Kapitel 278: My Birthday Present To You (18)
Redakteur: LiberReverieGroup
Tulog pa si Qiao Anhao nang magising si Lu Jinnian kinabukasan. Dahan-dahan siyang naghanda papasok ng trabaho para siguraduhing hindi ito maiistorbo.
Noong nasa may pintuan na siya, muli siyang sumilip kay Qiao Anhao at napansin niyang mahimbing pa rin ang tulog nito. Medyo matagal din siyang nakatitig dito bago maglakad pabalik sa kama. Habang pinagmamasdan niya ito, unti-unti siya yumuko para halikan ito sa ulo bago niya inayos ang kumot nito. Masaya siyang naglakad palabas ng kwarto.
Habang hinahanap niya ang susi ng sasakyan sa kanyang bulsa, naramdaman niya ang isang box na sinadya niya talagang dalhin noong umagang yun. Nang makaupo na siya sa loob ng kanyang sasakyan, napahinto muna siya bago tanggalin ang tie clip sa box nito. Tumingin siya sa rear mirror para ikabit ang clip at saka siya tuluyang nagdrive paalis.
Mag aalas onse na ng umaga noong nagising si Qiao Anhao pero dahil medyo late na siya nakatulog kagabi, parang inaantok pa rin siya. Iminulat niya ang kanyang mga mata bago umikot para yakapin ang kumot dahil sa gusto niya sanang matulog ulit. Pero halos kalahating minuto palang siyang nakapikit, bigla siyang napabangon dahil naalala niya ang kanyang mga plano.
Tinignan niya ang oras at nagmadaling naghanda ng kanyang sarili.
Nakapaghanda na si Madam Chen ng lunch noong bumaba si Qiao Anhao. Kumain ng mabilis siyang at agad na hinila si Madam Chen sa taas para tulungan siyang magpahangin ng mga lobo na ipangdedecorate niya sa kwarto.
Itinabi niya ang mga flower racks na nasa balcony at sa tulong ni Madam Chen ay inarrange nila ang mga kandilang kanyang binili.
Kahit na simpleng "Happy Birthday Lu Jinnian" lang ang ginawa nila, inabot pa rin sila ng dalawang oras bago matapos.
Pagkatapos idecorate ang kwarto, muli niyang tinignan ang buong paligid para iinspect ang mga dekorasyon. Nang makuntento na siya, muli niyang tinawag si Madam Chen para tulungan siyang ibaba ang mga baking supplies sa kusina.
Simula pagkabata ni Qiao Anhao, hindi talaga siya naglalagi sa kusina, kaya hindi pa rin talaga niya nararanasang magbake ng cake. Ito ang kauna-unahang pagkakataon sa buong buhay niya na gagawin niya ito kaya sobrang challenging talaga nito para sakanya. Buti nalang, experienced si Madam Chen pagdating mga mga ganitong bagay kaya sa tulong nito, nakapagbake siya ng isang simpleng cheese cake.
Noong lumamig na ang cake, inumpisahan niyang lagyan ito ng buttercream habang inuutusan si Madam Chen na humiwa ng mga sariwang prutas na ilalagay niya dito. Ang pinaka huli niyang ginawa ay nagsulat siya ng halos hindi na mabasang 'Happy birthday' gamit ang pulang cream sa isang bakanteng space sa gitna.
Tinignan ng mabuti ni Qiao Anhao ang cake, hindi niya pa alam kung anong lasa nito pero pasado naman na sakanya ang itusara nito. Nang makuntento na siya sa kanyang ginawa, itinago niya ito sa freezer.
Nakangiti si Madam Chen habang nagliligpit. "Mrs. Lu, siguradong matutuwa si Mr. Lu sa surprise mo!"
Masayang ngumiti si Qiao Anhao habang tinitignan sa freezer ang cake na kanyang ginawa. Tumingin siya kay Madam Chen at sinabi, "Madam Chen, bakit hindi ka kaya muna magday'off ngayon? Pwede kang bumalik bukas ng hapon."
Agad na naintindihan ni Madam Chen ang gusto niyang sabihin. "Sige, sige! Paano ko ba makakalimutan yan! Kung birthday ni Mr. Lu, malamang ayaw niyong maistorbo. Aalis na ako kaagad pagkatapos kong magligpit."
Nahihiyang ngumiti si Qiao Anhao. "Salamat Madam Chen."
Ikinaway lang ni Madam Chen ang kanyang kamay habang mabilis na nagliligpit bago ito umalis.
Geschenke
-- Geschenk
erhalten Wöchentlicher Energiestatus
-- Power-
Rangliste 
-- Power-
Stein