Kapitel 1: ESA KYU KIYA :Chapter.1
ESA KYU KIYA…. Chapter..1
Delhi ke sabse bade 5 star hotel ke ek kamre me ek Ladki jiska naam Sweta tha..
Sweta bahut Jaada dari hui thi uska pura sharir kaanp raha tha.
Tabhi Achanak kisi ne uska darwaja khat-khataaya.
Darwaaja khat khataane ki Aawaj sun kar Sweeta pasina-pasina ho gai.
Usne Aawaj lagai ki Baahar kon hai.
Par koi jawaab nahi de raha tha.
Fir Sweeta Darte-kaanpte Darwaaje tak gai.
Or jaise hi usne Darwaaja khola To deakha ki baahar 5 star ka ek Waiter khada hai uske haath me ek Plate tha vo dhaka hua tha.
Sweeta gusse se boli ki Tamse mene koi khana order nahi kiya to tum khaana kyu laaye ho.
Waiter ne jawaab diya ki Medam mujhe pata hai ki aapne khaana order nahi kiya hai. Ye khaana to kisi ne Special aapke liye behjwaaya hai.
Sweet ne pucha ki kisne bhejwaaya hai.
Waiter ne bola mujhe nahi pata vo kon tha.
Sweeta bahut Dari hui thi isliye use kuch samaj nahi aa raha tha. Usne turant Waiter ke haath se khaana liya or boli ke Ab tum jaao yaha se. Fir joor se darwaaja band kar ke andar se lock kar diya.
Andar baith kar sweeta ne jaise hi Plate ke uper se dhakan hataya to usne deakha ki plate me uske man pasand ki dish thi or Ek Letter tha.
Sweeta ne us letter ko utaya or jaise hi khola. Uski Saanse tham si gai. Vo ek kone me Baith kar joor joorse Roone lagi.
Us Letter me Likha tha.
(ESA KYU KIYA)
Aakhir Esa kya hua tha sweeta ke saath.
Kya koi use jaan se maarna chahta tha.
Ya fir vo kisi se Dar ke bhaag rahi thi.
Aakhir Sweeta us letter ko padhne ke baad itna kyu dar gai thi.
Hello Doston Mera Naam Avinash Tiwari hai.
Aur Aaj me aapke liye ek nai kahani laaya hu. To Cahliye Jaante hai ki Letter me
ESA KYU KIYA. Padhte hi Sweeta itna kyu Dar gai..
Lakhnaw ke Sabse bade college me Ek ladka jiska naam Nikhil Tha.
Nikhil Bahut sharif ittzatdaar or Sidha-saadha ladka tha.
Use Ladai Jhagda bilkul pasand nahi tha.
Nikhil Lakhnaw ke Sabse Bade businessman ka Beta tha.
Isliye Use Apni zindagi me kisi chiz ki tension nahi thi.
Uske paas itna paisa tha ki vo jo chahe kar leta tha.
Nikhil ke Mom Dad bhi Nikhil se bahut pyar karte the Kyuki Nikhil unka ekluta Beta tha.
Nikhil ke Dad ne Nikhil ke Naam pe Karodo ki Property kharid liya tha Or Arbo Rupaye uske Bank Account me the..
Nikhil jab bhi college jaata tha to Apni luxury car se jaata tha.
Or college me sab log nikhil ki bahut respect karte the.
Vo Hameesha ki tarah college se ghar Aata or Ghumta-firta mauj karta tha.
Uski life bahut Hi Acchi chal rahi thi.
Vo Bahut khush tha apni life me.
Fir Ek Din Jab Nikhil college se ghar aa raha tha to raaste me usne deakha ki 4 Ladke Ek Akeli Ladki ko Cheed rahe the.
Or vo ladki unke aage Haath jood ke Roote hue bol rahi thi ki Please Mujhe chood do. Mujhe jaane Do..
Ye sab deakh kar Nikhil ne turant Apni car rooki Or waha chala gaya.
Nikhil ko deakh kar Ek Ladka bola ki Jaa yaha se nahi to bahut maar khaayega.
Nikhil sidha-saadha ladka tha isliye vo unse lad nahi sakta tha.
Tabhi dusra ladka us ladki ka haath pakad ke khiich ne laga.
Ye deakh kar nikhil ko gussa aa gaya.
Usne turant uske haath se ladki ka haath chudwaaya Or bola ki Tum log mujhe jaante nahi ho.
Mere Dad yaha ke Sabse Amir Aadmi he Agar me unko Tumhare baare me bata dunga to vo tumhe choodenge nahi.
Fir jaise hi Nikhil ne apne Dad ka Naam bataaya vo Chaaro ladke ghabra Gay.
Fir Nikhil ne jaise hi apna Mobile nikaala apne Dad ko call karne ke liye.
Vo chaaro Ladke Dar ke maare waha se Bhaag Gay.
Nikhil ne Us ladki se bola ki tum mere saath chalo.
To us Ladki ne puccha ki Tum kon Ho.
Nikhil ne Apna Naam bataaya or Us Ladki se Puccha ki Tum kon ho or Tumhe kaha jaana hai chalo me Tumhe Chood deta hu.
Fir Us Ladki Ne Bola Ki mera Naam Sweeta Hai Or Me yehi Paas waale College me Padhti hu Aaj me ghar jaa rahi thi to ye chaaro Ladke mujhe Paresaan karne Lage Me bahut Dar Gai thi.
Nikhil ne Bola ki me bhi to Wahi college me padhta hu par mene kabhi tumhe nahi deakha.
Sweeta ne Jawaab diya ki mene Abhi-Abhi admission Liya hai me yaha Abhi Nai-Nai hu.
Nikhil bola ki Thik he chalo me tumhe tumhaare ghar chood deta hu.
Ye sun ke Sweeta ne Mana kar Diya or boli ki me Akeli Chali jaaungi. me Aaj tak kisi Anjaan ladke ke saath Ase nahi gai hu.
Nikhil ne Kaha ki Tum Daro mat Agar Tum Akeli jaaogi to vo Log fir tumhe pareshan karne Aa jaayenge.
Ab sweeta bhi thoda hick kichate hue Nikhil ke saath jaane ke liye Haa kar Deti Hai.
Dono Car me baith gay.
Sweeta kabhi itni mehngi car me nahi baithi thi isliye vo thoda Nerves thi.
Use Deakh ke Nikhil bola Tum ghabraao mat Aaram se baitho.
Thodi hi dur pe Sweeta ka ghar Aa gaya Or vo Utar ke Nikhil ko Thak you boli fir Byy Bol ke Ghar chali gai.
Nikhil bhi Apne ghar Aa gaya.
Agle Din Nikhil college gaya To Tha Par uska man padhaai me nahi lag raha tha.
Jaise hi College ki chutti hui Nikhil Idhar-Udar Sweeta ko dhundh ne laga ye deakhne ke liye ki kya such me sweeta isi college me padhti hai ya vo jhut bol rahi thi.
