Capítulo 96: Dahil Nagkakamali Ka

Nagulat rin si Liu Hao. Malinaw na parang hindi siya makapaniwala sa kaniyang nakikita. Pagkatapos ng matagal na sandali, siya'y nakarekober at kaagad na ngumiti.

"Anong napakagandang pagkakataon. Tunay na ikaw pala yan, Kuya Ye. Kuya nandito ka bilang isang... Cafe manager?" Pagulat na sinabi ni Liu Hao na may halong pangmamaliit.

"Yup!" Tumawa si Ye Xiu.

"Oh oh, kamusta na? Mahirap ba? Magkano ang kinikita mo kada buwan?" Tinanong ni Liu Hao na para bang lubhang nag-aalala siya kay Ye Xiu.

"1800!" Sagot ni Ye Xiu. Sa Internet Cafe ni Chen Guo, halos lahat ng mga empleado'y may buwanang sweldo na 1500 Yuan kasama na ang pagkain at matutulugan. Para sa mga kagaya niyang kakasali pa lang, ang kaniyang sweldo'y matatawag na maganda na. Kumikita ng dagdag na 300 si Ye Xiu dahil siya'y full-time para sa night shift.