Capítulo 10: Bagian ka 10
"pi, Adit pigi skolah dulu yah"
"nak, ngana so mo pigi ka skolah yah, apa so smokol?"
"blum pi nanti Adit mo makang dikantin sekolah"
"ngana ini, senggaknya ngana isi puru dulu biar nyanda lapar saat belajar disekolah, lagi pula ngana pe papa ada di dapur lagi makang sekalian pamit sama ngana pe papa"
"nanti saja pi, Adit so telat nih, tako itu gerbang ditutup sama penjaga sekolah"
"yah udah kalo bagitu, ati-ati dijalang yah, jangan ngebut"
"baik, pi"
Adit lalu nae pa dia pe motor kong kase tinggal itu halaman rumah menuju ka skolah
Krisna lalu maso ka dalam rumah, dia liat dia pe laki lagi minum kopi sambil ba baca koran
"Kris ngana pe anak so pi ka sekolah"
"iyo pa tadi dia buru-buru katanya tako telat"
"ngana pe anak harus diajarin sopan santun deng tatakrama, seharusnya tadi dia pamit dulu pa kita sebelum brangkat kasekolah"
"iyo nanti kita kase tau pa Adit waktu dia pulang skolah"
Hubungan Adit deng papa tirinya nyanda bagitu bae, Adit belom mo akui Arthur sebagai papa barunya.
Adit masih belum move on dari Arlan papa kandungnya, suami pertama Krisna. Arlan mati karna
kecelakaan saat Adit masih SMP. Saat dia pe papa masih hidop Adit sangat dekat deng papanya , saat papanya mati Adit sangat ta pukul deng kematian papanya. Adit nyanda terima realita bahwa papanya so mati
Ketika papinya mo kaweng lagi deng Arthur. Adit tolak Arthur for jadi papa barunya. Adit baru
mo restui hubungan papi deng paitua barunya saat Adit mimpi baku deng Arlan papa kandungnya.
"Adit sayang giapa ngana manangis"
"apa ini benar-benar papa"
"iyo sayang ini ngana pe papa"
Adit langsung pelo dia pe papa deng erat trus ma nangis malele aer mata
"papa, Adit rindu pa papa, giapa papa nyanda pulang ka rumah, papi juga kangen pa papa"
Arlan lapas dia pe pelo
"sayang maaf papa nyanda bisa pulang lagi ka rumah, torang pe alam so beda"
"kalo bagitu Adit mo mati jo supaya bisa sama-sama deng papa lagi"
"sayang mati deng hidop orang Tuhan yang tentukan
"apa ngana nyanda kasiang deng sayang pa ngana pe papi, ngana anak laki-laki satu-satunya harus bisa
jaga deng lindungi ngana pe papi "maafin Adit"
"nyanda apa-apa sayang, meski papa so nyanda deng ngoni tapi papa slalu ada didalam
hati pa ngoni
"oh, iyo.. papi sabantar lagi so mo kaweng lagi tapi kita nyanda suka papi punya laki baru lagi. Apa
papa marah kalo papi kaweng lagi"
"dengar sayang papa nyanda marah kalo ngana pe papi kaweng ulang, ngana pe papi punya hak. Kalo ngana pe papi sanang papa juga sanang"
"brarti papa setuju kalo papi kaweng ulang?"
Alan gangguk dia iyo akang itu Adit pe pertanyaan, lalu Alan mulai mengilang dari hadapan Adit. Adit
ba taria rupa orang gila deng tabangon dari dia pe mimpi.
Dengar Adit ba taria, Krisna langsung tumingkas pi ba Adit pe kamar, dia berusaha kase tenang pa Adit
"giapa ngana bataria apa ngana ada mimpi jaha?"
"ki kita mim mimpi ba baku da dapa de dengan pa papa
"ngana mimpi baku dapa deng ngana pe papa?"
Adit goyang kapala kong Adit carita dia ada mimpi tentang papanya
abis itu papinya kase Adit minum kong dia minum sampe abis trus papinya kase baju ganti karna Adit pe baju basah karna suar. Adit ganti baju deng baju yang Krisna berikan abi itu Adit kembali tidor. Papinya ciong ditesta lalu kaluar dari kamar Adit
"kita kangen pa ngana Arlan"
Akhirnya Krisna kaweng deng Arthur setelah dapa restu dari Adit.
Krisna tau kalo Arthur seorang duda cere yang punya dua anak dari kaweng pertamanya. Tapi
Krisna nintau kalo Arthur nyanda sengaja buat Arlan mati
Estado de energía semanal
-- Ranking de
Poder 
-- Piedra de
Poder