Nikhil ne har jagah sweeta ko dhunda par vo use kahi nahi mili.
Fir Nikhil ne soccha ki sweeta ne us se jhoot bola Or ye soch ke vo college se baahar apni car ke paas aa gaya.
Car me Baith ke vo jaise hi college se baahar aaya to usne raaste me Sweeta ko deakha.
Nikhil ne turant Sweeta ko aawaj lagai.
Sweeta ne peeche mud ke deakha to Nikhil usko bula raha tha.
Sweeta Nikhil ke paas Aai or Boli Hy Kaise ho Nikhil.
Nikhil ne Bola ki mene tumhe pura college dhunda par tum kahi nahi mili aakhir tum thi kaha.
Sweeta ne muskurate hue Puccha ki Aakhir tum mujhe kyu dhundh rahe the.
Ispe Nikhil ne jawaab diya ki mene Soocha ki Kal tumne mujhse Jhooth bola ki Tum isi college me Padhti ho islye me tumhe dhund raha tha.
Fir Sweeta ne bataya ki vo abhi college me Nai-Nai hai na islye uski koi dost nahi hai isliye vo college se jaldi nikal aati hai.
Nikhil ne bola ki thik he chalo Ab saath me ghar chalte hai.
Sweeta Nikhil ke saath car me baith ke Ghar chali gai.
Nikhil ek Bahut sidha-saadha ladka tha isliye use Sweeta se baat karna accha lagta tha.
Fir Agle din Nikhil College gaya to usne Deakha ki principal Sweeta ko bahut Daat rahi thi.
Ye deakhte hi Nikhil turant Waha chala gaya.
Nikhil ko deakhte hi Principal ek dum chup ho gai Kyuki Nikhil ke Dad College me sabse jaada Donation Dete the islye principal bhi Nikhil ko kuch nahi bolti thi or Nikhil ki respect bhi karti thi.
Isliye principal Nikhil ko deakh ke waha se chali gai.
Nikhil Sweeta ko Leke Class me chala gaya.
Or ek Bench par Dono Baith gay.
Fir Nikhil ne puccha ki Principal tumhe kyu daat rahi thi.
Sweeta ne Jawaab diya ki Meri Fees Abhi tak jama nahi hui hai isliye vo mujhe Daat rahi thi.
Nikhil ne bola ki tumhe mujhe bataana chaaiye tha na Me tumhaari Fees bhar deta hu.
Itne me Sweeta boli ki Nahi Me tumse paisa nahi le sakti. Me to tumhe Acche se jaanti bhi nahi Hu. Please chale jaao yaha se.
Nikhil kuch nahi bolta hai or waha se chup- chaap chala jaata hai.
Fir chutti ho jaati hai Par Sweeta Bahut Upset rehti hai Kyuki use lagta hai ki Nikhil ko uski baat ka bahut bura laga hai.
Isliye vo jaldi se College ke baahar daudte hue jaati hai Nikhil se milne Par Nikhil Jaa chuka hota hai.
Ye deakh kar Sweeta bahut dukhi ho jaati hai.
Fir vo bhi ghar chali jaati hai.
Raat ho gai thi par Sweeta ko nind nahi aa rahi thi vo bas ye soch rahi thi ki Nikhil To shirf Help karna chahta tha Or Ab Nikhil uske baare me kya soch raha hoga.
Or puri raat Sweeta shirf karvate badalti rahi.
Agli subha sweeta College ke liye nikalti hai or raaste me vo yehi sochti hai ki Aaj me Nikhil se maafi Maang lungi.
Fir vo college me jaake Nikhil ko dhundhne lagti hai. Par Nikhil use kahi nahi milta hai.
Sweeta ek jagah Udaas khadi hoti hai ki Accanak Peeche se Principal Use Aawaj lagati he Or apne Office me bulati hai.
Sweeta Chup-chaap Principal Office me chali jaati hai.
Vo jaise hi Office me ghusti hai principal use Baithne ke liye bolti hai.
Sweeta ko lagta hai ki principal Us se bahut naaraz hai islye usse office me bulaai hai.
Par principal usse bolti hai ki Sweeta Beta Tum Ab Aaram se padhai karo kyuki Tumhaare pure saal ki fees Nikhil ne bhar diya hai.
Ye sun ke Sweeta ekdum Shock ho jaati hai Or Principal se bolti hai ki Aapne Nikhil se fees kyu liya.
Tab principal batati hai ki Nikhil is College ka sabse Amir Ladka hai isliye Hum use Mana nahi kar sakte.
Ye sunte hi Sweeta turant Office se baahar nikal gai.
Tabhi Sweeta ne deakha ki Nikhil baahar hi uska intazar kar raha tha.
Vo turant Nikhil ke paas gai Or boli ki Tumne mera Fees kyu bhara.
Nikhil ne bola ki Mujhe nahi pata Me Bas tumhaari Help karna chahta tha Kyuki me tumhe Apna Dost maanta hu.
Ye Bol ke Nikhil waha se chala gaya.
Fir Jab College ki chutti hui Nikhil college se nikla to usne deakha ki Sweeta uski Car ke paas Uska intzar kar rahi hai.
Nikhil Sweeta ke paas gaya or pucha ki Tum yaha kya kar rahi ho.
Ispe Sweeta ne jawaab Diya ki Kya Ek Dost Dusre Dost ka intazar nahi kar sakti.
Ye sun ke Nikhil Muskuraaya Or bola thik hai chalo Ab ghar chalte hai.
Fir Dono car me baith ke Apne Apne Ghar chale gay.
Nikhil Bahut khush tha Sweeta ki Friendship se.
Fir Jab Nikhil Dinner karne ke liye Apne Mom Dad ke saath Dinning table par Baitha tha Par Uska Dimaag kahi Or hi tha.
Nikhil ke Dad ne pucha ki Beta kya Baat hai Aaj tum bahut khush lag rahe ho.
Nikhil ne Jawaab Diya Ki Pata nahi Dad me kyu itna khush hu Par Me Aaj such me Bahut khush hu.
Nikhil ko khush Deakh ke uske Mom Dad bhi bahut khush the Kyuki unhone use pehale kabhi itna khush nahi deakha tha.
Ab Pata nahi kyu Nikhil ki Rooton ki nind Uud gai. Nikhil ko khud samajh nahi aa raha tha ki use kya ho gaya hai.
Vo Raat bhar shirf Sweeta ke Baare me hi sochta raha.
Fir College me Nikhil Pehle hi jaake Sweeta ka intzar kar raha tha.
Sweeta Bhi Nikhil ko deakh ke khush ho gai. fir Dono College me chale gay.
Nikhil apne class me baitha tha lekin uska man padhai me lag hi nahi raha tha vo Bas apne dost ke saath rehna chahta tha.
Isliye vo ekdam se Utha or Principal Office me chala gaya or Principal se bola ki Please Sweeta ko meri class me Bhej do.
