Capítulo 289: President Hanada- Side Story

"Thud! Sinipa ni Tony [leader ng Elite Group] si President Hanada sa tadyang. "Tayo! May gustong kumausap sa iyo." Aniya ng leader.

Dahan dahang iminulat ni President Hanada ang kanyang mata at tumingin lang ng walang ka emosyon emosyon kay Tony. Mabagal itong tumayo dahil ilang araw pa lang ang nakaraan simula sinubukan niyang mag pakamatay. Sa kasawiang palad, hindi niya ito natupad dahil napigilan siya ng taong nagbabantay sa kanya ng araw na iyon.

Anim na buwan na rin siyang nakakulong at wala siyang alam kung ano ang balak sa kanyang gawin ng sinumang nagkukulong sa kanya.  Wala siyang balita kung natupad and kanyang binalak na pagpatay kay Tanaga or hindi.

Hindi niya rin alam kung hinahanap ba siya ng kanyang pamilya, or inisip na tumakas siya at nagtatago. Dahil nawalan na siya ng pag asa na makalaya pa, mas minabuti niya na umisip ng paraan upang tapusin na ang kanyang paghihirap.