Kapitel 34: Kabanata 34: Pagpapalawak ng Layunin
Kabanata 34: Pagpapalawak ng Layunin
Kinabukasan, muling nagpatawag ng meeting si Mon kasama ang buong grupo. Sa gitna ng kanilang umuunlad na sistema sa Hilltop Compound, napansin nila ang mabilis na pagdami ng kanilang bilang. Kasabay nito, naging malinaw na ang kanilang mga pangangailangan ay higit pa sa kasalukuyang suplay na kanilang natutustusan.
"Dumadami na tayo," panimula ni Mon, tinitingnan ang bawat isa. "Kailangan na nating doblehin ang ating effort sa paghahanap ng suplay. Sa mga magtitira naman dito, subukan nating magtanim ng gulay sa loob ng compound. Ang goal natin, magkaroon ng sarili nating pagkain para hindi na tayo laging umaasa sa paghahanap sa labas."
"Tama," dagdag ni Joel, nakapamewang habang pinagmamasdan ang mapa sa kanilang mesa. "Plano namin ni Mon na palawakin ang ating teritoryo. Magiging malaking tulong kung makakahanap tayo ng buhay na manok o iba pang hayop na maaari nating alagaan. Magkakaroon tayo ng mini-farm para sa mga gulay at alagang hayop."
"Magandang plano 'yan," sabi ni Monchi, nakaupo sa tabi habang hinigpitan ang bandana sa ulo. "Lalo na kung magtatagumpay tayo sa pagtatanim. Mas okay kung may sariwa tayong nakakain. Puwede rin tayong magtanim ng mga medicinal plants na magagamit natin."
"Pero," patuloy ni Mon habang tinuturo ang paligid ng kanilang mapa, "kailangan nating maghanap ng lugar na malapit dito para gawing extension ng compound natin. Hindi puwedeng dito lang sa loob ng Hilltop. Ang espasyo natin ay limitado, at baka dumami pa tayo sa mga darating na araw."
Tumango si Rina at Jessica na parehong abala sa pag-aayos ng kanilang mga dala. "Sama kami sa planting team," sabi ni Jessica. "Kahit papaano, may alam ako sa pagtatanim."
"Kami ni Joel ang bahala sa paghahanap ng bagong lokasyon," sabi ni Mon. "Mag-iikot kami mamaya para mag-survey ng mga lugar na pwedeng gawing extension. Sa ngayon, magsimula na ang iba sa paglilinis ng espasyo para sa mga pananim."
"Siguradohin lang natin na secured ang bawat galaw natin," paalala ni Joel. "Kahit wala pang napapansin na malaking grupo ng zombies malapit dito, hindi tayo dapat maging kampante."
Nagpatuloy ang talakayan ng grupo, naghahati ng gawain at nagtatalaga ng mga lider para sa bawat misyon. Habang abala sila, unti-unting nagiging malinaw ang layunin ng bawat isa: hindi lang basta mabuhay kundi lumikha ng bagong sistema ng pamumuhay sa gitna ng krisis.
Sa hapon, sinimulan na ng planting team ang paglilinis ng bakanteng lupa sa loob ng compound. Gumamit sila ng mga improvised na gamit mula sa kanilang naipon na supplies. Samantala, si Mon at Joel, kasama sina Jake at Andrei, ay naghanda para sa kanilang exploratory mission.
"Ang plano natin ay simple," sabi ni Mon habang inaayos ang strap ng kanyang bag. "Hanap tayo ng lugar na malapit, malinis, at madaling idepensa."
"Kapag nahanap natin 'yun," dagdag ni Joel, hinahawakan ang baril niya, "magiging self-sufficient tayo. At mas titibay ang future ng grupo."
Sa bawat hakbang na kanilang ginagawa, isang panibagong yugto ng pag-asa ang nagbubukas para sa Hilltop Compound. Ang kanilang pangarap: isang ligtas, masagana, at maayos na komunidad sa gitna ng kaguluhan ng mundo.
Wöchentlicher Energiestatus
-- Power-
Rangliste 
-- Power-
Stein