Principal ne bhi esa hi kiya or Sweeta ka class change kar ke Nikhil ke class me kar Diya.
Ab Dono Ek Saath baithne Lage.
Kuch hi Dino me Nikhil or Sweeta Bahut Acche dost Ban gay.
Ek Din Nikhil ne Sweeta se pucha ki Tumhari Family kaha rehti hai.
Ye sun ke Sweeta bahut udaas ho gai.
Tabhi Nikhil ne bola kya hua Sweeta tum Udaas kyu ho gai.
Sweeta ne Bataaya ki Mere mummy Papa ek Car Accident me Maare gay tab se me Haydrabad Apne Chacha-chachi ke saath rehti thi par mujhe padh-likh ke kuch ban na hai isliye me Yahaa Aa gai.
Ye Sun ke Nikhil bhi thoda Dukhi ho gaya or bola ki Tum Abse bilkul Tension mat lo.
Me hu na tumhaare saath.
Uski Baat sun ke Sweeta ko bhi bahut Accha laga.
Ab Dono Saath me hi College Aate-jaate the.
Fir College ka Vacation Ho gaya.
Nikhil ne Tay kiya ki vo Pura vacation Sweeta ke saath hi bitayega.
Sweeta bhi bahut khush thi Nikhil jaise dost ko Paa ke.
Fir Ek din Sweeta ne Nikhil se bola ki.
Nikhil chalo na hum saath me cinema hall me picture deakhne jaate hai.
Nikhil ne bola thik hai me Abhi Do Tickets leke Aata hu.
Nikhil Waha se chala gaya Or thodi Der Me Ticket Le ke Aa gaya Fir Dono Log Picture Deakhne chale gay.
Jab Vo Picture deakh Rahe the to Nikhil ne Deakha ki Vo 4 Ladke Jo Sweeta ko Pareshan karte the vo Bhi wahi Par hai Or Sweeta ko hi deakh Rahe hai.
Fir Unme se Ek Ladka bolta hai ki Deakho Amir Baap ki Bigdi Hui Aulaad.
Ye sun ke Nikhil ko Bahut Gussa Aa jaata hai Or Vo Sweeta ka Haath pakad kar Waha se leke Chala jaata hai.
Sweeta Puchti hai kya Hua Nikhil Tum Cinema hall se Waapas kyu Aa gay.
Nikhil ne bola ki Chalo Hum kal Picture Deakhne Aayenge.
Agle Din Nikhil Fir Se Apni Car me Sweeta ko Bitha ke Cinema Hall ke Baahar Aa jaata hai.
Fir Jaise hi Sweeta Cinema Hall ke Andar jaati hai to Deakhti hai ki pura Hall Khaali hai To Vo Nikhil se puchti hai ki Ye pura cinema hall khaali kyu hai.
Nikhil bolta hai ki mene Pura Cinema Hall Hi Kharid Liya Hai.
Ab Hame Koi Distrub nahi karega.
Sweeta bahut Heyraan ho gai ki Nikhil ne itni si baat ke liye pura Cinema Haa hi kharid liya.
Fir Dono ne Bahut Enjoy kiya or Fir Nikhil Sweeta ko Ek bahut Bade Restorant me Le gaya Or Sweeta ke liye Ek special Dish Order kiya.
Khaana khate hi Sweeta Bahut khush ho gai kyuki usne itna Accha khaana kabhi nahi khaaya tha.
Fir Dono Apne-Apne Ghar chale Gay.
Nikhil Din-Raat Bas Sweeta ke Baare me hi Sochta tha.
Ab Nikhil Sweeta ko Pasand karne Laga tha.
Par Vo Apne Payaar ka izhaar karne me Dar Raha tha use Lag raha tha ki Sweeta Use khaali Apna Dost Samajhti hai.
Isliye vo apne Dil ki Baat Sweeta ko Nahi bata paata hai.
Agle Din Dono Fir milte hai Sweeta Bolti he Ki Nikhil Kal mera Birthday Hai Or Me Bahut khush hu Kyuki Mere Is Birthday pe Tum mere Saath Ho.
Ye Sun ke Nikhil se Raha nahi Jaata Or Vo Sweeta se bolta hai ki mujhe tumse Kuch kehna hai.
Sweeta Bolti hai ki Haa Bolo na kya Bolna hai Tumhe.
Nikhil ko Bahut Dar Lag raha tha Apne Pyaar ka izhaar karne me.
Vo pura Pasina-Pasina ho jaata hai.
Use ase deakh ke Sweeta bolti he ki kya hua Nikhil Tum itne ghabraay hue kyu lag rahe ho.
Nikhil kuch nahi bol Pata hai.
Fir Nikhil Sweeta se bolta hai ki Me Tumhe Kal tumhaare Birthday pe Bataunga.
Isliye Kal tum Redy Rehna me tumhe Lene Aaunga thik hai.
Ye keh ke Nikhil Waha se chala Jaata hai.
Nikhil ko Samajh nahi Aa raha tha ki vo apne pyaar ka izhaar kaise karega.
Agle Din Nikhil Apni Car leke Sweeta ke Ghar Pahunch gaya.
Sweeta bhi Nikhil ka intazaar kar rahi thi.
Fir Nikhil Sweeta ko Car me Bitha ke Seher Ke Sabse Bade Hotel me le jaata hai.
Sweeta Intna bada hotel deakh ke Bahut khush ho jaati hai. Or Nikhil ko Thanks bolti hai.
Jaise hi Sweeta Hotel ke Andar jaane lagti hai Background me Music bajne Lagta hai Or Jaise hi Hotel ka Darwaaja khulta hai Pura Hotel Phoolon se Saja hota hai.
Nikhil batata hai ki Mene Aaj shirf tumhaare liye Pura hotel Book kar liya hai.
Fir Sweeta Bolti hai ki Nikhil Tum Kuch bolna chahte ho na Bolo kya Bolna hai Ab Or Intazar mat karao Bol Do.
Nikhil Apne ghutno par ho ke Apni Aankhe band kar leta hai Or Sweeta Se Bolta hai.
Ki Me Tumse Bahut Jaada Pyaar karta hu.
Pehli Najar se hi tum mujhe Bahut pasad ho. Me tumhaare Saath puri Zindagi rehna chahta hu. I LOVE YOU Sweeta.
Kya tum bhi mujhse pyaar karti ho.
Sweeta Nikhil ko gale laga leti hai Or bolti hai ki Haa Nikhil Me bhi tumse bahut Pyaar karti hu. Tumhaare Saath hi Apni Zindagi Bitana chahti hu.
Ase Hi Dono Apne pyaar ka izhaar kar Dete hai.
Deakhte hi Deakhte Dono ka pyaar Bahut Gehra ho jaata hai vo Ek dusre ke bina Ek pal bhi nahi Reh paate the.
Nikhil Sweeta ke liye kuch bhi kar sakta tha.
