Capítulo 284: Nagselos Ang Kanyang Puso

Nang umuwi si Tanaga the night before tinawagan niya si Jeff para humingi ng payo kung tama ba ang balak niyang gawin? Kararating lang ni Jeff galing sa business meeting at balak sana niyang maligo bago kumain at maagang matulog.

Pero nang marinig niya ang boses ng kaibigan na mukhang problemadong problemado, minabuti nya na puntahan si Tanaga sa bahay niya at ng magkausap sila ng personal.

Nang dumating si Jeff sa bahay ni Tanaga, nakaupo ito sa harapan ng laptop at nanunuod ng isang video. Pero mabilis nitong isinarado ang laptop, kaya hindi nakita ni Jeff kung ano ang pinanunuod ni Tanaga.

"Ano itong sinasabi mo na balak mong magpangap na ikaw si Tanaka? Bakit mo naman naisipan itong gawin?" Tanong ni Jeff habang papalapit kay Tanaga.