Capítulo 1: Prologue
Bumagsak sa sahig ang mangkok at plato nang mabitiwan niya ang tray. Nagkalat ang mga piraso ng kanin at ulam na hinanda niya para sa lalaki.
Napahawak siya sa bibig at napasandal sa pader. Ang bilis ng tibok ng puso niya dahil hanggang ngayon ay hindi pa rin siya makapaniwala sa nakita ng mga mata.
Mariin siyang pumikit nang lumakad ang lalaki. Mabibigat ang yabag nito na papalapit sa direksyon niya.
"What did you do?" sigaw nito sa kaniya. Pakiramdam niya ay nabasag na ang kaniyang eardrums dahil sa lakas ng boses ng lalaki. Galit na galit ito kaya lalong nanginig ang kaniyang mga tuhod. Unting-unti na lang ay babagsak na siya sa kinatatayuan.
Marahan niyang dinilat ang mga mata at tumingala sa lalaki. Hindi niya maunawaan ang tanong nito sa kaniya. Kakarating niya pa lang sa kuwarto nito at wala siyang ibang ginawa.
"Wala." Nanginginig ang kaniyang labi na sumagot sa lalaki.
"Get out!" sigaw muli nito.
Lalabas na sana siya subalit hindi naman niya maigalaw ang mga tuhod dahil patuloy pa rin iyon sa panginginig.
Hinawakan nito ang braso niya at kinaladkad siya palabas. "I told you to knock before you enter!"
Napasalampak siya sa sahig nang bitiwan siya ng lalaki. Nanginginig man ay pinilit niya pa rin ang sarili na tumingin dito. Naging halimaw na ang lalaking kaharap dahil sa sobrang galit nito!
Mayamaya lang ay binagsakan na siya nito ng pinto kaya tuluyan na itong nawala sa paningin niya.
'Iyon ba ang tinatago nito?'
Tumayo siya at pinahid ang luha sa pisngi. Ngayong alam na niya ang bagay na iyon, parang gusto niya nang umalis sa lugar.
REFLEXIONES DE LOS CREADORES 
Teacher_Anny
Teacher_Anny Hello my dear readers, this is my second story sa Webnovel. Sana suportahan n'yo rin ito katulad ng pagsuporta ninyo sa "Win Over Mr. Perfect".
Let's see kung ano ba ang mangyayari sa love story ng mga bida ^_^
Estado de energía semanal
-- Ranking de
Poder 
-- Piedra de
Poder