Capítulo 14: chapter: 11 the wait is over
Boht samay aise hi dekhne ke baad vo Evaa se poochti hai.. ke hum yahan kyu aaye hain? Aur yeh sab naach kyu rhe hain?
Evaa usse haste huye jwaab deti hai.. tumhe pta hai.. tumahara janam-din kab aata hai??
Nayra Sochte huye naa kar deti hai.. kyon ke usse kuch nhi pta tha..
Toh Evaa usse batati hai.. 'aaj ke hi din tum paida huyi thi...
Mtlb aaj tumahara 28th birthday hai...
Pta aisa 4 saalon ke baad hi hota hai.. yeh din boht special hai..
Aaj ke din tumahara janamdin aur ooper se amavas ki raat hai aur dekho aaj tareekh bhi 29 February hai.. mtlb Sab perfect hai..
Tumhe pta hai. Aaj ke din ka Maine boht intezaar kiya hai"
Nayra yeh sun kar thoda khush hoti hai.. ke aaj uska janamdin hai... par usse kuch samjh nhi aata ke ab vo kya kare...
Evaa khud ko dhakk kar aayi thi ke koi usse pehchaan na sake..
Evaa Wahin par khadi sochti hai... bas aaj ka hi din hai, iske baad kabhi mujhe chupne ki zaroorat nhi padegi..
Main azaadi se rahoongi.. aur yeh sab mere aage-peeche honge..
Aise hi raat honi shuru ho jati hai.. aur jungle ke raja ka aagman ho jata hai.. sab log unka swaagat karte hain, unpar phool barsaate hain...
Sbhi vampires unko salaam karte hain..
Aur sab mein utsaah bhar jata hai...
Yeh sab ke baad raja ji wahan par bane stage par chadh jate hain aur sab ki sambhodit karte huye kehte hain...
"Aaj aap sab ke liye boht khushi ka din hai.. aur jis wajah se hum sab ikkathe huye hain, main maanta hoon ke aaj hi ke din vo bhayanak haadsa huya tha, jise hum mein se shyed koi bhula nhi paya hai, par vo kehte hain na! Chalti ka naam zindagi hai' bas Wahi soch kar hum aage badhne ki koshish kar rhe hain, hamein khushi hai ke aap sab is mein hamara sath de rhe hain... aap sab ka boht-boht shukriya... jashan ka aanand uthayiye aur apne doston se milkar dil halka kijiye... main aasha karta hoon ke hum sab mein pyar aur lagaav aise hi bna rhe, aur yeh jashan hum har saal manayein.."
Aur raja ji stage se utar jate hain, aur sabhi vampires taaliyan bajaate hain...
Evaa boht hi khushi se raja ji ko nihaar rhi thi.. vo aaj bhi utne hi ache lag rhe the jaise 28 saal pehle the... wahi choti-choti si aankhein, lamba kadd, aur halka sa saanwla rang, aur baalon ka hairstyle bhi waisa hi tha.
Eva:(khud se) "Yeh toh bilkul bhi nhi badla"
Jungle ke jashan wali jagah par boht hi badhiya tareeke se sajawat ki gyi thi.. sabhi vampires uska aanand utha rhe the..
Evaa bhi bas khadi yeh sab dekh rhi thi aur sahi samay ka intezaar kar rhi thi, uske peeche khade koi do vampires aapas mein baatien kar rhe the..
1st: "toh kaisa lag rha!! Yahan aakar??
Doosra jawaab deta hai.."Mujhe nhi pta tha yaar ke vampires yeh sab bhi karte hain!! Yeh toh lajwaab hai.."
1st: "Han vo toh hai, yeh log mystic ke junglon mein rehte hain, tujhe toh pta hi hai.. ke yeh jungle poori duniya ke sab se bade junglon mein se ek hai.. toh jashan bhi toh badaa karenge hi na!!!"
Doosra vampire: han
Tabhi wahan par ek aur vampire aa jata hai.. "yeh sab baatien toh theek hain.. par pta hai pehle yeh jashan iss mahine mein nhi hota tha! Jab se raja ke sath vo haadsa huya tab se yeh log isse aise manate hain... aur aaj ke din hi vo sab huya tha.."
Pehla: han yaar!! Main bhi yhi soch rha tha.. ke yeh har 4 saal baad iss mahine mein kyu rakh lete hain..
3rd: jo aaj ka jashan hai yeh 4 saal baad huya hai, iss liye
2nd: toh raja isse jashan ke taur par kyu manata hai.. usse toh dukhi hona chahiye!!!
3rd: vo is liye.. ke unka bacha aur pyar.. jahan bhi hon.. bas khush hon..
1st: han vo toh hai...
Par sahi nhi huya bechare ke sath!!
2nd: arre kuch sahi aur galat nhi hota.. hum log toh pehle se hi mare huye hain..kya farak padta hai?
1st : phir bhi... mare huye hi sahi.. gee toh hum bhi rahe hain na!!
3rd: Han wahi toh!
Evaa unki baatien dheyaan se sunti hai... "bas aaj ke baad yeh jashan kabhi nhi hoga! Tum log maatam manaoge..."
