Capítulo 4: Bagian ka 4
hei kita pe nama Aditya, biasa dong ja pangge Adit. kita anak sandiri, kita tinggal deng kita pe papa Krisna deng kita pe papa
tirik Arthur. Kita pe papa kandung so mati karna cilaka. Kita pe hubungan deng kita pe papa tiri nyanda ta lalu dekat, kita lebeh dekat deng kita pe mama, kalau ada masalah kita suka curhat sama mama. Diskolah kita kapten tim futsal deng sepak bola, banyak cewek-cewek yang suka pa kita dorang suka kita jadi dorang pe maitua tapi kita tolak deng cara bakusedu. Tau sandiri kalo cewek so maraju kayak gimana. Disore hari saat kita deng tamang-tamang lagi asik maen bola dilapangan skolah, kita lia ada anak diluar pagar, dia lagi lihat torang maen bola, lalu ta pe tamang tegor pa kita
"woi ngana lagi lia apa"
"oh nyanda lia pa-pa kok"
kita lalu fokus lagi deng bola yang torang ada maen, kita berusaha mo rampas ulang tu bola yang kita ada maen tadi, kita berhasil ambe ulang tu bola dari lawan kong kita tendang deng keras itu bola tapi
itu bola mala mengarah deng capat ka arah anak yang lagi ba uni itu.
"awas bola!"
"bam"
bola itu amper kena muka anak itu
(sebenarnya anak itu ada diluar pagar deng
bola itu kena
pagar ba kawat yang kebetulan anak itu dekat deng pagar)
kita langsung ba lari ka luar dari lapangan, kita hampiri itu anak, ta liat dia sedang duduk dilante sambil pegang dia pe dada sandiri. Dapa lia dia shock/kage lalu kita hampiri deng sapa
"maaf, ade ngana nyanda apa-apa?"
"iyo kita nyanda apa-apa"
"maaf kalo tu bola amper kena ade pe muka"
"nda apa"
anak itu lalu menjelaskan panjang lebar deng kita hanya gangguk kapala tanda kita mangarti. Kita bantu tu anak ba diri.
"manjo kita bantu"
kita ulur kita pe tangan, anak itu pagang kita pe tangan, dia badiri deng "hap" dia pe kapala ba sandar pa kita pe dada ternyata dia lebe pende sadiki dari kita, kita kage itu anak flao pa kita be bodi
"ade-ade"
"ado pake flao sagala nih anak"
lalu kita gendong kong pi bawa ka ke UKS. Anak-anak yang tadi maen bola dengan kita, pangge-pangge kita pe nama tapi kita nyanda ba skeit
Sampe di UKS kita kase tidor itu anak diranjang, kita lihat anak itu pe badan dari atas sampe kabawah.
Kita baru sadar kalo anak itu pake seragam SMP.
"giapa ada anak SMP maen kamari"
"apa dia lagi cari seseorang ato hanya iseng aja"
kemudian kita cari minyak kayu putih dikotak P3K yang kita mo pake for mo kase sadar tu anak. Nyanda
mungkin ato mungkin aja kita mo pake kaos kaki for mo kase bangun tapi bisa aja dia
pingsan ulang kong nyanda bangon-bangon lagi. Kita langsung tepis itu pikiran lalu kita goso tu minyak kayu putih pa dia pe leher deng idong. Nda lama anak itu bangon dari dia pe pingsan.
Estado de energía semanal
-- Ranking de
Poder 
-- Piedra de
Poder