Kapitel 207: Magpadala Sa Cheng Tian Ng Isang Contact Termination Letter

"Sino ang gusto mong maging manager?" pabalik na tanong sa kanya ni Mo Ting.

Iniling ni Tangning ang kanyang ulo; mayroon siyang ganap na tiwala sa Hai Rui. Dahil sa kanyang kasalukuyang istado, walang makapagsasabi na hindi siya kwalipikado na pumunta sa Hai Rui, pero sa loob ng ahensya, siguradong hindi mataas ang kanyang ranggo.

Pasekretong ngumiti si Mo Ting nang hindi nagbibigay ng sagot kay Tangning. Sinamahan lang niya ito papunta ng kwarto nila at tinulungan ito na makapagpahinga sa kama, "Sa ngayon, huwag ka munang mag - isip ng kahit ano. Magpahinga ka muna, iangkop mo muna ang sarili mo sa pagkakaiba ng oras at hintayin mo ako na umuwi galing sa trabaho ... dahil sa nakaiskedyul ka naman talaga na umuwi bukas, bakit hindi mo ituring na bakasyon mo ang araw na ito."

Humiga si Tangning sa kama habang hawak ang kamay ni Mo Ting, "Ayos naman ako. Huwag ka nang mag - alala sa akin."