Sabhi enjoy kar rhe the... Evaa ka dheyaan bhi sab ki taraf chalaa jata hai aur vo Nayra ke bare mein bhool hi jati hai...
Nayra idhar-udhar ki raunak dekhte-dekhte wahan se chali jati hai..
Jaise hi vo apni Maa se door hoti hai usse wahin par usse Abeer mil jata hai...
Abeer, Nayra ko dekh kar boht khush hota hai.. vo vaise toh sundar thi hi, par aaj aur bhi jada sundar lag rhi thi..
Whi neeli aankhein, kale aur bhoore rang ke lambe se baal, jo baar-baar uske chehre par aa rhe the..jise co baar-baar kano ke peeche kar rahi thi..
Aur uska vo shiny nose.. ooper se uss neele rang ki dress, Jisko usne bachon ki trah haathon mein utha rakha tha.. vo thodi lambi thi.. iss wajah se.
Nayra bhi Abeer ko dekhti hai.. usse bhi uska chehra boht attractive lagta hai...
Aise hi aankhon ki dekha-dekhi mein na-Jane kitna hi samay aise hi khade ek doosre ko nihaarte rehte hain..
Nayra, Abeer ko poori trah se dekh kar fir bolti hai.. "arre tumahari aankhein toh bilkul mere jaisi hain.."
Abeer ko yeh boht ajeeb lagta hai.. kyon ke usse aisi umeed thi ke Nayra jab dubara usse dekhegi toh wild sa react karegi, par vo toh whi baat poochti hai, jo unmein pehle ho chuki thi. Fir bhi vo usse jawaab deta hai "nhi tumhari aankhein halki si green bhi hain.. aur meri vaisi nhi hain..."
Nayra thoda hasti hai.. aur fir uski aankho ko dheyaan se dekhne ke baad kehti hai "haan! Tumahari aankhon mein toh laal rang hai"
Abeer ko wierd lagta hai par fir bhi vo smile kar deta hai... aur vo Nayra ki aankhon ko dheyaan se dekhta hai.. toh aaj usmein haraa rang nhi tha... aur sabse badi baat usse compell kiya gya tha.. jis wajah se uski aankhon ka pupil ka size badha huya tha...
Abeer samjh jata hai ke kyu yeh itna ajeeb behave kar rhi hai... vo usse khud compell karke theek karne hi lagta hai..ke Nayra beech mein se bol deti hai...
"Tum kaun ho?" Aur meri taraf aise kyu dekh rhe the?
Abeer ko thodi hasi aati hai.. kyon ke uske bolne ka tareeka bachon jaise ho gya tha aur harktein bhi...
Toh vo sochta hai kuch der aise hi rehne deta hoon! Baad mein theek kar doonga.. usse thodi khushi thi.. ke ab iss par acha impression banaunga..
pehli baar mein kharaab ho gya tha..
Abeer yhi soch kar usse jwaab deta hai.." hlo, mera naam Abeer hai!"
Aur main tumahari taraf iss liye dekh rha hoon kyon ke tum boht sundar ho, aur aaj toh boht jada sundar lag rhi ho.. bilkul Pariyon jaisi..
Nayra ko apni tareef sun kar boht khushi hoti hai.. aur usse Abeer acha lagta hai.. bhalle hi ab usse kuch yaad nhi tha.. par iss khoyi huyi soch ke sath bhi Nayra ko Abeer acha hi lga tha.. Yhi baat Abeer soch rha tha.. vo khud hi imagine kar rha tha... ke hum dono toh bas ek-doosre ke liye hi bane hain..
Abeer,Nayra ke sath aur samay bitane ke lehje se poochta hai ke "kya tum mere sath ghoomne chalogi? Yeh jungle boht sundar hai.."
Nayra bina soche hi haan bol deti hai aur vo dono uss jashan se kafi door nikal chuke the.. Abeer ko Nayra ka yeh bachon wala roop boht pyara lagta hai.. aur usse bolne se pehle sochna bhi nhi pad rha tha, varna jab vo pehli baar usse mila tha.. toh vo kafi soch-samjh kar bol rha tha kyon ke usse pta tha ke Nayra thode rude nature ki hai..
Han!!
Abeer usse jaanta tha...
Library mein milne se pehle hi vo usse jaanta tha..
Tabhi toh vo usse itna pasand karta tha..
Abeer Nayra se boht sawaal karta hai.. par Nayra ko uske kisi bhi sawaal ka jawaab kaise dena tha!! Nhi maloom tha..
Yeh sab dekhte huye Abeer samjh jata hai.. ke Nayra par compelling ka nhi balke black magic ka asar tha...
Kyon ke jis din vo usse mila tha.. toh vo theek thi..
Aur aisi compelling ka usse koi idea nhi tha ke saamne vala bilkul bacha hi ban jaye..
Mtlb uss par kale jadu ka asar tha.. uski soch bhi bachon jaisi ho rhi thi.. iss wajah se usse kisi bhi baat ka jawaab nhi aa rha tha...
Estado de energía semanal
-- Ranking de
Poder 
-- Piedra de
Poder