng matandang baklang ito. Daig pa si Mike Enriquez, a.
Pero parang iba na talaga ang tingin nito sa akin nang mga sandaling iyon.
Parang may kakaiba talaga, ewan, basta may kakaiba talaga at hindi ko mabasa kung ano ang meron sa mga titig nito sa akin.
Tssss... kung bakit ba kasi wala akong kakayahang bumasa ng isipan ng tao.
"Kailan ka pa natutong manigarilyo, Daniel?" tanong ni mang Rodel.
Ang puta at nagtatanong pa. Sarap kutusan. FC lang ang peg?
"Matagal na po. Hindi mo lang siguro napapansin," sagot ko.
Ngumiti ito sa akin kaya nagtaka naman ako.
"Alam mo bang sobrang hot tingnan ng mga lalaking naninigarilyo, Daniel? I love bad boys. Nakakalibog," malanding sabi ni mang Rodel sabay kagat ng ibabang labi.
Kumunot ang noo ko sa mga sinabi nito. Putang ina talaga si mang Rodel.
He's the type na hindi ka manghihinayang na murahin. Hindi ito karespe-respeto talaga e kahit pa sabihing may edad na.
"Okay po, mang Rodel," tugon ko rito.
Nakita kong napatingin ito kay Brad na nasa tabi ko lang no'n. Tahimik lang din si Brad nang mga sandaling iyon.
Nakikinig lamang siya sa usapan namin ni mang Rodel. May diin sa mga titig ng matandang bakla kay Brad.
Parang gusto nitong hamunin ng suntukan kaya natatawa ako sa aking isipan.
Agad ko namang naintindihan kung bakit gano'n ang reaction nito kay Brad.
Tinakbuhan nga pala ito ng aking prinsipe matapos magpabaha ng Red Horse.
Shit! Prinsipe talaga? Kinilabutan at kinilig ako sa naisip kong iyon.
Natawa ako nang maisip na totoo nga ang kasabihang kapag ang isang bakla ay nagpabaha ng alak, may binabalak.
"Bakit, Daniel?" maang na tanong ni mang Rodel sa akin. Nagtaka siguro kung bakit ako tumawa.
"Wala po, mang Rodel," tugon ko naman agad.
"Wala ka bang pasok ngayon, Daniel?"
"Wala po," tipid kong sagot dito.
"Ano'ng pagkakaabalahan mo today?"
Tsss... question and answer portion na ba 'to? Hindi ko na sinagot ang katanungan nito. Why should I? Close ba kami?
"Ano'ng sigarilyong bibilhin mo, Daniel?" muling tanong nito nang hindi na ako tumugon pa.
Saka ko naalalang bumibili nga pala ako no'n.
"Jackpot po!" sagot ko naman.
Nakita kong medyo natawa si Brad. Nagtaka naman ako sa naging reaksiyon niya.
"Bakit ka natawa?" 'di ko napigilang tanungin siya.
"Jackpot talaga, tol?" natatawa niya pa ring tanong.
Kumunot naman ang noo ko.
"Bakit?" maang kong tanong sa kanya.
Muli siyang tumawa. "Nakaka-dandruff 'yan, e," tugon niya.
At doon ko naintindihan kung bakit. Na-cheapan siya sa jackpot. E, ano ngayon? 'Yon lang naman kasi ang alam kong sigarilyo.
'Yon ang madalas na bilhin ng mga kaibigan ko. Mura na mahaba pa. At saka wala naman talaga akong balak na bumili ng sigarilyo.
Nagkunwari lang ako para may alibi akong makaalis sa harapan nila ni nanay pero ang ending, hayun at sumama naman sa 'kin. Baliwala rin ang ginawa ko.
Mas pinili ko na lamang na manahimik. Kakapagod sumagot ng mga tanong, e.
"Samahan mo naman ng pula, tol," mayamaya ay sabi ni Brad.
Ang puta! Na-cheapan sa jackpot e wala namang pambili.
"Mang Rodel, diyes na jackpot at diyes din na pula," sabi ko.
"Thank you, tol," nakangiting sabi sa 'kin ni Brad. Bigla naman akong nakaramdam ng kilig. Shit talaga!
"Ano namang pula 'yon?" tanong ni mang Rodel.
"Fortune po," mabilis na tugon ni Brad.
"May utang ka pa sa 'kin," mariing sabi ng matandang bakla kay Brad.
Parang gusto kong matawa nang mga sandaling iyon.
"Mang Rodel naman, kusa kang nagbigay ng Red Horse, e, 'di naman ako humingi sa 'yo kagabi," depensa naman ni Brad.
"A, basta! Babayaran mo ang mga 'yon! Pero kung pagbibigyan mo ako ngayon, quits na tayo," mataray na sabi ni mang Rodel na nasa akin ang mga mata.
Shit! Bakit naman kaya ako tinitingnan ni mang Rodel? Pero infairness, may kung anong sakit akong naramdaman sa kaibuturan ng aking puso. Am I jealous? Damn!
Nagkunwari akong baliwala lamang ang lantarang landian sa harap ko but deep inside may kung anong matalim na kutsilyo nang tumutusok. Naghintay ako sa isasagot ni Brad.
"Mang Rodel, babayaran ko 'yon, promise. Ilista mo muna!"
Nakahinga ako nang maluwag nang marinig ko iyon mula kay Brad. Padabog namang tumalikod si mang Rodel para kunin ang sigarilyong binili namin.
Tsss... loyal naman pala si Brad sa 'kin. Assuming lang?
Estado de energía semanal
-- Ranking de
Poder 
-- Piedra de
Poder