Capítulo 1605: Isang Hindi Kapuri-puring Paglalaro

"Masyadong maganda ang kondisyon ni Du Ming ngayon. Mag-ingat ka, ah." Sabi ni Ye Xiu kay Fang Rui.

"Mas maganda pa ang kondisyon niya kaysa sa sakin?" Naiinis na sabi ni Fang Rui.

"Haha." Napatawa naman si Ye Xiu.

"Anong ibig sabihin niyang pagtawa mo, ah?" Nararamdaman ni Fang Rui ang panghahamak ni Ye Xiu sa kaniyang pagtawa.

"Ikaw ang may pinakamalaking sahod sa aming lahat, galingan mo naman." Sabi ni Ye Xiu.

"Peh!" Hindi mahuhulog si Fang Rui sa patibong ni Ye Xiu. Tumalikod siya't nagtungo na sa entablado.

Pero ang kaniyang aksyon ay hindi bumabagay sa kaniyang iniisip. Tama nga naman si Ye Xiu. Siya ang manlalarong may pinakamalaking sweldo sa kanilang Team. Pero simula noong nagsimula na ang playoffs ay ano ba ang mga nakamit niya para sa Team?