Kapitel 316: Sino Ang Makukulong?

Nang matapos ang meeting nila Ashley at Celia, bumalik na sa trabaho si Celia na may isang napakalaking ngiti. Habang si Ashley at Sato naman ay excited din at nagpaplano na kung ano ang kanilang gagawin.

"Ma'am, pwede ba nating isama si Fumika? Kawawa naman eh' dahil wala ang pamilya niya dito at nagiisa lang siya sa hotel. Kung isang linggo tayong mawawala, eh' di ano ang gagawin niya?" Pakiusap ni Sato sa amo habang ang mukha ay nakakaawa.

"Hahaha! Kahit hindi mo e-request sa akin, balak ko talagang isama siya. Kung ikaw lang ang aasahan ko, ewan ko na lang. Baka mamaya pag dating natin sa Florida, kung saan saan kang nightclub mag limayon. Hahaha!" Masaya at napaka gandang ngiti ang nasa mukha ni Ashley ng dumating sila sa opisina niya.

Pagkapasok nila sa reception area ng office ni Ashley, sinalubong sila ni Fumika na namumutla ang mukha at halatadong ninerbiyos.