Fir vacation khatam ho haya Or College Fir se Chalu ho gaya.
Pehale din Nikhil Sweeta ka uske Ghar ke baahar Intzar kar taha tha.
Lekin Bahut Der intazar karne ke baad bhi Sweeta Gahr se Nahi Nikali.
Isliye Nikhil ko Laga ki Shaayad Sweeta College chali gai hogi.
Or Vo bhi college caha gaya.
Par Use Sweeta college me bhi nahi Mili.
Sweeta ki Teacher ne bataaya ki Sweeta ka Tabhiyat Kharaab hai isliye vo College nahi Aai hai.
Ye Sunte Hi Nikhil Doudta Hua College ke Baahar Jaa ke apni Car me Baith Gaya.
Fir vo Sweeta ke Ghar chala gaya.
Usne Deakha ki Sweeta ko Bahut Tez Bukhaar tha vo Uth Bhi nahi Paa rahi thi.
Sweeta ko Deakhte hi Nikhil uska Haath pakad ke Roone Laga Or Bola ki Tum Chalo Mere Saath.
Fir Vo Sweeta Ko Seher ke sabse Bade Hospital Me Le gaya Or Sabse Specialist Doctors ki Team ko bulwaaya Or Sweeta ka ilaaj karne Laga.
Kuch hi Dino me Sweeta Ekdum Thik ho gai.
Ye Deakh ke Nikhil Bahut khush ho gaya.
Fir Sweeta Roote hue Nikhil ke Paas Aai Or boli ki Nikhil Me Tumhaare bina nahi Reh sakti Please Mujhe Chood ke kabhi mat Jaana.
Nikhil Ne Sweeta Ka Haath pakda Or Bola Ki Ab Tumhe mujhse Koi Alag nahi kar Sakta Me Tumhaare liye puri Duniya Palat sakta hu.
Nikhil Sweeta ke liye Kisi Bhi Had tak Jaa sakta tha.
Ek Din Nikhil Or Sweeta Ghumne Gay the Ek Bahut bade Resort Me.
Dono Ek Table pe Baith ke Ek dusare se Baatein kar rahe the ki Accanak Waha Vo 4 Ladke Fir se Aa Gay Or Un Dono Ko Pareshaan karne Lage.
Tabhi Ek Ladke Ne Sweeta ka Haath pakad liya ye Deakh ke Nikhil ko Bahut Gussa Aa gaya.
Nikhil ne Ek Joor se Mukka Uske Muh pe Maar Diya. Tabhi Baaki saare ladke Nikhil ko Dabooch lete hai.
Sweeta Turant Unke Per pe Gir ke Bolti hai.
Please Mere Nikhil ko Chood Do Ise Kuch mat Karo Please..
Ye Sun ke vo Chaaro Hasne lagte hai Or Bolte hai ki Aakhir Tum Dono ka Rista kya hai.
Tu Ek Sadak Chaap Ladki hai Or Tu Itne Amir Ladke ke saath ghum rahi hai.
Tu iske laayak nahi hai Balki Hamare laayak hai.
Itna sunte hi Nikhil Ko Bahut Jaada Gussa Aa jaata he Vo Apna Haath Per Chudwa ke Unlogo par Toot padta hai.
Vo Chaaro waha se bhaag jaate hai.
Sweeta Bahut roone lagti hai Or Nikhil se kehti hai ki Vo Log such bol rahe the Me tumhaare laayak nahi hu.
Tum mujhse bahut Acche ho.
Itna sun ke Nikhil kuch nahi bolta hai Or Sweeta ka haath pakad ke Car me Bitha deta hai Or bolta hai ki.
Ab se Koi bhi tumhe Garib Nahi kahega.
Vo Sweeta ko Ek Bade se Bank me le jaata hai.
Jaise hi vo log Bank ke andar jaate hai Bank ke saare Employ Seat se khade ho jaate hai or bolte hai ki Sir Aap Yaha..
Koi Kaam tha to Aapko Bolna chahiye tha na Hum aapke ghar Aa jaate.
Nikhil Bolta hai ki Jaldi se Sweeta ke Naam pe Ek Account Khol Do.
Bank Waalo ne Jald se Jald Sweeta ke naam pe Account khol diya.
Fir Vo Dono Waha se chale gay.
Sweeta ko kuch Samajh nahi Aa raha tha ki Nikhil Kya kar Raha hai.
Agli subha Jab Sweeta ki Nind khuli to Uske Mobile pe Ek message Aaya tha.
Usne Jaise hi massage Check kiya to Dang Reh gai.
Nikhil ne Uske Account me Karodo Rupeey Daal Diye the.
Sweeta ye Deakh ke Jaldi se College ke liye taiyaar ho ke Nikal gai.
Or jaise hi vo gahr se Baahar Nikli to usne deakha ko Nikhil Baahar hi Uska intzar kar raha tha.
Vo Turant Nikhil Ke Paas Gai Or Us se Lipat ke Roone lagi Or Boli Ki Mujhe Tumhari Daulat Nahi Chahiye. Mujhe Bas tumhara Pyaar Chahiye.
Nikhil ne Bola ki Ab Mera Is Duniya me Jo bhi he Sab Tumhaara hi to hai.
Ek Raat Nikhil Apne Mom Dad ke Saath baith ke Dinner kar raha tha Tabhi Nikhil ke Dad bolte hai ki Beta Aaj kal Deakh Raha hu ki Tum Bahut Khoye-khoye se rehte ho or Hamse Baat Bhi nahi Karte Kya hua Batao.
Nikhil kuch nahi Bolta hai or Chup-Chaap Dinner karne Lagta hai.
Fir Nikhil ke Dad Bolte hai ki Beta Tumse Ek Baat bolni he.
Mere Ek Dost hai vo Bhi bahut Bade Businessman hai unki Ek Lkluti Ladki hai Jo bahut Acchi hai Mere Dost bol rahe the ki Tum Unki Ladki se shaadi kar Lo.
Ye Sunte Hi Nikhil Ekdum se Khaamosh ho jaata hai Or Dinner Table se Uth kar Apne Kamre me chala jaata hai.
Nikhil ki Mom bolti hai ki Nikhil Bahut sidha ladka hai isliye lagta hai vo Chup-Chaap Sharma ke chala gaya hoga.
Nikhil Apne kamre me Bahut Roone laga Kyuki vo Sweeta ke bina nahi reh sakta tha Vo Sweeta se Itna pyaar karne laga tha ki Usse kuch samajh nahi Aa raha tha ki Ab vo Kya kare.
Bahut Sochne ke Baad Nikhil ne Tay kiya ki Kal Vo Sweeta ko Apne Mom Dad Se milwayega Or Unhe Saari Baat bata Dega.
Fir Agle Din Vo Sweeta ke Paas gaya or Sweeta Ko Sab Bataya Sweeta Bhi Bahut Roone Lag Gai Or Boli Ki Nikhil Agar Tum Mujhse Dur Chale Jaaoge to Me Nahi Jii paaungi Me Mar Jaaungi.
