Capítulo 3: Bagian ka 3
Tiap pigi ka skolah torang biasa nae bes skolah, kadang-kadang ajus ja antar torang ka skolah pake oto itu kalo ajus lagi off ato siang baru pi kerja, kalo pulang skolah kadang-kadang cici suka jemput pa kita, kadang-kadang kita pulang sandiri karna ci Bela ada bimbel diskolah. Hari ini kita lagi tunggu kita pe cici dimuka pagar skolah tapi satu jam lebeh, blom dapa lia dia pe lubang idong
"pastiu, pastio"
"jiapa jam bagini blom datang, tamang-tamang so pulang samua"
"mo ba telpon mar nyanda da hp, kita pe tamang-tamang so ada hp sandiri
tiba-tiba "ting" lampu diatas kapala manyala
"aha!" gimana kalo kita pi ka cici Bela pe skolah" sapa tau dia masih diskolah"
kita ba jalang ka ci Bella pe skolah sambil makang tahu yang kita beli dikakilima, hitong-hitong olahraga biar bodi sehat, sampe di ci Bella pe skolah kita langsung maso ka halaman skolah
"woah! pe basar deng pe loas skali tu skolah"
ba barapa anak SMA ta ngisi-ngisi lia ta pe kalakuan
kita ba jalang dilorong skolah, cari-cari cici Bela, samantara kita cari-cari kage-kage kita lia ada bebrapa anak lagi maen bola dilapangan yang diputari pagar ba kawat. Kita langsung lari ka lapangan lia tu anak-anak ada maen bola. Samantara lagi enak-enak ba uni dorang maen bola, kage-kage tu bola amper kena pa kita pe muka, bae kita diluar pagar kalo nyanda ta pe muka si jadi bola, gara-gara pristiwa itu jadi kage, shock lemas tu kaki kong kita ta dudu dilante.
itu nyong datang pa kita
"ade nyanda pa pa"
"iyo kita nda pa pa"
"sori kalo tu bola kena pa ngana"
"kita maafin, lagi pula kita diluar pagar, jadi tu bola kena didalang pagar"
"biar ta bantu pa ade ba diri"
kita pegang dia pe tangan, kita ba diri dan "hop"
kita pe kapala ba sandar pa dia pe dada, tarnyata
dia sadiki lebeh tinggi dari kita.
Kita ciong dia pe bodi bobou suar, kong kita langsung flao
Estado de energía semanal
-- Ranking de
Poder 
-- Piedra de
Poder