Capítulo 813: Walang Utang na loob na Disipulo, Dalian mo at Magbigay galang ka sa Iyong Grandteacher!

"Dragon Scale Grass nga 'to. Nagkamali tayo!"

Pagkalipas ng ilang oras, nagsalita si Ouyang Cheng nang may mapait na ngiti sa kanyang mukha.

Bilang isang kilalang apothecary sa Tianxuan Kingdom, siya ang nagtuturo sa iba mula noon. Hindi niya inaasahan na siya ang tuturuan ngayong araw!

"Dahil ito ay ang Dragon Scale Grass, ikaw lamang ang tanging nakapasa sa ikalawang bahagi, ang Medicinal Herb Discernment Time Trial. Hangga't ang cultivation realm mo ay nasa Zhenqi realm pinnacle o higit pa, isa ka nang opisyal na apprentice apothecary!"

Nang marinig niya ang mga salitang ito, halos maiyak na si Sun Tao.

Malamang isa siya sa pinaka masaklap na kandidato sa pagsusulit. Ang kwalipikasyon niya bilang isang apprentice apothecary ay kinansela sa loob lang ng sampung minuto pagkatapos itong igawad sa kanya, at ipinasa ito sa iba…