Tabhi Nikhil ne bola ki Esa kuch nahi hoga Dad Ko Hamaare Pyaar ko Accept karna hi padega Fir Chahe jo bhi ho jaaye.
Fir Nikhil Sweeta ko Apne Bade se Ghar me Le gaya.
Nikhil ka Ghar Itna Aalishaan tha ki Usko Deakhte Hi Sweeta Ghabraane Lagi Or Boli ki kya Tumhaare Dad Hamaare Pyaar ko Accept karenge.
Nikhil ne bola ki Unko Accept karna hi Padega.
Fir vo Dono sidha Mom Dad ke Paas chale gay.
Dad ne Sweeta ko deakhte hi Nikhil se pucha ki ye ladki kon hai.
Nikhil ne Dad ko Bataya ki Dad Ye Sweeta Hai Me Is se Bahut Jaada pyaar karta hu Or isi se shaadi karna chahta hu me Iske bina nahi reh sakta.
Ye Sunte hi Nikhil ke Dad Thode Naaraj ho jaate hai Or Nikhil se bolte hai ki Aakhir tumne Is Ladki se pyaar kaise kar liya. Iski kya aukaat hai hamare saamne Tum khud ko deakho or is ladki ko deakho ye Hamare laayak nahi hai.
Me Tumhaari Shaadi Usi Ladki se karunga jo Hamare Hesiyat ke Bara bar Hogi.
Ye Sunte hi Sweeta ka Dil ekdam toot gaya Or vo Rooti Hui Daud kar Ghar Se Baahar Chali Gai.
Nikhil bhi Ekdam Andar se Toot Gaya Uska Dimaag Sunn Pad gaya.
Vo Sweeta ke bina Ek Pal bhi nahi reh sakta tha.
Nikhil jaldi se car me baitha or Sweeta ke Ghar chala gaya.
Ghar Jaakar Nikhil ne deakha ki Sweeta Khud ko Faasi Lagane Jaa rahi thi.
Vo Doudta hua Jaldi se Sweeta ke Paas gaya Or Use Gale se Laga liya Or Bola ki Tum Ye kya kar Rahi Ho.
Sweeta ne jawaab Diya Ki Nikhil Tum Mujhe Bhool Jaao Ye Duniya Hame Kabhi Ek Nahi Hone Degi. Me tumhaare Bina Jii ke kya karugi.
Ye Sun Ke Nikhil Sweeta Se bolta hai ki Ab Agar Bhagwan bhi chahe to Hame Alag nahi kar sakte.
Mere Dad Yehi chahte hai na ki Me apni Baraabri ki Ladki Se Shaadi Karu to Thik Hai Me Aaj Apna Sab Kuch Tumhe De Deta hu Fir Hame Ye duniya Ek Hone se Kabhi nahi Rook Paayegi.
Nikhil ki Baat Sun ke Sweeta Uski Aankhon me Deakh ke Roone Lagti hai Or bolti hai Ki.
Nahi Nikhil Tum Mere Liye Apna Sab kuch kyu Kho Rahe Ho Or Fir Sweeta Nikhil se Lipat ke Roone Lagti Hai.
Nikhil Bolta hai ki Mujhe Dhan-Daulat nahi Chahiye Mujhe shirf tumhaara pyaar chahiye.
Dono Ek Dusre Ko gale laga ke Roone lagte hai.
Fir Nikhil Dheere-Dheere kar ke Apni Saari Daulat Sweeta ne Naam kar Deta hai.
Sweeta ke Paas Ab Bada Bangla Mehnegi Gaadiya Or Bank me Bahut saara Paisa ho jaata hai.
Ab Nikhil ke Paas Sweeta ke Pyaar ke Alaawa or Kuch nahi bacha tha.
Fir Bhi Nikhil Bahut khush tha.
Nikhil Sweeta ko Apne Dad Ke Paas Le Jaata hai Or Dad ko Bolta hai ki Deakho Dad Sweeta Ab Mere Laayak ho gai hai Ab iske Paas Mujhse bhi Jaada Daulat Hai Ab to Aap Hamaare Riste se khush he na..
Nikhil ki Baat sun ke Dad Ki Aakhon se aansu nikal aata hai. Vo Nikhil Ko Bolte hai ki kya Tum such me Sweeta se itna pyaar karte ho.
Haa beta Me Tumhaare riste se Ab bahut khush hu Bas Tum Hamesha Khush Rehna.
Fir Agle Din Nikhil Sweeta ke Saath Long Drive pe Chala jaata Hai.
Nikhil Sweeta ko Ek Hill station le Jaata hai Sweeta Bahut khush rehti hai.
Nikhil Sweeta ko Car chalana bhi Sikha deta hai.
Vo Dono Apne Ek Alag hi duniya me kho jaate hai.
Sweeta Nikhil ko ek bahut bade jewellery shop me le jaati hai or Ek Diamond Ka Esa Loket Banwaati hai Jiska ek Hissa Nikhil ke Paas rehta hai Or dusra Hissa Sweeta ke paas Rehta hai.
Fir Vo log restaurant me jaate hai khaana khane ke liye. Sweeta pura restaurant book kar leti hai apne liye.
Nikhil Background me Vo hi Music Lagwaata hai Jo Usne Sweeta ko propose ke din Lagwaaya tha Fir Dono Dance Karne lagte hai Or Bahut Enjoy karte hai.
Ase hi Kai Din Beet jaate hai Or Nikhil Ka Pyaar Badhta hi jaa raha tha.
Ek Din Nikhil ki Mom Nikhil ko Bolti hai ki Beta Tumhe Ab Sweeta se shaadi kar leni Chaahiye Tum Dono Bina Shaadi ke Ase hi Rahoge To Log kya bolenge.
Tabhi Nikhil ke Dad Bhi waha aa jaate hai Or Bolte hai ki Beta Hum Tumhari Shaadi Is Seher ki Sabse Aalishan saadi karenge.
Nikhil ke Mom Dad Bhi Sweeta ko Bahut pasand karne Lage the Kyuki vo Bahut Shaant Or Sidhi Swaabhaaw ki thi.
Mom Or Dad ki baat sun ke Nikhil bhi Bahut khush ho Gaya Or Usne Sochaa ki Ab Use Sweeta ko Shaadi ke liye bol dena chahiye.
Fir Vo Sweeta ke Bangle pe Chala jaata hai Or Sweeta se Shaadi ke liye Bolta hai.
Shaadi ki Baat sun ke Sweeta bahut khush ho jaati hai Or Haa bol Deti Hai.
Agle Din Sweeta Nikhil ke Ghar Aati hai Mom Or Dad se Milne.
Vo Pehle Dono Ka per chu ke Aashirvaad Leti hai.
Mom Or Dad Bahut Khush Hote hai Sweeta ko Deakh ke.
