Capítulo 153: USINGIZINI
Zoezi la kupanga picha liliendelea hadi usiku sana. Beruya alionekana kuchoka sana, msaada wa Aretha ulikuwa mkubwa sana kwake. Alipozidiwa na usingizi, akalala kwenye meza na shughuli iliyobaki ikamalizwa na Aretha kwa msaada mkubwa wa Edrian.
Walipomaliza kuweka picha pamoja na watu wachache waliokuwepo wakati huo, Edrian akamwangalia Aretha ambaye alionesha kuchoka sababu ya usingizi uliokuwa ukimnyemelea.
Wakamsogelea Beruya na kumwamsha,
"Samahani sana Edrian nimewaachia wageni hadi mmemaliza" sauti ya Beruya ilitoka ikiwa na mikwaruzo
"Una usafiri wa kukupeleka nyumbani?" Edrian akamuuliza
"Ndio.. ngoja nimpigie yuko hapo City Hospital....mnaweza kwenda ili Aretha apumzike"
Wakaagana na kukubaliana kuonana baadae muda mfupi kabla ya onesho..
Edrian akaongozana na Aretha hadi kwenye lifti. Walipoingia na mlango kufunga, Ed akamvuta Aretha taratibu na kumkumbatia.
"Pole princess" akainama na kumwambia sikioni kisha akambusu kichwani.
"Mmmh" akahema kwa uchovu na kutulia kwenye kumbatio lile macho yake yakiwa mazito kwa usingizi.
Walipofika kwenye gari Aretha aliegama kwenye kiti na kuacha usingizi umchukue taratibu.
"Am sorry Rian" akamung'unya maneno mara usingizi ulipoanza kumpitia
"Eeeeh" Edrian hakusikia vyema maneno yale na alipojaribu kumuita Aretha aliitika lakini mdomo ulikuwa nzito kuongea
Wazo la kutamani kwenda na Aretha nyumbani kwake likamtembelea kichwani akaangalia simu yake ili awasiliane na mama yake, akaamuru simu impigie
"Hellow mama"
"Edrian mko salama mwanangu?" Sauti ya mama ilimfanya Edrian ajue hakuwa amelala na huenda aliketi akiwasubiri
"Tuko njiani tunarudi" Ed akamjulisha huko moyo wake ukikata tamaa ya kumuomba mama yake ruhusa aende na Aretha nyumbani kwake...
"Sawa mwanangu, ninawasubiri. Frans atawafungulia geti" mama akamwambia
"Sawa mama" akamaliza na kukata simu
"Mmmmhhh" akashusha pumzi na kugeuka alipoketi Aretha aliyesinzia, akatabasamu mara mwanga wa taa za barabarani ulipommulika
"So peaceful"akawaza
Akaendesha gari mpaka nyumbani kwao Aretha. Akamjulisha mama mara alipofika, akajaribu kumuamsha taratibu lakini Aretha alimuitikia na kurudi kufumba macho..
Edrian akashuka na kuelekea upande wa pili wa gari alipoketi Aretha mara aliposikia sauti ya kufunguliwa kwa mlango mdogo wa geti. Akafungua mlango wa gari na kumuita taratibu Aretha, lakini alijikusanya kama aliye kitandani huku akilalama kwa usingizi..
Ed akageuka nyuma baada ya Frans kumuita ambaye naye alionekana kushtuliwa toka usingizini na aliegama kwenye geti akisubiri wapite..
Edrian akarudi na kutoa funguo ya gari, akaelekea tena upande wa Aretha, akambeba kama mtoto mdogo huku kichwa chake kikiwa mabegani. Asijue afanyalo, Aretha akazungusha mikono shingoni kwa Ed. Akarudisha mlango na kufunga gari kwa swichi iliyokuwa mkononi mwake
Frans aliyesimama pembeni alivyoona kilichoendelea, akazinduka kutoka katika weweseko la usingizi akapiga hatua haraka kusukuma geti kumuwezesha Edrian kupita
"Naona kazidiwa na usingizi" Edrian akamwambia Frans
Frans akatabasamu huku akirudisha mlango wa geti lakini hakupiga hatua bali akabaki amesimama pale pale.
Edrian akaendelea mbele kuelekea kwenye mlango wa kuingia ndani. Moyoni alishukuru mazoezi yake ya kila siku maana hakupata shida kumbeba Aretha. Alipokaribia alimuona mama amesimama barazani..
Mama akashangaa kuona Edrian kambeba Aretha ambaye alionekana kuchukuliwa na usingizi mzito
"Pole mwanangu" akamwambia huku akipiga hatua kufungua mlango wakaingia ndani. Edrian akataka kumuweka Aretha kwenye kochi lakini sauti ya mama yake ikamshtua
"Njoo umfikishie chumbani kwake mwanangu..akilala Retha huwa kama mfu vile"
Edrian akageuka na kumfuata mama ambaye alimuelekeza hadi chumbani kwa Aretha. Akainama kumuweka kitandani lakini mikono ya Aretha ilishikilia shingo ya Ed kama mtu aliyeshika boya kuokoa maisha yake..
Akamuweka na kuitoa mikono shingoni, Aretha akajigeuza kitandani taratibu na kujikunja kisha maneno yakamtoka katika usingizi mzito uliomkamata
"I love you Rian"
Edrian ambaye alisimama kumuaga mama akaangalia pembeni akajifanya kutokusikia maneno yale japokuwa furaha yake ilikuwa kuu sana
Estado de energía semanal
-- Ranking de
Poder 
-- Piedra de
Poder