Kapitel 856: Ikaw Ay Isang Himala

"Tila marami kang natutuhan mula ng magtrabaho ka kay Tangning." Pumasok si Quan Ziye sa apartment ni Lin Qian at nag umpisang analisahin ang lugar. "Ngunit, huwag mong kopyahin ang paraan ng pakikiharap niya sa tao. Kaunti lamang na tao ang makakatanggap nito."

"Lubos na tinatanggap iyon ni President Mo," matalim na tingin ni Lin Qian habang sumasagot.

"Ilang Mo Ting sa palagay mo mayroon ang mundong ito?" tanong ni Quan Ziye habang humaharap at nagtaas ng kilay.

"Mayroon akong event na pupuntahan bukas, kaya kailangan kong maagang magpahinga ngayon. Sigurado ka bang hindi ka pa uuwi?" tila sinusubukan ng itaboy na ni Lin Qian si Quan Ziye. Kahit pa hindi pa niya lubusang tinatanggihan si Quan Ziye, wala pa siya sa estado kung saan lubos na niyang tinatanggap ito.

Tinitigan ni Quan Ziye si Lin Qian ng ilang sandali at biglang nagsalita ito sa seryosong tono, "Haharapin ko ang aking ina, OK?"