Tabhi Nikhil bhi Aa jaata hai.
Mom Sweeta se Kehti hai ki Beta tum yahi ruko me Abhi Aati Hu.
Fir Thodi Der Baad Mom Waapas Aati Hai Unke Haath me 6 Ekdum Mehnge Heeron ka Haar rehta hai.
Haar Deakh ke Sweeta bolti hai ki Mom Ye sab kya hai.
Mom Batati he Ki beta Ye shagun hai Ye Mene Apni Bahu ke liye hi rakha tha Lo Ab ye Tumhaara hai fir Dad bhi Sweeta ko ek paison se bhara Brief case dete he or bolte hai ki Lo beta ye Hamaara Aashirvad Hai.
Sweeta Roone Lagti hai Or bolti hai ki Aaj Bhagwan ne Mujhe Maa- Baap ka pyaar bhi de diya.
Nikhil ye sab deakh ke bahut khush hota hai.
Fir Mom Batati hai ki Beta mene Pandit ji se Baat kiya Tumhaare saadi ke liye to Unhone Agle Mahine ki pehli Taarikh ko Tumhari Shaadi ka muhraat bataya hai.
Ye sun ke Nikhil or Sweeta bahut khush ho jaate hai.
Ek Din Jab Nikhil subha uthta hai to usne Deakha ki Sweeta ka Diya hua Loket Usnke gale me nahi hai.
Vo Har jagah us loket ko Dhundhne laga par vo kahi nahi mil raha tha.
Nikhil bahut pareshan ho gaya Kyuki vo Sweeta ki Diye hue Loket ko kisi Bhi kimmat pe khona nahi chahta tha.
Tabhi Nikhil ki mom waha Aa gai. Unhonne Nikhil ko Pareshan deakha to Puchi ki kya hua Beta tum kya dhundh rahe ho..
Nikhil ne Bataya ki Mom Sweeta ka Diya Hua Loket kahi nahi mil raha hai.
Mom Ne Bola ki Are Beta Vo Loket mene Rakha hai Shayaad vo Thoda Dheela ho gaya he Isliye vo Mujhe neeche gira hua mila to mene use Almaari me rakh diya.
Ye sun ke Nikhil ke Jaan me Jaan Aai.
Vo turant Almaari khola or Us loket ko Utha ke Fir Pehen liya.
Nikhil ka pyaar is Qadar ho gaya tha ki vo Sweeta ki koi bhi chiz khona nahi chahta tha.
Ase hi kuch Din Or Beet Gay.
Ab Nikhil Or Sweeta ki Shaadi me Shirf 2 Din Bacha tha.
Nikhil Sweeta ke Paas jaata hai Or Bolta hai ki Bas Kuch Pal Or Bacce hai fir Hum Dono saaton Janmo ke liye ek Ho jaayenge.
Fir Nikhil Apne Shaadi ke Taiyaari Karne Lagta hai Vo Apna ghar Apne Haathon se Sajata hai Kyuki vo ye pal hamesha yaad rakhna chahta tha.
Agle Din Nikhil Sweeta ke Paas Jaata hai Or Uska Haath Pakad ke Bola ki Jaan Aakhir vo Pal Aa hi gaya jiska hamne intazar kiya tha.
Fir Sweeta Nikhil ko gale laga leti hai Or Bolti hai ki Mujhe bhi shaadi ki taiyaari karni hai isliye me Abhi jaa rahi hu.
Kal Tum Dulha ban ke Ready rehna me Aa jaaungi Tumhaari Dulhaaniya ban ne ke liye.
Or Sweeta Apne Ghar Chali Jaati hai.
Agle Din Sab Log Shaadi ki Puri Taiyaari Kar Ke Bahut Jaada khush rehte hai Nikhil ke Dad ne seher se bade bade businessman's ko bulaaya tha
shaadi me Har Jagah khushi ka Maahol Tha.
Nikhil ke Khushi ka to thikaana nahi tha Vo Bas Sweeta ka intzar kar raha tha.
Kaafi Time Intazar karne ke baad bhi Sweeta nahi Aai.
Nikhil paresaan ho raha tha.
Nikhil ne Mom Dad se bola ki Meri Sweeta Abhi tak kyu nahi Aai.
Mom Dad ko bhi kuch samajh nahi aa raha tha.
Tabhi Nikhil ne Bola ki Me Abhi Apni Sweeta ko leke Aata hu ye Bol kar Nikhil Chala gaya.
Or jaise hi Nikhil Sweeta ke Ghar Pahucha to Usne Deakha ki Sweeta ke Ghar ka Darwaaje ka Lock Toota hua tha.
Fir Nikhil jaise hi Ghar ke Andar gaya to uske Hoosh Ud gay.
Usne Deakha ki Sweeta ke ghar ka Saara Saamaan Bikhra Pada Hai.
Tabhi Nikhil ki Najar Ek Table par Padi jispe Sweeta ka Vo Ek Hissa loket ka gira tha.
Ye Sab Deakh ke Nikhil Samajh gaya ki Sweeta ke saath jarur kuch galat hua hai.
Isliye Vo Turant Daudta hua Police Station gaya Or Police inspector ko saari baat batai.
Nikhil ki Baat sun ke Inspector turant Sweeta ke ghar pe Aa gai Or Jaanch karne lagi.
Police inspector ne Har chiz ko Deakha par use kuch samajh nahi Aa raha tha.
Fir police inspector ne Nikhil se bola ki
Ghar ka saara saamaan bikhra pada hai or darwaaze ka lock bhi tuta hua hai.
Is se to Ek hi Baat saabit hota hai ki kisi Ne Sweeta ka kidnapped kiya hai.
Ye sun Ke Nikhil Roone lagta hai Or bolta hai ki Koi Meri Sweeta ko kyu kidnapped karega.
Inspector bolta hai ki Aap log Bahut Amir ho Isliye Ho sakta hai ki koi Sweeta ko kidnapped kar ke Aapse paise maangna chahta ho.
Ye sun ke Nikhil Police Inspector ke Saamne Haath joodke Gid-Gidaane lagta hai or bolta hai ki Please Meri Sweeta ko Aap Dhund lo Kidnappers ko Jitna paisa Chahiye Me Dene ko Taiyaar hu Bas Mujhe meri Sweeta Lauta Do Please.
Inspector Nikhil ko shaant karta hai or Bolta hai Ki Aap tension Mat Lo Ham Jald hi Sweeta ko dhundh lenge.
Sab Kuch khatam ho gaya Nikhil Ekdam Toot gaya Vo Sweeta ki yaad me Bas Rooye jaa raha tha.
Nikhil ki Asi Haalat Deakh kar Uske Mom Dad bhi Bahut pareshaan ho gay.
Nikhil ke Dad me Sweeta ko Dhund ne ke liye Special Police bhi Lagwa diya tha par fir Bhi Sweeta ka kuch pata nahi chal raha tha.
