Capítulo 153: Kumain Ka Pa rin Kahit Busog Ka Na (Naghahanap)

"Totoo ang sikretong manual, pero ang pinakamahalagang bahagi nito ay sinira ng kung sinuman at naiwan ang isang kulang na bersyon nito. Ito ang dahilan kung bakit ka nagkaganyan!" Pagkatapos nito ay hindi na pinatagal ni Zhang Xuan ang usapan. "Sige, magsasagawa tayo ng acupuncture para malutas ang lihim na problema ng katawan mo!"

"Opo!" Nagmamadaling umabante si Du Miaoxuan.

Pinihit ni Zhang Xuan ang kanyang kamay at lumabas ang isang karayom na pilak. Pagkatapos ay pinitik niya ang kanyang kamay at diretsong lumipad ang karayom kay Du Miaoxuan.

Sinisiwalat lamang ng Library of Heaven's Path ang mga simpleng impormasyon at ang mga kamalian ng isang tao; hindi nakasulat ang mga paraan para malutas ito. Pero ang problema ni Du Miaoxuan ay halos kahalintulad ng sa asawa ni Ling Tianyu na mayroong mga bara sa kanyang mga meridian. Dahil dito ay hindi nasagawa ng dugo ng Snow Wolf ang tunay na gamit nito.