Capítulo 266: Kakanta Ba Si President Mo？

Sa ilalim ng maliwanag na ilaw, inilingon ni Tangning ang kanyang ulo at sumulyap kay Mo Ting. Ito ang pinakamapangyarihang hari ng entertainment industry, ang kanyang asawa, ay kasalukuyan siyang tinitingnan nula taas pababa na may mga tingin ng paghanga.

Nagtatakang tiningnan ni Tangning si Mo Ting. Nang akmang tatanungin na niya iyo, unang nagsalita si Mo Ting, "Mayroon akong magandang balita na may kinalaman sa iyo…"

"Huh?" tumingin si Tangning na nagtatanong kay Mo Ting habang kinakagat niya ang ibabang bahagi ng kanyang bibig.

"Ang world – class designer na si Claude N. ay nagpadala ng imbitasyon sa Hai Rui. Gusto nila na dumalo ka sa paglulunsad nila ng kanilang bagong produkto," paliwanag ni Mo Ting, "Dapat mong malaman na kakaunti lamang ang taong nakakakuha ng atensyon ng mga world – class designers. Sa buong Asya, isa ka na ngayon sa mga taong iyon…"

Claude.N...

Nagulat si Tangning, "Paano ito naging posible?"