Nikhil to Pagal sa Ho Gaya tha.
Kai din Beet gay par Sweeta ka kuch pata nahi chal raha tha.
Tabhi Police inspector Nikhil ke paas Aaya Inspector ko deakh ke Nikhil ne turant Pucha ki Kaha hai meri Sweeta Uska kuch pata chala vo thik to hai na.
Inspector ne Bataya ki Hame Sweeta kahi nahi mil rahi hai Par kal hi Kisi ne Uska pura Bank Balance Khaali kar diya hai.
Ye sun Ke Nikhil or bhi jaada ghabra gaya use pata tha ki ek baar kidnappers ne Sweeta se paisa nikalwa liya to vo Use Maar denge ye Soch ke vo Fut-Futke Roone laga.
Fir Nikhil ne khud hi jald se jald Sweeta ko dhundhne ka soch liya.
Or vo Har Jagah Sweeta ko dhundhne laga Har ek insaan se vo Sweeta ke baare me puchne Laga par iska koi faayda nahi hua.
Fir Nikhil Sweeta ke ghar me jaake pata lagaane ki kosis karta hai.
Usne Sweeta ka pura ghar Chaan Maara par use kuch bhi nahi mila.
Nikhil thak haar ke jaane laga par jaise hi Vo Sweeta ke ghar ke bahar kadam rakhne waala tha ki Acchanak uski najar Derwaaje ke paas padi ek Ciggrate par padi.
Nikhil ko Samajh nahi Aa raha tha ki Aakhir yaha cigarette kon pii raha tha.
Tabhi Use kisi pe Shak hua.
Vo Jaldi se Daudta hua Un 4 Ladko ke paas gaya jo Sweeta ko hamesha Cheedte the.
Nikhil unse kehta hai ki tumne hi meri Sweeta ka kidnappe kiya hai na Jaldi se bataao ki Meri Sweeta kaha hai.
Nikhil ki Baat Sun ke Wo chaaro joor se hasne lagte hai.
Nikhil ko bahut gussa Aa jaata hai Vo ek Ladke ka Kolar pakad leta hai Or Bolta hai ki jaldi se bol meri Sweeta kaha hai.
Tabhi Vo Ladka bolta hai ki Ab Tu Bhool ja Sweeta ko hameesha ke liye vo tujhe kabhi nahi milegi.
Itna sunte hi Nikhil uske Muh pe Joor se Mukka maar deta hai.
Ye Deakh ke Chaaro ko bahut gussa aa jaata hai vo Log Nikhil ko Maarne lagte Hai. Vo Log Nikhil ko Bahut Jaada Maarte hai itna Maarte hai ki Nikhil Behoosh ho jaata hai.
Fir Vo log Waha se bhaag jaate hai.
Jab Nikhil ko Hoosh Aata hai to vo fut-Fut kar roone lagta hai
Or Roote-Roote Apne Ghar Chala gaya.
Mom Dad Nikhil ki Asi Haalat Deakh ke Daudte-Daudte Nikhil ke Paas Aay or Puche.
Ki Beta Kya hua Tumhaara Esa Haal kisne Kiya.
Par Nikhil Bas Ek hi Baat Bol raha tha ki
Dad Meri Sweeta kaha hai…
Meri Sweeta kaha hai…
Nikhil ko Deakh ke Mom Dad Samajh gay ki Sweeta ke Jaane se Uske Dimaag pe Bahut Gehra Asar hua hai.
Fir Nikhil Chup-Chaap Apne kamre me Chala jaata hai.
Nikhil ko Sweeta ki Itni yaad Aa rahi thi ke vo Kai Din Tak Khaana nahi khaata hai.
Or Khaana thik se Nahi khaane ki Wajah se Nikhil ki Tabiyat Bahut kharaab ho gai thi.
Nikhil ke Mom Dad Nikhil ko Leke Bahut pareshan ho gay.
Tabhi Nikhil ki Mom uske Paas Aai Or Boli ki Beta Hum sabne Bahut koshish ki Par Sweeta ka kuch pata nahi chal paa raha hai.
Tum Agar Ase hi Khaana nahi khaaoge to Bahut Bimaar Ho jaaoge.
Ye Sun ke Nikhil Roote hue Apni Mom se Lipat Gaya Or Bola ki Mom me Sweeta ke Bina nahi Reh Sakta.
Fir Nikhil bolta hai ki Me Jaa Raha hu Apni Sweeta ko Dhundhne.
Sweeta Chahe is Duniya me kahi bhi ho Me use Dhund ke hi rahunga.
Uski Baat Sunke Uski Mom bolti hai Beta Tumhaara Dimaagi Haalat Thik nahi lag Rahi hai Isliye Tum Asi Baat kar rahe ho.
Mom ki Baat Sun ke Nikhil ko Gussa Aa jaata hai Or Vo Apni Mom ko Dhaka de Ke Waha Se Chala Jaata hai.
Nikhil ki Mom Roone lagti he Or Nikhil ke Dad ke paas jaakar Kehti hai ki.
Hamare bete ko Kuch Ho gaya hai Usne kabhi Mujhse Najar utha ke Baat tak nahi kiya tha Or Aaj Vo Mujhpe Haath utha kar Chala gaya.
Fir Nikhil ke Dad Nikhil ko Dhundhne lagte hai par Nikhil unhe kahi nahi milta.
Ase hi 2 Din Beet Jaate hai Par Nikhil ka kuch pata nahi Chal paa raha tha ki Vo Aakhir Kaha chala gaya.
Nikhil ke Mom Dad Bhi Bahut Roo rahe the Kyuki unka Beta unhe Chood ke Chala gaya tha.
Tabhi Dad ne Deakha ki Nikhil ne Unke Bank Account se Bahut Saara paisa nikaal liya hai.
Unhone bahut kosis ki par vo Nikhil ko nahi dhundh paaye….
Yaha Nikhil Sheher Se Bahut Dur Ek Ghane Jungle me Ek Ghar Banwaata hai.
Jaha koi Insaan nahi Aa sakta tha.
Ab Nikhil Un Chaaro Ladko ke Baare me Pata karne lagta hai ki Vo Kon Hai.
Kyuki Nikhil ko Pata tha ki Vo Chaaro ne hi Sweeta ke Saath kuch kiya Hai..
Kai Din Najar Rakhne ke baad Nikhil ko pata chalta hai ki vo Chaaro ke Paas Acchanak se Bahut paisa Aa gaya hai..
Isliye Nikhil ka Shak Yakin me Badal Gay ki Inhi Logo ne Sweeta ke Bank Account se paisa nikaala hai.
Fir Nikhil ye Deakhta hai ki vo chaaro Roj Ek Club me Jaa ke Daaru pite or enjoy karte hai.
Ek Din Vo Us Club me Jaata hai Or Ek Waiter ko Bulake Use Paise de kar Puchta hai Ki Ye Log Kon Hai.
