Capítulo 1189: Ghost Chaining

Sa likuran?!

Namutla si Zhou Yebai sa gulat matapos makita ang mensahe na ito. Kaagad niyang pinatalikod ang kaniyang Rangoon Creeper.

Sa kasamaang-palad ay nakatuon sa labanan si Qiao Yifan. Wala siyang panahon na makipagbiruan, dahil dito ay tahimik na inikutan niya si Rangoon Creeper. Sa mga panahong naipadala na niya ang mensahe na ito ay papunta na sa kaniyang kalaban ang armas ni One Inch Ash.

Moonlight Slash!

Kadalasang hindi naglalagay ng maraming mga skill points ang mga Phantom Demon sa mga skill na ginagamit nila asa pag-atake. Hindi rin naman ang paglapat ng pinsala ang hangarin ni Qiao Yifan sa atake na ito. Isang pambungad na atake lang naman ito para masimulan ang labanan.

Bukod na lamang kung mayroong isang Super Armor ang kalaban ay magagawang istorbohin ng atake na ito ang kaniyang kalaban. Ginawa ito ni Qiao Yifan dahil kadalasang nagsisimula ang mga sunod-sunod na atake sa mga maliliit, at mahihinang mga atake.