Capítulo 1026: Kalabanin ang Lakas Gamit ang Lakas

Hindi pa nakakabalik sa sarili nilang katinuan ang mga manonood, dahil sa nangyaring pambihirang labanan sa pagitan nina Ye Xiu, at Sun Xiang. Nagsimula na ang susunod na labanan, pero tahimik pa rin ang buong istadyum.

Gayunpaman, hindi maapektuhan ng kanilang katahimikan ang mga manlalarong maglalaro sa entablado. Sa mga panahong pinasok na nila ang silid na kung saan sila maglalaro ay naging isa sila sa kanilang mga karakter.

Ito ang mentalidad na kasalukuyang nasa kanilang mga isipan sa panahong nasa loob na sila ng mapa na kung saan sila maglalaban.

Ang karakter ni Shen Jian ay isang Striker na purong opensiba ang katangian. Ito'y kagaya sa Berserker ni Sun Zheping na si Another Summer of Sleep. Ang armas ng Strike ay ang kanilang mga katawan, kaya sila ang mayroong pinakamaikling Attack Range kung ikukumpara sa ibang mga class ng Glory.