Capítulo 599: Mahabang panahong walang pagkikita, mahal ko (10)
Editor: LiberReverieGroup
Habang pinakikinggan ni Qiao Anhao ang doot-doot-doot mula sa naputol na
tawag ay bigla siyang napakunot ng noo. Dahan dahan niyang ibinaba ang
kanyang phone mula sa tenga niya para tignan ang kanyang Weibo. Kagaya
ng sinabi ni Zhao Meng, ang top searched ay hindi nga patungkol sa Chinese
New Year kundi sakanilang dalawa ni Lu Jinnian.
Apat na buwan na simula noong nag'lie low si Lu Jinnian. Sa kasalukyan,
wala naman itong bagong proyekto at hindi rin ito humaharap sa media kaya
sa ngayon ay mababa talaga ang exposure nito. Samantalang siya naman ay
walang ibang pinagkakaabalahan kundi ang pagfifilm ng Heavens Sword.
Wala siyang maalalang kahit anong scandal niya na pwedeng maging dahilan
ng kanilang pagiging headline. Ano naman kayang nangyari?
Binuksan ni Qiao Anhao ang searched topic na "Lu Jinnian at Qiao Anhao" na
punong puno ng pagtataka. Hindi nagtagal, nakita niya ang post na nagsasabi
"Ang best screen couple sa taong ito ay napunta sa supporting male at
female ng Alluring Times!" Ito ang kauna-unahang pagkakataon na napunta
ang best screen couple sa supporting roles imbes na sa may lead. Hindi
nakapagtataka na si Lu Jinnian nanaman ang best actor. Pero para sa
kababaihan, ang tinaguriang queen of movies na si Song Xiangsi ay napalitan
ng bagong alaga ng Huan Ying Entertainment na si Qiao Anhao."
Sa ilalaim ng article ay may naka'pin na link. Noong buksan niya ito ay
sumalubong sakanya ang resulta ng mga boto.
Ang tamabalan nila ni Lu Jinnian ay lamang ng thirty million kumoara sa
tambalan nina Chen yang at Song Xiangsi.
So ito pala ang gustong ipakita sakanya ni Zhao Meng.
Ito ang pinangarap niya simula noong pumasok siya sa entertainment
industry. Alam niyang hindi sila pwedeng magkatuluyan ni Lu Jinnian sa tunay
na buhay, kaya gusto niyang mangyari sakanya ang nangyari kay Song
Xiangsi, na maging fantasy couple sa internet. Kapag naalala siya ng mga
tao, maalala rin ng mga ito si Lu Jinnian at kapag naalala naman ng mga ito
si Lu Jinnian, maalala rin siya ng mga ito.
Pero hindi niya naisip na pwede pala talagang magkatotoo ang kanyang
pangarap sa pelikulang "Alluring Tomes." At ngayon, sila pa ang napiling best
screen couple of the year.
Nakatitig lang si Qiao Anhao sa voting page kung saan ang litratong ginamit
ay noong naghalikan sila ni Lu Jinnian sa set ng "Alluring Times." Hindi niya
na napigilan ang kanyang sarili at tuluyan ng bumuhos ang kanyang mga
luha. Habang nakahawak ng mahigpit sakanyang phone, sumalampak siya sa
semento at sumandal sa poste. Noong mga sandaling 'yun, tuloy tuloy lang
ang kanyang pagiyak.
Ginawa niya ang lahat para matupad ang kanyang pangarap para Lu Jinnian,
pero ngayon na nagkaroon na ito ng katuparan, wala naman si Lu Jinnian sa
tabi niya.
Lu Jinnian, mahal ko. Nasaan ka na ba?
Alam mo ba… na miss na miss na kita?
-
Matagal ng pumasok sa loob ng bahay sina Qiao Anxia at Chen Yang pero
hindi pa rin bumabalik si Qiao Anhao. Maya maya pa ay hinanap na ito ni
Mrs. Qiao kaya agad na tumayo si Qiao Anxia para hanapin ang kanyang
pinsan.
Pagkarating niya sa front door, may narinig siyang umiiyak. Bigla siyang
natigilan sa paglalakad dahil alam niyang mula 'yun kay Qiao Anhao.
Kinabahan siya kaya gusto niya sana itong puntahan para tanuningin kung
anong nangyari, pero noong gagawin niya na ito, may narinig siyang
pangalan na paulit ulit nitong sinasabi.
Kahit na hindi masyadong maintindihan ang sinasabi ni Qiao Anhao dahil
umiiyak ito, nasundan pa rin ito ni Qiao Anxia – Lu Jinnian.
Para kay Qiao Anxia, ang dalawang salitang iyon ay maihahambing sa isang
sumpa dahil sa tuwing naririnig niya ito ay naalala niya ang napaka lungkot,
gwapo, at supladong lalaki na pumunta sa café sa ibaba ng Qiao Enterprise.
Noong araw na nakita siya nito, bakas ang pagkadesperado sa itsura nito
habang nagtatanong kung nasaan si Qiao Qiao. Nang hindi ito nakukuha ng
sagot, naghintay ito sa labas ng bahay ng mga Qiao sa loob ng tatlong araw
at tatlong gabi…
Noong mga sandaling iyon, parang biglang naging estatwa si Qiao Anxia at
hindi siya makagalaw kahit kaunti.
Iniiyakan ba ni Qiao Qiao si Lu Jinnian? Ibig sabihi… gusto nito si Lu Jinnian?
Regalos
-- Regalo
recibido Estado de energía semanal
-- Ranking de
Poder 
-- Piedra de
Poder