Capítulo 92: Sumuko Ka Na Lang!

"Isalaysay ang iba't ibang klasipikasyon ng Green Leafed Grass at ang natatanging katangian ng Gray Earth Flower…"

"Gaano karaming mga halamang gamot ang pwedeng ihalo aa Swineheart Leaf…"

…

Punong-puno ng mga tanong ang papel ng pagsusulit. Gaya ng sinabi ng receptionist na si Wen Xue, lahat ito ay may kinalaman sa mga halamang gamot.

"Hanapin!"

Nang makita niya ang mga tanong, umigkas ang isipan ni Zhang Xuan. Iba't ibang libro ang lumipad mula sa mga lalagyan at huminto sa harapan niya at bumukas.

"Ang Green Leafed Grasses ay may iba't ibang tangkay at maiuuri sa mga kulay lilang tangkay, mga dilaw na tangkay at mga itim na tangkay. Ang mga natatanging katangian naman ng Gray Earth Flower ay…"

Habang binabasa niya ang mga nilalaman ng mga libro sa isipan niya, mabilis na kumilos ang mga kamay ni Zhang Xuan upang sagutan ang mga tanong.