Paise Le kar Waiter Batata hai Ki Ye Chaaro Ekdam Lukhe Ladke hai Magar Aaj Kal Inke Paas Acchanak Bahut Paisa Aa gaya hai..
Fir Nikhil Waiter se unka Naam Puchta hai.
Waiter ne Bataya ki Forget Inme se Ek Ka Naam Rajesh hai or Dusre ka Naam Arjan hai tisre Ka Naam Vinay Hai Or Unke Group ka Boss Jiska Naam Vicky Hai..
Fir Nikhil Waha se Chala Jaata hai..
Nikhil Sweeta ke pyaar me Itna Plagal ho chuka tha ki Ab Apni jaan De bhi sakta tha Or kisi ki Jaan Le bhi Sakta tha..
Ek Din Nikhil ne Plain Banaya Or Us Club me chala gaya.
Waha Vo Chaaro Bhi Enjoy kar Rahe the.
Nikhil ne Apne Chehre par Mask Pehan liya tha.
Fir Usne Waiter Ko Bulaaya ko Use Bahut Saare paise diye Or Bola ki..
Tum In Chaaro ko itna daaru pilaao..itna daaru pilaao ki Inhe Hoosh hi na rahe.
Itna saara paisa deakh kar Waiter bhi Nikhil ki Baat Maan Gaya Or Un Chaaro Ko Had Se Jaada Daaru Pilaa Diya..
Ab Vo Chaaro itna Nashe me ho Gay the ki Thik Se Chal Bhi Nahi Paa Rahe The..
Nikhil Un Chaaro Par najar Rakhe hue tha.
Tabhi Arjun ne nashe ki Haalat me bola ki Doston tum yahi ruko me Abhi Toilet kar ke Aata hu..
Arjun Toilet karne Club se baahar chala jaata hai..
Tabhi Mauka deakh ke Nikhil Arjun ke Sir pe Jaar se Lohe ka Rod Maar deta hai..
Arjun turant behosh ho gaya..
Agle Din Jab Arjun ko Hosh Aaya to Usne Deakha ki Vo ek Sun Saan ghar me Ek chair par Bandha hua hai..
Arjun ko kuch samajh me nahi Aa raha tha ki Uske saath kya ho Raha hai..
Tabhi Nikhil Waha Aa gaya…
Nikhil ko Deakh ke Arjun bola ki..
Nikhil Tu.. Tune Mujhe Yaha laaya hai..
Chood de mujhe Nikhil nahi to tere saath accha nahi hoga..
Tabhi Nikhil bolta hai ki Bata Arjun Meri Sweeta ke Saath Kya kia Tumlogo ne.
Nikhil ki baat sun ke Arjun Joor-Joorse Hasne Lagta hai..
Arjun ko Hasta deakh Nikhil ko gussa Aa jaata hai Vo Turant Andar se Ek Bada se chaaku Nikaal Laata hai..
Chaaku deakh le Arjun bolta hai Ki..
Kya tu mujhe Darana Chahta hai Nikhil..
Par Chahe Tu Kuch Bhi Kar Le par Tujhe Sweeta Ab Kabhi Nahi Milegi..
Itna sunte hi Nikhil Ko Bahut Jaada Gussa Aa Gaya Isne Gusse me Arjun ke 4 Ungliya Kaat ke Alag Kar Di..
Arjun Dard Se Tadapne Laga Or Joor-Joorse Chillane Laga..
Nikhil ne Bola ki Tu Chaahe Jitna bhi Chilla le Teri Aawaj Sun ne ke liye Yaha Dur-Dur tak koi nahi hai..
Fir Nikhil ne Chaaku Arjun ke Seene Pe Rakh diya Or Bola…
Jaldi Bata Meri Sweeta Kaha Hai Nahi to Teri Chamdi Udhed Dunga..
Arjun ne Fir Bola ki Tu Bhool ja Sweeta Ko..
Ab Nikhil Ne Arjun ke Seene Ki Chamdi Chillni Suru kar Di Or Bola Ki Agar..
Meri Sweeta ko Kuch Bhi Hua Hoga na To Me Teri Puri Sharir Ki Chamdi Alag kar Dunga.
Dard Se Arjun Tadap raha tha..
Arjun Ne Nikhil se Bola ki Mujhe Maaf Kar Do Nikhil Mene kuch nahi kiya Ye Sab Hamaare Boss Vicky ka Plain tha..
Nikhil ne Bola Kaisa Plain Jaldi Bata ki Tum Logo Ne Sweeta ko Kaha Rakha hai.
Arjun bolta hai ki Mujhe nahi Pata Sweeta kaha hai Vo To Vicky Ko Hi Pata hai..
Itna Sunte hi Nikhil ne Chaaku Arjun ke Gale Pe Rakh Diya Or Bola ki Mujhe Sab Sach-Sach Bata ki Tum Logo Ka Plain kya hai Or Meri Sweeta ke Saath Kya Kiya Tum Logo Ne Or Sweeta Kaha Hai Jaldi Bata Nahi To Me Tujhe Jaan Se Maar Dunga..
Arjun Ne Bola ki Me Batata Hu…
Nikhil me Sab Batata hu..
Or Jaise Hi Arjun ne Muh Khoola..
Arjun ki Puri Baat Sun Ke Nikhil Ekdum Shock Ho Gaya Uska Dimaag Ek Dum Sun Pad Gaya.
Nikhil Apna Hoosh Kho Baitha Or Use Itna Gussa Aa gaya ki Usne Arjun ke Tukde-Tukde Kar Diya…
Or Ek Kone Be Baith Ke Joor Joor Se Roone Laga..
Vo Itna Toot Gaya ki Usne Khud Ko Bhi Chaaku Se Choot Pahucha Liya Or
Ek Hi Baat Bola Ki…
ESA KYU KIYA Tumlog Ne
——————————————————————
Doston Nikhil Sweeta se Beintaha Pyaar karta tha.
Or Vo Sweeta ko Dhundhne ke liye Kuch bhi Kar Raha Tha..
Par Aakhir Sweeta ka Kya hua…
Unhone Sweeta ke Saath Asa kya kiya tha jisko Sunte hi Nikhil Itna Jaada Shock Ho Gaya..
Kya Sweeta Abhi Jinda Hai Yaa Mar Gai..
Jaan ne ke liye Me Jald Hi Aapke Liye Chapter 2 Laaunga..
Tabtak ke liye Byy (Have a Nice Life)❤️❤️
AUTORENGEDANKEN 
Avinash_Tiwari_8743
Avinash_Tiwari_8743 Meri Kahaani Padne Ke Liye Aap Sab Ka Me Dil Se Dhanyvad Karta Hu
Bhagawan Aapko Or Aapke Parivaar Ko Hamesha Khush Rakhe
Creation is hard, cheer me up! VOTE for me!
Wöchentlicher Energiestatus
-- Power-
Rangliste 
-- Power-
Stein